Monday, July 30, 2012

တန်ဖိုးရှိလောကနိတီများ



ပျင်းရိခြင်း၏အကျိုးဆက်
ပျင်းသောသူအား အတတ်ပညာ အဘယ်မှာ တတ်အံ့နည်း။
အတတ်ပညာမရှိသောသူအား ဥစ္စာအဘယ်မှာ ရအံနည်း။
ဥစ္စာမရှိသောသူအား ချမ်းသာအဘယ်မှာ ရအံနည်း။
ချမ်းသာမရှိသောသူအား ကောင်းမှုအဘယ်မှာ ရအံ့နည်း။
ကောင်းမှုမရှိသောသူအား နိဗ္ဗာန် အဘယ်မှာ ရနိုင်ပါအံ့နည်း။


ပညာသည်သာ အရေးကြီး

အတတ်ပညာနှင့် တူသော ဥစ္စာသည် မရှိ။
အတတ်ပညာကို ခိုးသူတို့ မယူနိုင်ကုန်။
ဤလောက၌ အတတ်ပညာကား အဆွေခင်ပွန်း ဖြစ်၏။
တမလွန်ဘဝ၌ ချမ်းသာကို ဆောင်တတ်၏။


နေရာတိုင်းမှာ သုခမိန်မရှိ
တောင်တောင်ဟူသမျှ၌ ပတ္တမြားမရှိ။
ဆင်ဆင်ဟူသမျှ၌ အမြုတေမရှိ။
တောတောဟူသမျှ၌ စန္ဒကူးမရှိ။
အရပ်တိုင်းအရပ်တိုင်း၌ ပညာရှိ သုခမိန်မရှိ။


ဖြည်းဖြည်းပြုရမည့် အရာများ
အတတ်ပညာကို ဖြည်းဖြည်း သင်ရာ၏။
ဥစ္စာကို ဖြည်းဖြည်း ရှာရာ၏။
တောင်ကို တက်သောသူသည် ဖြည်းဖြည်း တက်ရာ၏။
ကာမဂုဏ်ကို ဖြည်းဖြည်းလိုရာ၏။
အမျက်ကို ဖြည်းဖြည်းထွက်ရာ၏။
ဤငါးပါးတို့ကို ဖြည်းဖြည်းအလိုရှိရာ၏။


မိမိဥစ္စာမဟုတ်
လောက၌ ပေတို့၌ရှိသော အတတ်ပညာသည်လည်းကောင်း
သူတစ်ပါး၏ လက်တို့၌ရှိသော ဥစ္စာသည်လည်းကောင်း
ပြုဖွယ်ကိစ္စသည် ဖြစ်လတ်သော် ထိုပေ၌ရှိသော အတတ်သည်လည်း အတတ်မမည်။
သူတစ်ပါးတို့၏ လက်၌ရှိသော ဥစ္စာသည်လည်း ဥစ္စာမမည်။


ကြည့်လျှင်သိနိုင်သည်
လောက၌ ရေတိမ်ရေနက်ကိုကား ကုမုဒ္ဒရာကြာကို မြင်သဖြင့် သိအပ်၏။
အမျိုးယုတ်မြတ်ကိုကား ကိုယ်အမူအရာ , နှုတ်အမူအရာအားဖြင့် သိအပ်၏။
ပညာရှိ မရှိကိုကား ဆိုအပ်သော စကားဖြင့် သိအပ်၏။
မြေကောင်းမကောင်းကိုကား မြက်ညှိုးမညှိုးကိုမြင့်သဖြင့် သိအပ်၏။


ရသင့်ရာရမှ လူဖြစ်ကျိုးနပ်မည်
လောက၌ ပထမအရွယ်၌ကား အတတ်မရတုံအံ့။
ဒုတိယအရွယ်၌ကာ ဥစ္စာမရတုံအံ့။
တတိယအရွယ်၌ကား တရားမရတုံအံ့။
စတုတ္ထအရွယ်တိုင်မှာကား အဘယ်မူစအံ့နည်း။


ပညာတတ်သူကို အများလေးစား

ချစ်သားတို့ … အတတ်ပညာကို သင်ကုန်လော့။
အဘယ်ကြောင့် ပျင်းရိသနည်း။ ချစ်သားတို့… နေ့တိုင်းနေတိုင်း အတတ်ပညာကို သင်ကုန်လော့။ အတတ်ပညာမရှိသောသူသည် သူ၏ ဝန်ထမ်းဖြစ်တတ်၏။ အတတ်ပညာရှိသူကို သူတစ်ပါးတို့ ပူဇော်အပ်၏။


ရန်ဖြစ်သော မိဘများ
အကြင်အမိသည် သားငယ်ကို အတတ်ပညာ သင်မပေး။ အတတ်ပညာသင်၍ မပေးသော အမိသည် ရန်သူမည်၏။ အကြင်အဖသည် အတတ်ပညာသင်၍ မပေး။ အတတ်ပညာသင်၍ မပေးသော အဖသည် ရန်သူမည်၏။ ထိုအတတ်ပညာမရှိသော သူသည် ဟင်္သာတို့အလယ်၌ ဗျိုင်းကဲ့သို့ သဘင်အလယ်တွင် မတင့်တယ်။

နွားနှင့်တူသောသူ
လောက၌ အစာစားခြင်းသည်လည်းကောင်း၊ မေထုန်မှီဝဲခြင်းသည်လည်းကောင်း၊ အိပ်ခြင်းသည်လည်း ကောင်း နွား၌လည်းကောင်း၊ ယောက်ျား၌လည်းကောင်း ရှိ၏။ အတတ်ပညာ ဟူသည်ကား ယောက်ျား၏ အထူးပေတည်း။ အတတ်ပညာမှ ယုတ်ခဲ့မူကား နွားနှင့်တူသည် ဖြစ်၏။

အတူမရှိနိုင်သော အရာများ
လောက၌ အတတ်ပညာနှင့်တူသော အဆွေခင်ပွန်းသည် မရှိ။
အနာနှင့်တူသော ရန်သူသည် မရှိ။
ကိုယ်နှင့်တူသော ချစ်သောသူမည်သည် မရှိ။
ကံနှင့်တူသော အားသည်မရှိ။


ယောက်မနှင့်တူသူ

သူမိုက်သည် အသက်ထက်ဆုံးလည်း ပညာရှိကို အကယ်၍ ဆည်းကပ်ငြားအံ့။ ထိုသူမိုက်သည် တရားကို မသိ၊ အဘယ်ကဲ့သို့နည်းဟူမူယောက်မသည် ဟင်း၏ အရသာကို မသိသကဲ့သို့တည်း။


လျှာနှင့်တူသူ
ပညာရှိသည် ခဏမျှလည်း ပညာရှိကို အကယ်၍ ဆည်းကပ်ငြားအံ့။ တရားကို သိ၏။ အဘယ်ကဲ့သို့နည်း ဟူမူကား လျှာသည် ဟင်း၏ အရသာကို သိသကဲ့သို့တည်း။

အရူးနှင့်တူသောသူများ
ဥစ္စာမရှိဘဲလျက် အရသာစားကြူးသောသူ၊
ခွန်အားမရှိဘဲလျက် အသတ်အပုတ်ကြိုက်သောသူ၊
ပညာမရှိဘဲလျက် စကားလိုလားသောသူ ဤသူတို့ကား သူရူးနှင့် တူကုန်၏။


သူယုတ်လက္ခဏာ
သူမခေါ်ဘဲ သူ့အိမ်သို့ သွားဖန်များသောသူ၊
သူမမေးဘဲ စကားများများ ပြောတက်သူ၊
မိမိဂုဏ်ကျေးဇူးကို ပလွှားတတ်သောသူ၊ ဤသုံးပါးသည် သူယုတ်၏ လက္ခဏာတည်း။


အတတ်ပညာမရှိလျှင် မတင့်တယ်
အဆင်းအရွယ်နှင့် ပြည့်စုံခြင်းမူလည်း ၊ ပြန့်ပြောကြွယ်ဝသော အမျိုး၌ ဖြစ်လျှင်မူလည်း အတတ်ပညာမှ ယုတ်ခဲ့မူကား မတင့်တယ်ကုန်။ ပေါက်ပန်းတို့သည် အနံ့ကင်းကုန်သကဲ့သို့တည်း။

မထီမဲ့မြင် မပြုသင့်
လောက၌ အမျိုးယုတ်သောသူ၏ သားဖြစ်လျက် မင်း၏ အမတ်ဖြစ်တတ်၏။ လူမိုက်၏ သားဖြစ်လျက် ပညာရှိ ဖြစ်တတ်၏။ ဥစ္စာမရှိသောသူ၏ သားဖြစ်လျက် ဥစ္စာများတတ်၏ ထို့ကြောင့် ယောက်ျားတို့အား မထီမဲ့မြင် မပြုကုန်ရာ။

ဆရာ၏စေတနာ
အိုးထိန်းသည်သည် အိုးကို ကွဲစိမ့်သောငှာ မခတ်၊ တင့်တယ်စိမ့်သောငှာ ခတ်၏။
ဆရာသည် တပည့်တို့အား အပါယ်ဆင်းရဲသို့ ကျစေခြင်းငှာ မပုတ်ခတ်၊ အတတ်ပညာ အစီးအပွားဟူ သော အကြောင်းကြောင့် ပုတ်ခတ်၏။


ပညာရှိတို့နှင့်သာ ပေါင်းသင်းဆက်ဆံသင့်
တောင်ဇလပ်ပန်းကိုလျှင် ပေါက်ဖက်နှင့်ထုတ်၏။ ထိုသူ၏ တောင်ဇလပ်ပန်းသည်သာလျှင် ကောင်းသောအ နံ့ကို လှိုင်စေသည်ကား မဟုတ်။ ပေါက်ဖတ်တို့သည်လည်း ကောင်းသောအနံ့ကို လှိုင်စေကုန်၏။ ထို့အတူ ပညာရှိသူနှင့် ပေါင်းဖက်လှီဝဲရသော သူကို မှတ်အပ်၏။

လမ်းမှန်ကိုသာ လျောက်ပါ
လောက၌ စန္ဓကူးပင်သည် ခြောက်သွေ့သော်လည်း အနံ့ကိုမစွန့်။ ဆင်ပြောင်သည် စစ်မြေပြင်သို့ရောက် သော်လည်း လူတို့၏ မျာက်မှောက်၌တင့်တယ်ခြင်းကို မစွန့်။ ပညာရှိသူတော်ကောင်းသည် ဆင်းရဲခြင်း သို့ ရောက်သော်လည်း သူတော်ကောင်းတရားကို မစွန့်သည်သာတည်း။

လူမိုက်သား ရမ်းကား
အမိယုတ်သောသူကား မကောင်းသောစကားရှိသည် ဖြစ်၏။
အဖယုတ်သောသူကား မကောင်းသော အမူအကျင့်ရှိသည် ဖြစ်၏။
မိဘနှစ်ပါးစုံယုတ်မူကား မကောင်းသောစကားရှိသည်လည်းဖြစ်၏။
မကောင်းသော အမူအကျင့်ရှိသည်လည်းဖြစ်၏။


သံဃာ့ပစ္စည်းအဆိပ်သီး
လောက၌ အဆိပ်ကို အဆိပ်ဟူ၍ မဆိုကုန်။ သံဃာ၏ ဥစ္စာကို အဆိပ်ဟူ၍ ဆိုအပ်၏။ အဆိပ်သည် တစ်ကြိမ်သာလျှင် သတ်တတ်၏။ သံဃာ၏ ဥစ္စာသည်ကား အကြိမ်ကြိမ်အဖန်ဖန် သတ်တတ်၏။

အများအကျိုးသယ်ပိုးသင့်
ရေကို မြစ်တို့သည် မသောက်ကုန်။ သစ်ပင်တို့သည် အသီးကို မစားကုန်။ မိုးသည် အချို့သော အရပ်တို့ ၌ မရွာကုန်။ သူတော်ကောင်းတို့၏ ဥစ္စာသည်လည်း သူတစ်ပါးတို့မှာ အကျိုးသာတည်း။

အားလုံးနှင့်အဆင်ပြေရန်
လိုချင်တပ်မက်ခြင်းရှိသောသူကို တန်းစိုးလက်ဆောင် ပေးခြင်းဖြင့် ယူရာ၏။ မာနခက်ထန်သော သူကို လက်အုပ်ချီသဖြင့် ယူရာ၏။ သူမိုက်ကိုကား အလိုသို့လိုက်သဖြင့် ယူရာ၏။ ပညာရှိ အဟုတ်အမှန်ဆိုသ ဖြင့် ယူရာ၏။

ပေးကမ်းခြင်းဖြင့် အောင်နိုင်ရာ၏
လောက၌ ပေးကမ်းခြင်းသည် မယဉ်ကျေးသောသူကို ယဉ်ကျေးစေတတ်၏။ ပေးကမ်းခြင်းသည် ခပ်သိမ်း သောအကျိုးကို ပြီးစေတတ်၏။ ပေးကမ်းခြင်းကြောင့် လည်းကောင်း၊ ချစ်ဖွယ်သော စကားကို ဆိုခြင်း ကြောင့်လည်းကောင်း၊ မိမိကလည်း သူ့အပေါ် မိုမောက်နိုင်ကုန်၏။ မိမိသို့လည်း ရိုညွှတ်ကုန်၏။

ပညာရှိတို့သဘော
ပညာရှိတို့သဘောကား မရောက်သေးသော ဘေးကို မြင်သည်ရှိသော် အဝေးကလျှင် ကြဉ်ရာ၏။ ရောက်ပြီး ရောက်ဆဲသော ဘေးကို မြင်မူကား ကြောက်ရွံ့တတ်သော သဘောမရှိသည် ဖြစ်၏။

တန်ဖိုးရှိသောစကားများ
လောက၌ ကျောက်ထီးသည် လေး၏။ ထိုထက် နတ်တို့၏ ပြောကြားခြင်းသည် လေး၏။ ထိုထက် ဆရာမိ ဘတို့၏ အဆုံးအမသည် လေး၏။ ထိုထက် ဗုဒ္ဓမြတ်စွာ၏ စကားသည် လေး၏။

မနေသင့်သောအရပ်
အကြင်အရပ်၌ မြတ်နိုးခြင်းမရှိ၊ ချစ်ခြင်းလည်းမရှိ၊ အဆွေခင်ပွန်းလည်း မရှိ၊ တစ်စုံတစ်ယောက်သော အတတ်ပညာသင်စိမ့်သော သူလည်း မရှိ ၊ ထိုအရပ်၌ နေခြင်းကို မပြုရာ။

Friday, July 27, 2012

ဗုဒ္ဓဘာသာတရားကို မယုံကြည်လို့မေးသောမေးခွန်းများ

(၁) - ဗုဒ္ဓဘာသာဆိုတာ ဘာလဲ။
(၂) - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။
(၃) - ဗုဒ္ဓဆိုတာ ဘယ်သူပါလဲ။
(၄) - ဗုဒ္ဓဟာ သူ့ရဲ့ကြင်ယာတော်နဲ့ သားတော်ကို ပစ်ထားခဲ့တဲ့အတွက်
        တာဝန်မဲ့ရာ မရောက်ဘူးလား။
(၅) - ဗုဒ္ဓက ပရိနိဗ္ဗာန် စံသွားပြီဆိုတော့ သူက ကျွန်ုပ်တို့ကို ဘယ်လို ကူညီနိုင်ပါသလဲ။
(၆) - ဗုဒ္ဓဟာ ထာဝရဘုရား (God) လား။

(၇) - ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုးကိုးကွယ်နေကြသလဲ။
(၈) - ဗုဒ္ဓဘာသာဝင်များဟာ ရုပ်တုကို ကိုးကွယ်ကြတယ်လို့ တချို့လူများက ပြောတာ ကြားဘူးပါတယ်။   
        ဟုတ်ပါသလား။
(၉) - တရုတ် ဗုဒ္ဓဘာသာ ဘုရားကျောင်းတွေ ထဲမှာ စက္ကူပိုက်ဆံတွေကို မီးရှို့တာတွေ၊ ပြီးတော့ တခြား
          ထူးထူးဆန်းဆန်း လုပ်ကြတာ တွေ့ကြရပါတယ်။ အဲဒါတွေကို ဘာကြောင့် လုပ်ကြပါသလဲ။
(၁၀) - ဗုဒ္ဓဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြားမိပါဘူး။ အဲဒါ ဘာကြောင့်လဲ။
(၁၁) - ဘာကြောင့် ဗုဒ္ဓဘာသာတွေ အမျိုးမျိုး ကွဲပြားနေပါသလဲ။
(၁၂) - သင်က ဗုဒ္ဓဘာသာကို အလွန် အထင်ကြီးတာပဲ။ သင်ဟာ သင့်ဘာသာတရားကို မှန်တယ်လို့
          ယူဆပြီး တခြားဘာသာ အားလုံးကို မှားတယ်လို့ ယူဆပုံရတယ်။
(၁၃) - ဗုဒ္ဓဘာသာဟာ သိပ္ပံနည်း ကျပါသလား။


(၁) မေး - ဗုဒ္ဓဘာသာဆိုတာ ဘာလဲ။

ဖြေ - “ဗုဒ္ဓဘာသာ“ ဆိုတဲ့ စကားလုံးဟာ “ဗုဒ္ဓိ“ ဆိုတဲ့ စကားလုံးမှ လာတာပါ။ “ဗုဒ္ဓ“ ဆိုတာ (ကိလေသာ တည်းဟူသော အိပ်ပျော်ခြင်းမှ) “နိုးလာသူ“ လို့ အဓိပ္ပါယ်ရပါတယ်။ ဒါကြောင့် ဗုဒ္ဓဘာသာဆိုတာ နိုးကြားရေး အတွေးအမြင် (ဒဿန) ပညာပါပဲ။ ဒီဒဿနပညာကို ဂေါတမနွယ်ဖွား သိဒ္ဓတ္ထ မင်းသားကနေ ဘုရား ဖြစ်လာတဲ့ ဗုဒ္ဓမြတ်စွာဘုရားက စတင်ဟောပြောခဲ့ပါတယ်။


ဗုဒ္ဓရှင်တော်မြတ်ဘုရားဟာ သက်တော် ၃၅နှစ်မှာ (ကိလေသာ တည်းဟူသော အိပ်ပျော်ခြင်းမှ) နိုးလာပြီးလျှင် ဘုရားအဖြစ်သို့ ရောက်တော်မူပါသည်။ ဗုဒ္ဓဘာသာဟာ နှစ်ပေါင်း ၂၅၀၀ ကျော် ကြာမြင့်ခဲ့ပြီ ဖြစ်လို့ ဗုဒ္ဓဘာသာဝင်ပေါင်း သန်းသုံးရာကျော် ရှိနေပါပြီ။ လွန်ခဲ့တဲ့ နှစ်ပေါင်း တစ်ရာလောက် အထိတော့ ဗုဒ္ဓဘာသာဟာ အရှေ့တိုင်း ဒဿနပညာရပ် တစ်ခုအဖြစ်သာ တည်ရှိခဲ့ပါတယ်။ သို့သော်လဲ ယခုအချိန်မှာ ဥရောပနှင့် အမေရိကတိုက်ရှိ နိုင်ငံပေါင်း များစွာမှာလဲ ဗုဒ္ဓဘာသာဝင် ဦးရေတဖြည်းဖြည်း တိုးပွါးနေပါတယ်။

(၂) မေး - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။

ဖြေ - ဒဿနပညာဆိုတာ အင်္ဂလိပ်စကား Philosophy ကို ဘာသာပြန်ထားတာပါ။ အဘိဓာန်များ ဖွင့်ပြချက်အရ ဆိုရင် "philo"ဆိုတာ “ချစ်ခင်ခြင်း မေတ္တာ“ လို့ ဆိုလိုပါတယ်။ "sophy" ဆိုတာ “ပညာ“ လို့ အဓိပ္ပါယ် ရပါတယ်။ ဒီတော့ "Philosophy" ဆိုတာ “ပညာကို ချစ်ခင်ခြင်း“၊ သို့မဟုတ် “မေတ္တာနှင့် ပညာ“ လို့ အဓိပ္ပါယ် ရပါတယ်။

ဒီစကား နှစ်လုံးဟာ ဗုဒ္ဓဘာသာရဲ့ အဓိပ္ပါယ်ကို အပြည့်အ၀ ဖေါ်ပြနိုင်ပါတယ်။ ဗုဒ္ဓဘာသာ တရားက သဘာဝတရားကို ကြည်လင်ပြတ်သားစွာ ကျွန်ုပ်တို့ နားလည် နိုင်ရေးအတွက် အပြည့်စုံဆုံး ဥာဏ်ပညာအရည်အသွေး တိုးတက်အောင် ကြိုးစားကြဖို့ သင်ပေးပါတယ်။ ပြီးတော့ ကျွန်ုပ်တို့ဟာ သတ္တ၀ါအားလုံးရဲ့ မိတ်ဆွေသဖွယ် ဖြစ်နိုင်စေရန် မေတ္တာ ကရုဏာတရား တိုးပွါးအောင် ကြိုးစားဖို့ကိုလဲ သင်ပေးပါတယ်။ ဒါကြောင့် ဗုဒ္ဓဘာသာကို အတွေးအမြင် ပညာတစ်ရပ်လို့ ဆိုနိုင်သော်လဲ သာမာန် အတွေးအမြင်ပညာ မဟုတ်ပါဘူး။ မြင့်မြတ်သော အတွေးအမြင်ပညာ (Supreme Philosophy) သာ ဖြစ်ပါတယ်။

(၃) မေး - ဗုဒ္ဓဆိုတာ ဘယ်သူပါလဲ။

ဖြေ - ခရစ်မပေါ်မီ ၅၆၃ ခုနှစ်မှာ အိန္ဒိယပြည် မြောက်ပိုင်း (ကပိလ၀တ်ပြည်) ဘုရင် သုဒ္ဓေါဓနနှင့် မိဖုရား မယ်တော်မာယာတို့မှ သားကလေးတစ်ယောက် ဖွားမြင်ပါတယ်။ ဒီမင်းသားကလေးဟာ စည်းစိမ်ဥစ္စာ ပြည့်ပြည့်စုံစုံနှင့် ကြီးပြင်းလာရသော်လဲ နောက်ဆုံးမှာ လောကီစည်းစိမ်ဥစ္စာတွေဟာ ချမ်းသာပျော်ရွှင်မှုကို မပေးနိုင်ဘူးဆိုတာ တွေ့လာရတယ်။ ဒီမင်းသားဟာ သူ့ပတ်ဝန်းကျင်မှာ သူတွေ့မြင်ရတဲ့ ဆင်းရဲဒုက္ခတွေကြောင့် အကြီးအကျယ် စိတ်မချမ်းမသာဖြစ်ပြီး လူသားတို့ ချမ်းသာရေးအတွက် သော့ချက်ကိုရှာဖို့ ဆုံးဖြတ်လိုက်တယ်။

အသက်၂၉နှစ် ရှိတဲ့အခါ ဒီမင်းသားဟာ သူ့ရဲ့ကြင်ယာတော် (ယသောဓရာ)နှင့် သားတော်(ရာဟုလာ)ကို ထားခဲ့ပြီးတော့ အဲဒီခေတ်က ဘာသာရေး ဆရာကြီးများရဲ့ အထံမှာ အသိပညာ ဆည်းပူးဖို့ ထွက်လာခဲ့တယ်။ သူတို့ဟာ ဒီမင်းသားကို မြောက်မြားစွာ သင်ကြား ပေးကြသော်လဲ သူတို့ကိုယ်တိုင် ဆင်းရဲဒုက္ခရဲ့ အကြောင်းရင်း ဇာစ်မြစ်ကို မသိကြတဲ့အတွက် ဒီဆင်းရဲဒုက္ခကို ဘယ်လို ကျော်လွန်အောင် လုပ်နိုင်တယ်ဆိုတာကိုလဲ မသိကြဘူး။

သိဒ္ခတ္ထမင်းသားဟာ (ဥရုဝေလတော) မှာ ခြောက်နှစ် ကြာအောင် လေ့လာ ပွါးများ အားထုတ်ပြီးတဲ့ အခါမယ် အ၀ိဇ္ဇာကို ပယ်ခွါနိုင်တဲ့အတွက် (အမှန်တရားကို) ထိုးထွင်းသိမြင်သွားပါတယ်။ အဲဒီအချိန်ကစပြီး သူ့ကို “ဗုဒ္ဓ“ (ကိလေသာတည်းဟူသော အိပ်ပျော်ခြင်းမှ) “နိုးလာသူ“လို့ ခေါ်ဝေါ် သမုတ်ကြပါတယ်။ ဗုဒ္ဓရှင်တော် မြတ်ဘုရားဟာ အဲဒီအချိန်မှစပြီး ၄၅နှစ်ပတ်လုံး အိန္ဒိယပြည် မြောက်ပိုင်းမှာ သူတွေ့သိထားတဲ့ တရားတော်များကို လှည့်လည်ဟောပြော ခဲ့ပါတယ်။

(မှတ်ချက် ။ ။ ဥရုဝေလတော၌ ဒုက္ကရစရိယာ ခြောက်နှစ်ကြာ ကျင့်စဉ်က ဘုရား မဖြစ်သေးပါ။ ထိုအကျင့်မှားကို စွန့်၍ အာနာပါနဈာန် အခြေခံလျက် မဂ္ဂင်ရှစ်တန် ပွါးမှသာ ဘုရားအဖြစ်သို့ ရောက်ပါသည်။) ရှင်တော်မြတ်ဘုရားရဲ့ ကြီးမားလှတဲ့ မဟာ ကရုဏာတော်နှင့် ခန္တီတရားကြောင့် များစွာသော လူတို့ဟာ တပည့်သာဝကအဖြစ် ခံယူကြပါတယ်။

သက်တော် ရှစ်ဆယ် ပြည့်တော်မူတဲ့အခါ သဘာဝအလျောက် အိုခြင်းတရား၊ နာခြင်းတရားများ ဖိစီးနှိပ်စက် ခံရသော်လဲ ချမ်းမြေ့အေးငြိမ်းလျက်ပင် နောက်ဆုံးမှာ ပရိနိဗ္ဗာန်ဝင်စံတော် မူပါတယ်။)

(၄) မေး - ဗုဒ္ဓဟာ သူ့ရဲ့ကြင်ယာတော်နဲ့ သားတော်ကို ပစ်ထားခဲ့တဲ့အတွက် တာဝန်မဲ့ရာ  
              မရောက်ဘူးလား။

ဖြေ - ဗုဒ္ဓမြတ်စွာဟာ သူ့ရဲ့ ကြင်ယာတော်နဲ့ သားတော်ကို လွယ်လွယ်နဲ့ ပစ်ထားနိုင်ခဲ့တာ မဟုတ်ပါဘူး။ သူအချိန် အကြာကြီး စဉ်းစားပြီး တွန့်ဆုတ်တွန့်ဆုတ် ဖြစ်နေခဲ့ပါတယ်။ နောက်ဆုံးကျမှ သူ့မိသားစုကို ကျွေးမွေးစောင့်ရှောက် တာထက် တလောကလုံးရဲ့ အကျိုးကို ဆောင်ရွက်တာက ပိုပြီး အကျိုး ကြီးမားတယ်လို့ ဆုံးဖြတ်ပြီး ဒီလမ်းကို ရွေးချယ်လိုက်တာပါပဲ။

ကြီးမားတဲ့ မဟာကရုဏာတော်က ဗုဒ္ဓမြတ်စွာကို တလောကလုံးရဲ့ အကျိုးကို ဆောင်စေတာပါပဲ။ ဗုဒ္ဓမြတ်စွာရဲ့ ကိုယ်ကျိုးစွန့်ပြီး အဆင်းရဲအပင်ပန်း ခံမှုကြောင့် တလောကလုံး ကြီးမားတဲ့ အကျိုးကို အခုတိုင် ခံစားနေကြရတာ ဖြစ်ပါတယ်။ ဒါကိုကြည့်ရင် ဗုဒ္ဓမြတ်စွာဟာ တာဝန်မမဲ့ကြောင်း ထင်ရှားပါတယ်။ ဒါဟာ အကြီးမားဆုံးသော စွန့်လွှတ်မှု ကြီးပါပဲ။

(၅) မေး - ဗုဒ္ဓက ပရိနိဗ္ဗာန် စံသွားပြီဆိုတော့ သူက ကျွန်ုပ်တို့ကို ဘယ်လို ကူညီနိုင်ပါသလဲ။

ဖြေ - လျှပ်စစ်ဓါတ်ကိုတွေ့ရှိတဲ့ မိုက်ကယ် ဖာရာဒေး ဟာ ကွယ်လွန်သွားပါပြီ။ သို့သော်လဲ သူ့ရဲ့ တွေ့ရှိချက်က ကျွန်ုပ်တို့ကို အခုတိုင် ကူညီနေပါတယ်။ ရောဂါပေါင်း များစွာကို ကုသတဲ့ ကုထုံးတွေကို တွေ့ရှိတဲ့ လူးဝစ်ပါးစ်ချား ဟာလဲ ကွယ်လွန်သွားပါပြီ။ သို့သော်လဲ သူတွေ့ရှိတဲ့ ကုထုံးတွေက အခုတိုင် အသက်ပေါင်း များစွာကို ကယ်နေဆဲပါပဲ။

 ကျော်ကြားတဲ့ အနုပညာ များစွာကို တီထွင် ဖန်တီးခဲ့တဲ့ လီယိုနာဒိုဒါဗင်ချီ ဟာလဲ သေသွားပါပြီ။ သို့သော်လဲ သူဖန်တီးခဲ့တဲ့ အနုပညာတွေက လူတွေကို အခုတိုင် ပျော်ရွှင်မှု ပေးနေဆဲပါပဲ။ မြင့်မြတ်တဲ့ ပုဂ္ဂိုလ်ကြီးများနဲ့ အာဇာနည် ပုဂ္ဂိုလ်ကြီးများ ကွယ်လွန်သွားကြတာ ရာစုနှစ်ပေါင်းများစွာ ကြာသော်လဲ သူတို့အကြောင်းကို ကျွန်ုပ်တို့ ဖတ်ရှုရတဲ့အခါမှာ သူတို့လို နေထိုင် ပြုမူလိုစိတ်များ ကျွန်ုပ်တို့ သန္တာန်မှာ တဖွားဖွား ပေါ်လာပါတယ်။

ဟုတ်ပါတယ်။ ဗုဒ္ဓမြတ်စွာ ပရိနိဗ္ဗာန် စံတာဟာ နှစ်ပေါင်း ၂၅၀၀ ကျော် ကြာသွားပါပြီ။ သို့သော်လဲ ရှင်တော်မြတ်ဘုရားရဲ့ တရားတော်များဟာ အခုတိုင် ကူညီနေဆဲပါပဲ။ ဗုဒ္ဓမြတ်စွာရဲ့ နမူနာကောင်းတွေက လူတွေကို အခုတိုင် အားတက်စေတုန်းပါပဲ။ သူ့စကားတော်တွေက အခုတိုင် လူတွေရဲ့ ဘ၀တွေကို ပြောင်းလဲစေတုန်းပါပဲ။ ဗုဒ္ဓမြတ်စွာမှာသာလျှင် ပရိနိဗ္ဗာန်စံပြီးနောက် ရာစုနှစ်ပေါင်းများစွာ ကြာသည့်တိုင်အောင် ဒီလိုစွမ်းအားများ ရှိနေနိုင်တာ ဖြစ်ပါတယ်။

(၆) မေး - ဗုဒ္ဓဟာ ထာဝရဘုရား (God) လား။

ဖြေ - ဗုဒ္ဓမြတ်စွာဟာ ထာဝရဘုရား မဟုတ်ပါဘူး။ ဗုဒ္ဓမြတ်စွာက သူဟာ ထာဝရဘုရားလို့ဖြစ်စေ၊ ထာဝရဘုရားရဲ့ သားတော်လို့ဖြစ်စေ၊ ထာဝရဘုရားက လွှတ်လိုက်တဲ့ တမန်တော်လို့ဖြစ်စေ မမိန့်ကြားပါဘူး။ ဗုဒ္ဓမြတ်စွာဟာ အလုံးစုံ ပြည့်စုံတဲ့ လူသား တစ်ဦးပါပဲ။ ဒါကြောင့် သူ့လို ကျွန်ုပ်တို့ ကြိုးစားလျှင် ကျွန်ုပ်တို့လဲ သူ့လိုပဲ အလုံးစုံ ပြည့်စုံသူများ ဖြစ်နိုင်ကြောင်း မိန့်ကြားတော် မူပါတယ်။

(၇) မေး - ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုးကိုးကွယ်နေကြသလဲ။

ဖြေ - ကိုးကွယ်နည်း အမျိုးမျိုး ရှိပါတယ်။ တချို့က တစ်စုံတစ်ခုသော တန်ခိုးရှင်ဘုရား (God) ကို ကိုးကွယ်တဲ့အခါ အဲဒီဘုရားကို ချီးကျူးထောပနာ ပြုကြတယ်။ ဂုဏ်ပြုကြတယ်။ တစ်စုံတစ်ရာ ပူဇော်ပသ ကြတယ်။ ကိုယ်လိုတာကို ဘုရားဆီမှာ တောင်းကြတယ်။ အဲဒီလို လုပ်ကြတာကတော့ မိမိတို့ရဲ့ ချီးကျူးထောပနာသံကို အဲဒီဘုရားက ကြားလိမ့်မယ်လို့ ယုံကြည်လို့၊ ပူဇော်ပသ တာကို လက်ခံလိမ့်မယ်လို့ ယုံကြည်လို့၊ ဆုတောင်းတာကို ဖြည့်ဆည်းပေးလိမ့်မယ်လို့ ယုံကြည်လို့ပါပဲ။

ဗုဒ္ဓဘာသာဝင်တွေ ကတော့ ဒီလို ကိုးကွယ် ဆည်းကပ်မှု မျိုးကို မလုပ်ကြပါဘူး။ တခြား ကိုးကွယ် ဆည်းကပ်မှုတစ်မျိုးကတော့ မိမိတို့ လေးမြတ်ကြည်ညိုတဲ့ ပုဂ္ဂိုလ် တစ်ဦးဦး သို့မဟုတ် တစ်စုံတစ်ရာကို ရိုသေသမှု ဂါရ၀ ပြုကြတယ်။ ဆရာအခန်းထဲ ၀င်လာရင် နေရာက ထ ပေးကြတယ်။ ဂုဏ်သရေရှိတဲ့ လူနဲ့တွေ့ရင်လက်ဆွဲနှုတ်ဆက်ကြတယ်။ အမျိုးသားသီချင်း တီးရင် မတ်တပ်ရပ် အလေးပြုကြတယ်။ ဒါတွေအားလုံးဟာ ရိုသေလေးစားမှုကို ပြတဲ့ အမူအရာတွေ ပါပဲ။
လေးမြတ်ကြည်ညိုမှုကို ဖေါ်ပြကြတာ ဖြစ်ပါတယ်။

ဒီလို အရိုအသေ ဂါရ၀ပြုပြီး ရှိခိုး ကိုးကွယ်မှုဟာ ဗုဒ္ဓဘာသာဝင်များ ပြုလုပ်ကြတဲ့ ရှိခိုး ကိုးကွယ်မှုမျိုးပါပဲ။ တင်ပလ္လင်ခွေ ထိုင်ပြီး ရင်ခွင်ထက်မှာ လက်နှစ်ဖက်ကို ရွရွကလေးချထားတဲ့ ဗုဒ္ဓရုပ်ပွါးတော်ရဲ့ မဟာကရုဏာတော်ဖြင့် ကြည်လင် လန်းဆန်းနေတဲ့ မျက်နှာတော်ဟာ ကျွန်ုပ်တို့ရဲ့ သန္တာန်မှာ ငြိမ်းအေးမှုနဲ့ မေတ္တာတရား တိုးပွါးအောင် ကြိုးစားကြဖို့ ကျွန်ုပ်တို့ကို သတိပေး နေပါတယ်။ အမွှေးတိုင်ရဲ့ အမွှေးနံ့က ကျွန်ုပ်တို့ သန္တာန်မှာ ကောင်းမှုကုသိုလ်တွေ ပျံ့နှံ့နေစေဖို့ သတိပေးနေပါတယ်။

ဆီမီးကတော့ ပညာဆီမီး တန်ဆောင် ထွန်းပြောင်စေဖို့ သတိပေးနေပါတယ်။ ကပ်လှူထားတဲ့ ပန်းများရဲ့ ညှိုးနွမ်းကြွေကျသွားတဲ့ သဘောက ကျွန်ုပ်တို့အား အနိစ္စတရားကို သတိရစေပါတယ်။ ဗုဒ္ဓရုပ်ပွါးတော်ရှေ့မှာ ဦးညွှတ်ရှိခိုးခြင်းက ကျွန်ုပ်တို့ကို တရားဓမ္မ ဟောပြောညွှန်ပြ ဆုံးမတော်မူတဲ့အတွက် ဗုဒ္ဓရှင်တော် မြတ်ဘုရားရဲ့ ဂုဏ်ကျေးဇူးတော်ကို လေးမြတ်ကော်ရော် ပူဇော်ခြင်း ဖြစ်ပါတယ်။ ဒါဟာ ဗုဒ္ဓဘာသာဝင်များရဲ့ ရှိခိုးကိုးကွယ်မှုပါပဲ။

(၈) မေး - ဗုဒ္ဓဘာသာဝင်များဟာ ရုပ်တုကို ကိုးကွယ်ကြတယ်လို့ တချို့လူများက ပြောတာ
              ကြားဘူးပါတယ်။ ဟုတ်ပါသလား။

ဖြေ - ဒီလို အပြောမျိုးဟာ ဗုဒ္ဓဘာသာကို နားလည်မှားနေတဲ့ လူတွေ ပြောကြတဲ့ စကားတွေပါ။ အဘိဓာန်များကတော့ ရုပ်တုကို ထာဝရဘုရား(God) အဖြစ်နဲ့ ရှိခိုးကိုးကွယ်ကြတာကို ရုပ်တု ကိုးကွယ်မှု လို့ ဖွင့်ပြကြပါတယ်။ သိကြတဲ့အတိုင်းပဲ ဗုဒ္ဓဘာသာဝင်များဟာ ဗုဒ္ဓမြတ်စွာကို ထာဝရဘုရားတစ်ပါး(God) အနေနဲ့ ယုံကြည် သိမှတ်ကြတာ မဟုတ်ပါဘူး။ ဒီတော့ ဗုဒ္ဓဘာသာဝင်များဟာ သစ်သားရုပ်တု၊ သံရုပ်တု၊ ကြေးရုပ်တု စသည်ကို ဘယ်မှာ ကိုးကွယ်ကြပါမလဲ။ သို့သော်လဲ တစ်ခုတော့ ရှိပါတယ်။

ဘာသာတရားတိုင်းမှာ ဘာသာဝင်တိုင်းဟာ အယူအဆ အမျိုးမျိုးကို ဖေါ်ပြဖို့ အမှတ်လက္ခဏာ(Symbol) အမျိုးမျိုးကို အသုံးပြုကြပါတယ်။ ဥပမာ - တာအိုဘာသာမှာဆိုရင် ဆန့်ကျင်ဘက် နှစ်ခုတို့ရဲ့ ညီညွှတ် ပေါင်းစည်းမှုကို ဖေါ်ပြဖို့ရာ ယင်နဲ့ယန်(Ying -Yang) ကို အမှတ်လက္ခဏာအဖြစ် အသုံးပြုပါတယ်။


ဆစ်ဘာသာမှာ ဘာသာရေးဆိုင်ရာ ရုန်းကန်လှုပ်ရှားမှုကို ဖေါ်ပြဖို့ရာ ဓားကို အမှတ်လက္ခဏာအဖြစ် အသုံးပြုပါတယ်။ ခရစ်ယာန်ဘာသာမှာ ခရစ်တော် တည်ရှိခြင်းကို ဖေါ်ပြဖို့ရာ ငါးကို အမှတ်လက္ခဏာအဖြစ် အသုံးပြုကြတယ်။ ခရစ်တော်ရဲ့ လူသားအတွက် အသက်စွန့်လွှတ်မှုကို ဖော်ပြဖို့ရာ လက်ဝါးကပ်တိုင်ကို အမှတ်လက္ခဏာအဖြစ် အသုံးပြုပါတယ်။

ဗုဒ္ဓဘာသာမှာ လူသားတစ်ဦးရဲ့ အလုံးစုံပြီးပြည့်စုံမှုကို
ဖေါ်ပြဖို့ရာ ဘုရားရုပ်တုတော်ကို အမှတ်လက္ဓဏာအဖြစ် အသုံးပြုကြပါတယ်။ ဗုဒ္ဓရုပ်တုတော်က ဗုဒ္ဓရဲ့ တရားတော်များမှာ ပါဝင်တဲ့ လူသားနဲ့ သက်ဆိုင်တဲ့ သဘာဝများကို ကျွန်ုပ်တို့အား သတိရစေပါတယ်။ ဗုဒ္ဓဘာသာဟာ လူသားကို ဗဟိုပြုပါတယ် ထာဝရဘုရား သိ ကို ဗဟိုမပြုဘူး ဆိုတဲ့ အချက်နဲ့ အလုံးစုံ ပြီးပြည့်စုံရေးနဲ့ အသိမှန် အမြင်မှန် ရရေးအတွက် ဗဟိဒ္ဓသန္တာန်ကို မကြည့်ရဘူး၊အဇ္ဈတ္တသန္တာန်ကိုသာ ကြည့်ရမယ်ဆိုတဲ့ အချက်ကိုလဲ ကျွန်ုပ်တို့အား သတိရစေပါတယ်။ ဒါကြောင့် ဗုဒ္ဓဘာသာဝင်တွေဟာ ရုပ်တုကို ရှိခိုးကိုးကွယ်တယ်ဆိုတဲ့ စွပ်စွဲပြောဆိုချက် တွေဟာ မမှန်ပါဘူး။

(၉) မေး - တရုတ် ဗုဒ္ဓဘာသာ ဘုရားကျောင်းတွေ ထဲမှာ စက္ကူပိုက်ဆံတွေကို မီးရှို့တာတွေ၊ ပြီးတော့
             တခြား ထူးထူးဆန်းဆန်း လုပ်ကြတာ တွေ့ကြရပါတယ်။ အဲဒါတွေကို ဘာကြောင့်
             လုပ်ကြပါသလဲ။

ဖြေ - ကျွန်ုပ်တို့ဟာ ကျွန်ုပ်တို့ နားမလည်တဲ့ အရာများကို တွေ့ရတဲ့အခါ အဲဒါတွေကို ကျွန်ုပ်တို့အတွက် ထူးဆန်းနေတတ်ပါတယ်။ အဲဒီလိုဟာတွေကို အထူးအဆန်း တွေပဲလို့ အမှတ်တမဲ့ ဘာသိဘာသာ မနေပဲ အဲဒါတွေရဲ့ အဓိပ္ပါယ်တွေကို ရှာဖွေဖို့ ကြိုးစားသင့်ကြပါတယ်။ မှန်ပါတယ်၊ တစ်ခါတစ်ရံမှာ ဗုဒ္ဓဘာသာဝင်တွေ လိုက်နာ လုပ်ဆောင်နေကြတာတွေဟာ ဗုဒ္ဓတရားတော်မှာ အခြေမခံပဲ နားလည်မှားမှုနဲ့ အများယုံကြည် လက်ခံထားတဲ့ အစွဲအလမ်းပေါ်မှာ အခြေခံထားတာ တွေ့ရတတ်ပါတယ်။

ဒီလိုကိစ္စတွေဟာ ဗုဒ္ဓဘာသာ တစ်ခုတည်းမှာသာ မဟုတ်ပါဘူး။ ဘာသာတိုင်းမှာပဲ ရံဖန်ရံခါ တွေ့ရတတ်ပါတယ်။ ဗုဒ္ဓမြတ်စွာ တရားတော်များကို ရှင်းလင်းပြတ်သားစွာ အသေးစိတ် ဟောပြတော်မူပါတယ်။ အဲဒါကိုမှ ပြည့်ပြည့်စုံစုံ နားမလည်ရင်တော့ ဗုဒ္ဓမြတ်စွာကို အပြစ်ဆိုလို့ မဖြစ်နိုင်ပါဘူး။ ဒါနဲ့ပတ်သက်လို့ မှတ်သားဖွယ် အဆုံးအမ တစ်ခုကတော့ “ရောဂါဝေဒနာ ခံစားနေရသော လူတစ်ယောက်သည် ဆေးဆရာအထံမှ ဆေးကုသမှု ခံယူဖို့ လွယ်ကူပါလျက်နဲ့ ကုသမှု မခံယူလျှင် ဆေးဆရာ၏ အပြစ်မဟုတ်ပေ။

ထို့အတူပင် ကိလေသာရောဂါ အဖိစီး အနှိပ်စက်ခံနေရသူသည် မြတ်စွာဘုရား၏ တရားတော်များ ရှိနေပါလျက်နဲ့ တရားဆေးဖြင့် မကုစားလျှင် မြတ်စွာဘုရား၏ အပြစ်မဟုတ်ပေ။” ဗုဒ္ဓဘာသာကိုပဲဖြစ်စေ၊ တခြား ဘာသာတရားကိုပဲဖြစ်စေ အဲဒီဘာသာတရားအကြောင်း ကောင်းကောင်း နားမလည်သူများက အမှား၊ အမှန်၊ အဆိုး၊ အကောင်းကို မဆုံးဖြတ်သင့်ပါဘူး။

(၁၀) မေး - ဗုဒ္ဓဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြားမိပါဘူး။ အဲဒါ

               ဘာကြောင့်လဲ။

 ဖြေ - ဗုဒ္ဓဘာသာဝင်တွေလဲ ကုသိုလ်ဖြစ် လုပ်ငန်းတွေ လုပ်ကြပါတယ်။ သင်မကြားမိတာကတော့ ဗုဒ္ဓ ဘာသာဝင်များဟာ သူတို့လုပ်တဲ့ ကုသိုလ်ကောင်းမှုတွေ အကြောင်းကို ၀ါကြွားပြောဆိုဖို့ မလိုဘူးလို့ ယူဆထားကြလို့ ဖြစ်ပါလိမ့်မယ်။ နှစ်ပေါင်းတော်တော်ကြာဆီက ဂျပန် ဗုဒ္ဓဘာသာ ခေါင်းဆောင် တစ်ယောက်ဖြစ်တဲ့ နစ်ခိုနိရ၀ါနို ဟာ ဘာသာတရားအားလုံး ပေါင်စည်းညီညွတ်မှု တိုးတက်ရေးကို လုပ်ဆောင်တဲ့အတွက် (Templeton Prize) တင်ပယ်လ်တန်ဆုကို ရရှိပါတယ်။

အလားတူပဲ ထိုင်းဗုဒ္ဓဘာသာ ဘုန်းတော်ကြီး တစ်ပါးဟာ မူးယစ်ဆေး စွဲသူများကို ကုသရာမှာ ထူးချွန်တဲ့အတွက် မက်ဆေးဆေး ဆုကို ရရှိခဲ့ပါတယ်။ ၁၉၈၇ ခုနှစ်တုန်းကလဲ အရှင် ကန္တယပိဝတ် ဆိုတဲ့ ထိုင်းဘုန်းကြီးတစ်ပါးဟာ ကျေးလက် တောရွာများမှာရှိတဲ့ အခြေအနေမဲ့ ကလေးများကို နှစ်ပေါင်းများစွာကြာအောင် ပြုစု စောင့်ရှောက်ခဲ့တဲ့ အတွက် ]နော်ဝေ ကလေးများ၏ ငြိမ်းချမ်းရေးဆု} ကို ရရှိခဲ့ပါတယ်။ အနောက်တိုင်း ဗုဒ္ဓဘာသာအဖွဲ့ (Western Buddhist Order) ဟာ အိန္ဒိယပြည်မှာ ဆင်းရဲသားများ အတွက် ကြီးမားကျယ်ပြန့်တဲ့ လူမှုရေး လုပ်ငန်းတွေကို လုပ်ဆောင်နေပါတယ်။ စာသင်ကျောင်းတွေ၊ ကလေးပြုစု စောင့်ရှောက်ရေး ဌာနတွေ၊ ဆေးပေးခန်းတွေ၊ တနိုင် စက်မှုလုပ်ငန်း အသေးစားတွေ တည်ထောင်ပြီး ပြုစု ပျိုးထောင်ပေးနေပါတယ်။

ဗုဒ္ဓဘာသာဝင်များဟာ တခြား ဘာသာဝင်များလိုပဲ သူတစ်ပါးကို အကူအညီ ပေးရတာဟာ သူတို့ရဲ့ ဘာသာတရား လိုက်နာကျင့်ကြံမှုကို ဖေါ်ပြတာပဲလို့ သိမြင်မှတ်ယူကြပါတယ်။ သို့သော်လဲ ဒါတွေကို ကိုယ့်ကိုယ်ကို မထင်ပေါ်စေပဲ တိုးတိုးတိတ်တိတ်ပဲ လုပ်သင့်တယ်လို့ ယုံကြည်ကြပါတယ်။ ဒါကြောင့် သူတို့ရဲ့ ကုသိုလ်ဖြစ်လုပ်ငန်းတွေ အကြောင်းကို သင် သိပ်မကြားရတာ ဖြစ်ပါလိမ့်မယ်။

(၁၁) မေး - ဘာကြောင့် ဗုဒ္ဓဘာသာတွေ အမျိုးမျိုး ကွဲပြားနေပါသလဲ။

ဖြေ - လူတွေ စားသုံးကြတဲ့ သကြားတွေလဲ အမျိုးမျိုး ရှိကြတာ မဟုတ်လား။ သကြားဖြူ၊ သကြားညို၊ ကျောက်သကြား၊ သကြားရည်၊ ရေခဲသကြား စသည် အမျိုးမျိုး ရှိကြတာပဲ။ သို့သော်လဲ အားလုံးဟာ သကြားချည်းပဲ ပြီးတော့ သကြားတိုင်းဟာ ချိုကြတာချည်းပဲ။ မချိုတဲ့ သကြားရယ်လို့ မရှိဘူး။ ဒီလို သကြားအမျိုးမျိုးအစားစား ထုတ်ကြတာက သူတို့ကို သုံးစွဲပုံ သုံးစွဲနည်း အမျိုးမျိုး ရှိကြလို့ပါပဲ။

ဗုဒ္ဓဘာသာလဲ ထို့အတူပါပဲ။ ထေရ၀ါဒ ဗုဒ္ဓဘာသာ၊ ဈင် ဗုဒ္ဓဘာသာ၊ အမိတာဘာ ဗုဒ္ဓဘာသာ၊ ယောဂါစာရ ဗုဒ္ဓဘာသာ၊ ၀ဇီရယာန ဗုဒ္ဓဘာသာ စသည်ဖြင့် ကွဲပြားနေကြသော်လဲ အနှစ်သာရအားဖြင့် အတူတူပါပဲ။ အဲဒီ အနှစ်သာရက ဘာလဲဆိုတော့ ကိလေသာမှ လွတ်မြောက်ခြင်း၊ ဆင်းရဲမှ လွတ်မြောက်ခြင်းဆိုတဲ့ အနှစ်သာရပါပဲ။

ဗုဒ္ဓဘာသာဟာ သူဖြစ်ပေါ်ရာ ယဉ်ကျေးမှု အမျိုးမျိုးနဲ့ ဟပ်မိအောင် အသွင် အမျိုးမျိုးနဲ့ ဖွံ့ဖြိုး တိုးတက်လာခဲ့ပါတယ်။ အသစ်ဖြစ်တဲ့ မျိုးဆက် အသီးသီးနဲ့ ကိုက်ညီအောင် ရာစုနှစ်များ တလျောက်မှာ ဗုဒ္ဓဘာသာကို ပြန်ပြီး အဓိပ္ပါယ် ဖွင့်ဆိုကြပါတယ်။ ပြင်ပ ပုံပန်းသဏ္ဌာန် အနေနဲ့ အမျိုးမျိုး ကွဲပြားနေတယ်လို့ ထင်ရသော်လဲ အားလုံးရဲ့ ဗဟိုချက်မ အနှစ်သာရကတော့ သစ္စာလေးပါး မဂ္ဂင်ရှစ်ပါးပါပဲ။

ဗုဒ္ဓဘာသာ အပါအ၀င် ဘာသာကြီးများ အားလုံးဟာ ဂိုဏ်း အမျိုးမျိုး ကွဲခဲ့ကြပါတယ်။ သို့သော်လဲ ဗုဒ္ဓဘာသာ ဂိုဏ်းအမျိုးမျိုးဟာ အချင်းချင်း ဘယ်တော့မှ စစ်ပွဲတွေ မဆင်နွှဲခဲ့ကြပါဘူး။ သူတို့ဟာ အချင်းချင်း ဘယ်တော့မှ ရန်မပွါး ခဲ့ကြပါဘူး။ ခုခေတ်မှာဆိုရင် ဂိုဏ်းတစ်ဂိုဏ်းရဲ့ ကျောင်းကန်ဘုရားကို တစ်ခြား ဂိုဏ်းတစ်ခုက သွားရောက်ပြီး အတူတကွ ဘုရားဝတ်ပြုကြပါတယ်။ တခြားဘာသာရေး လောကမှာ တကယ်တော့ အလွန်ရှားပါတယ်။

 (၁၂) မေး - သင်က ဗုဒ္ဓဘာသာကို အလွန် အထင်ကြီးတာပဲ။ သင်ဟာ သင့်ဘာသာတရားကို မှန်တယ်လို့
                ယူဆပြီး တခြားဘာသာ အားလုံးကို မှားတယ်လို့ ယူဆပုံရတယ်။

 ဖြေ - ဗုဒ္ဓမြတ်စွာရဲ့ တရားတော်များကို နားလည် သဘောပေါက်တဲ့ ဗုဒ္ဓဘာသာဝင် မည်သူမဆို တခြား ဘာသာတရား မှားတယ်လို့ မထင်ကြပါဘူး။ တခြားဘာသာတရားများကို ပွင့်ပွင့်လင်းလင်း ဝေဖန်စစ်ဆေးဖို့ရာ စစ်မှန်တဲ့ လုံ့လ၀ီရိယကို ပြုသူမှန်သမျှ ဘယ်သူမှ အဲဒီလို မထင်ကြပါဘူး။

ဘာသာတရား အမျိုးမျိုးကို လေ့လာတဲ့ အခါမှာ ပထမဆုံး သတိပြုမိတာကတော့ ဒီဘာသာတရား တွေဟာ အချင်းချင်း ဘယ်လောက်များများ တူညီကြတယ် ဆိုတဲ့ အချက်ပါပဲ။ အားလုံးသော ဘာသာတရားများက လူသားရဲ့ လက်ရှိ အခြေအနေဟာ ကျေနပ်ဖွယ် မရှိဘူးလို့ ၀န်ခံကြတာပါပဲ။ လူသားရဲ့ အခြေအနေ တိုးတက်လိုရင် စိတ်နေစိတ်ထား အပြုအမူ ပြောင်းလဲဖို့ လိုအပ်တယ်လို့ အားလုံးယုံကြည်ကြပါတယ်။

ဘာသာတရား အားလုံးဟာ မေတ္တာ၊ ကရုဏာ၊ ပေးကမ်းလှူဒါန်းခြင်း၊ လူမှုရေး၊ တာဝန်ဝတ်တရားများ ဆောင်ရွက်ခြင်း စတဲ့ ကျင့်ဝတ်များကို သင်ကြားပေးကြပါတယ်။ ဒီဘာသာတရား အားလုံးက အဆုံးစွန် ပြည့်စုံတဲ့ သဘောတစ်ခုဟာ ပုံသဏ္ဌာန် အမျိုးမျိုးနဲ့ ရှိတယ်ဆိုတာ လက်ခံကြပါတယ်။ ဘာသာတရားများက ဒီ လုံးဝအုပ်စုံ ပြည့်စုံတဲ့ သဘာဝကို ဘာသာစကား အမျိုးမျိုး၊ နာမည်အမျိုးမျိုး၊ အမှတ်အသား အမျိုးမျိုးနဲ့ ရှင်းလင်း ဖေါ်ပြကြပါတယ်။

အရာရာကို တစ်ဘက်သက် ရှုမြင်သုံးသပ်တဲ့နည်းကို အမြင်ကျဉ်းစွာ တွယ်ကပ်ထားကြတဲ့ အခါမှာသာ သည်းမခံနိုင်မှု၊ မာနတရားနဲ့ ကိုယ်သာမှန် စိတ်ထားတွေ ဖြစ်ပွါးပေါ်ပေါက် လာတတ်ပါတယ်။ စဉ်းစားကြည့်ပါ။ အင်္ဂလိပ်၊ ပြင်သစ်၊ တရုတ်၊ အင်ဒိုနီးရှား၊ လူ ၄ ဦး ကော်ဖီပန်းကန် တစ်လုံးကို ကြည့်ကြတယ် ဆိုပါစို့။ အဲဒီပန်းကန်ကို အင်္ဂလိပ်က Cup လို့ခေါ်တယ်။
ပြင်သစ်က Tasse လို့ခေါ်တယ်။ တရုတ်က Pei ၊ အင်ဒိုနီးရှားက cawan လို့ခေါ်တယ်။ အဲဒါ သူ့အခေါ်မှန်တယ်၊ တစ်ခြားလူ့အခေါ် မှားတယ်လို့ ကိုယ့်အဘိဓာန် ကိုယ် ကိုးကားပြီး အကြောက်အကန်
ငြင်းခုံးနေကြပါရော။

အဲဒီအခိုက်မှာ ဗုဒ္ဓဘာသာဝင်တစ်ဦး ရောက်လာပြီး ဘာမှပြောမနေဘဲ ကော်ဖီပန်းကန်ကို ကောက်ယူပြီး မော့သောက်ပြစ်လိုက်ပါတယ်။ ပြီးတော့မှ သူက ဟိုလူလေးယောက်ကို ပြောလိုက်တယ်။ ဒီပန်းကန်ကို ဘယ်လိုပဲ မိတ်ဆွေတို့ခေါ်ခေါ် လိုရင်းက ဒါကို ကော်ဖီသောက်ဖို့ အသုံးပြုတာပါပဲ၊
ငြင်းခုံနေလို့ ဘာအကျိုးရှိမလဲ၊ သောက်ဖို့ပန်းကန်ကို သောက်လိုက်မှ
အမောပြေပြီး လန်းဆန်းလာမှာပေါ့၊ အဲဒါ လိုရင်းပဲ။ ဒါဟာ ဘာသာတရားများအပါ် ဗုဒ္ဓဘာသာက မြင်တဲ့ အမြင်၊ ထားတဲ့ စိတ်ထားပါပဲ။

(၁၃) မေး - ဗုဒ္ဓဘာသာဟာ သိပ္ပံနည်း ကျပါသလား။

 ဖြေ - ဒီအမေးကို မဖြေမီ သိပ္ပံ ဆိုတဲ့ စကားလုံးရဲ့ အဓိပ္ပါယ်ကို ရှာကြည့်တာ အကောင်းဆုံး ဖြစ်ပါလိမ့်မယ်။ အဘိဓာန်များက ဒီလိုဖွင့်ပြကြပါတယ်။ "သိပ္ပံ" ဆိုတာ တကယ်ဖြစ်နေတဲ့ သဘာဝတစ်ခုကို လက်တွေ့မျက်မြင် ကြည့်ရှုခြင်းနှင့် စမ်းသပ်ခြင်းတို့အပေါ် အခြေခံပြီး စနစ်တစ်ခု ဖော်ထုတ်တဲ့ပညာ၊ တိတိကျကျ လေ့လာစမ်းသပ် သိရှိထားတဲ့ အရာတစ်ခုနဲ့ ပတ်သက်လို့ သဘာဝကျတဲ့ နည်းလမ်း ဥပဒေသများ သတ်မှတ်ဖေါ်ပြတဲ့ ပညာပါပဲ။ အဲဒီပညာရဲ့ အစိတ်အပိုင်း တစ်ခုခုလဲ သိပ္ပံပါပဲ။

ဗုဒ္ဓဘာသာမှာ ဒီဖွင့်ဆိုချက်နဲ့ မကိုက်ညီတဲ့ အချက်အလက်များ ရှိကောင်း ရှိနိုင်ပါတယ်။ သို့သော်လဲ ဗုဒ္ဓဘာသာရဲ့ လိုရင်း တရားဖြစ်တဲ့ သစ္စာလေးပါးကတော့ သေသေချာချာ ကိုက်ညီပါတယ်။

ပထမဆုံး အမှန်တရားက ဒုက္ခသစ္စာပါ။ ဒီမှာ ဆင်းရဲခြင်းဆိုတာ ကိုယ်တိုင်တွေ့သိ ခံစားရတဲ့ အရာပါ။ သူ့ကို အဓိပ္ပါယ် သတ်မှတ်လို့လဲ ရပါတယ်။ လက်တွေ့ ခံစားသိမြင်လို့လဲ ရပါတယ်။

ဒုတိယ အမှန်တရားက သမုဒယသစ္စာပါ။ လိုချင်တပ်မက်မှု တဏှာကို ဆိုလိုပါတယ်။ ဆင်းရဲဒုက္ခကို ဖြစ်ပေါ်စေတဲ့ အကြောင်းဖြစ်တဲ့ ဒီတဏှာဟာလဲ ကိုယ်တိုင် တွေ့သိ ခံစားရတဲ့ အရာပါ။ အဓိပ္ပါယ် သတ်မှတ်လို့လဲ ရတယ်။ လက်တွေ့ ခံစား သိမြင်လို့လဲ ရပါတယ်။ ဒီဒုက္ခနဲ့ ဒုက္ခရဲ့ အကြောင်းတရား အမှန်ကို ဒဿနပညာဆိုင်ရာ စကားလုံးတွေနဲ့ ရှင်းပြဖို့ မလိုပါဘူး။ ကိုယ်တွေ့ ခံစားသိမြင်ရတဲ့ အရာတွေပါ။

တတိယ အမှန်တရားကတော့ နိရောဓသစ္စာပါ။ ဆင်းရဲကုန်ဆုံးတဲ့သဘော၊ ဆင်းရဲငြိမ်းတဲ့သဘောပါ။ ဒီသဘောကို အနန္တ တန်ခိုးရှင်ဆိုသူ တစ်ဦးဦးကို အားကိုးလို့ မရပါဘူး။ ယုံကြည်ရုံမျှ ဆုတောင်ရုံမျှနဲ့လဲ မရနိုင်ပါဘူး။ ဆင်းရဲဒုက္ခရဲ့ အကြောင်းတရားကို ပယ်သတ်နိုင်မှပဲ ရပါတယ်။

စတုတ္ထ အမှန်တရားကတော့ ဆင်းရဲငြိမ်းစေတဲ့ နည်းလမ်းဖြစ်တဲ့ မဂ္ဂသစ္စာပါ။
ဒီဆင်းရဲငြိမ်းရေး နည်းလမ်းကလဲ ဒဿနပညာ သဘောတရားတွေနဲ့ လုံးဝ မသက်ဆိုင် ပါဘူး။ သတ်မှတ်ပေးထားတဲ့ နည်းလမ်းအတိုင်း လက်တွေ့ ကျင့်မှပဲ ရပါတယ်။ ဒီနည်းလမ်းကလဲ အစမ်းသပ်ခံ နည်းလမ်းပါ။

သိပ္ပံပညာမှာလိုပဲ ဗုဒ္ဓဘာသာကို ရှင်းပြဖို့လဲ အနန္တ တန်ခိုးရှင် အယူအဆကို လက်ခံဖို့ မလိုပါဘူး။ ဗုဒ္ဓဘာသာ ကိုယ်တိုင်က စကြာဝဠာ ကမ္ဘာလောကြီးရဲ့ အလုပ်လုပ်ပုံကို သဘာဝ နိယာမတွေနဲ့ ရှင်းပြထားပါတယ်။ ဒီအချက် အားလုံးက ဗုဒ္ဓဘာသာရဲ့ သိပ္ပံနည်းကျ အနှစ်သာရကို သေချာစွာ ဖေါ်ဆောင် နေပါတယ်။

ဒီမှာလဲ ကျွန်ုပ်တို့ ဗုဒ္ဓမြတ်စွာ အမြဲတစေ ဆုံးမခဲ့တဲ့ အဆုံးအမက ကျွန်ုပ်တို့ဟာ ဘယ်အရာကိုမဆို အကန်းယုံ အရမ်းယုံ မယုံမိကြဖို့၊ မေးမြန်း၊ စုံစမ်း၊ စစ်ဆေး၊ စမ်းသပ်ပြီးမှ ကိုယ်တိုင် တွေ့သိခံစားရတဲ့ အရာပေါ်မှာ အခြေခံပြီး ယုံသင့်မှ ယုံဖို့ပါပဲ။ ဒီအဆုံးအမမှာ တိကျတဲ့ သိပ္ပံနည်းကျ အမြင် ပါဝင်နေပါတယ်။

ရှင်တော်မြတ်ဘုရား ဆုံးမပုံက -
ဗျာဒိတ်စကား ဆိုရုံနဲ့ မယုံကြည်ပါနှင့် အစဉ်အဆက် ယုံကြည်လက်ခံလာတာ
ဖြစ်ရုံနှင့် မယုံကြည်ပါနှင့်။ သတင်းကြားနဲ့လဲ မယုံကြည်ပါနှင့်
မြင့်မြတ်တဲ့ ကျမ်းစာများမှာ ပါရုံနဲ့လဲ မယုံကြည်ပါနှင့်
တဆင့် စကားမျှနှင့်လဲ မယုံကြည်ပါနှင့် စဉ်းစားတွေးခေါ်ရေး တက္ကဗေဒ၊
ဒဿနိကဗေဒတွေနဲ့ ကိုက်ညီရုံမျှနှင့်လဲ မယုံကြည်ပါနှင့်
ပြောတဲ့လူက ယုံကြည်ထိုက်တဲ့ ပုဂ္ဂိုလ် ဖြစ်ရုံမျှနှင့်လဲ မယုံကြည်ပါနှင့်
မိမိဆရာ ဖြစ်ရုံမျှနှင့်လဲ မယုံကြည်ပါနှင့်
သင်ကိုယ်တိုင် ကောင်းတဲ့အရာပဲ၊ အပြစ်ကင်းတဲ့ အရာပဲ၊ ပညာရှိတို့ ချီးမွမ်းအပ်တဲ့ အရာပဲ၊ လက်တွေ့ ကျင့်ကြည့်တဲ့ အခါမှာလဲ မုချ ချမ်းသာစေနိုင်တဲ့ အရာပဲလို့ ကိုယ်တွေ့ သိမြင်ရတဲ့ အခါကျမှပဲ အဲဒါကို ယုံကြည် လက်ခံ လိုက်နာ ကျင့်ကြံပါ။

ဒါကြောင့် ဗုဒ္ဓဘာသာဟာ ပြည့်ပြည့်၀၀ သိပ္ပံ နည်းကျတယ်လို့ မဆိုနိုင်သော်လဲ အတော် ခိုင်မာတဲ့ သိပ္ပံနည်းကျ သဘောသဘာဝတွေတော့ ပါဝင်ပါတယ်။ ပြီးတော့ တခြား ဘာသာတရားတွေထက် ပိုပြီးသိပ္ပံ နည်းကျတယ်လို့တော့ ပြောနိုင်ပါတယ်။

နှစ်ဆယ်ရာစုနှစ်မှာ အကြီးမြတ်ဆုံး သိပ္ပံပညာရှင် ဖြစ်တဲ့ အဲလ်ဘတ်အိုင်းစတိုင်း က ဗုဒ္ဓဘာသာနဲ့ ပတ်သက်လို့ ဒီလိုပြောပါတယ်။
နောင်တစ်ချိန်မှာ စကြ၀ဠာ တစ်ခုလုံး ကိုးကွယ်ကြတဲ့ ဘာသာတရားတစ်ခု ဖြစ်ပေါ်လာလိမ့်မယ်။ အဲဒီဘာသာတရားဟာ ထာဝရဘုရား အယူအဆကို လွှမ်းမိုးသွားလိမ့်မယ်။ တရားသေ ၀ါဒကိုလဲရှောင်လွှဲနိုင် လိမ့်မယ်။ သဘာဝတရားနှင့် ဘာသာတရား နှစ်ခုလုံးကို လွှမ်းခြုံမိတဲ့ ဒီဘာသာတရားဟာ ရုပ်နာမ်နှစ်ပါးလုံး ကိုယ်တွေ့ ခံစား သိမြင်မှုနဲ့ အဓိပ္ပါယ် ပြည့်ဝတဲ့ ပေါင်းစည်း ညီညွတ်မှုပေါ်မှာ အခြေခံလိမ့်မယ်။ ဒီအချက်တွေကို ဗုဒ္ဓဘာသာက အဖြေပေးလိမ့်မယ်။ တကယ်လို့သာ ခေတ်သစ် သိပ္ပံနည်းကျ လိုအပ်ချက်များကို ဖြည့်ဆည်းပေးနိုင်တဲ့ ဘာသာတရားတစ်ခု ရှိတယ်ဆိုရင် အဲဒီ ဘာသာတရားဟာ ဗုဒ္ဓဘာသာပဲ ဖြစ်လိမ့်မယ်။

ဗုဒ္ဓဘာသာကိုအဖျက်သဘောနဲ့မေးခွန်းတွေမေးလာခဲ့ရင်ပြန်လည်ဖြေကြားနိုင်ရန်အတွက်
ဒီပိုစ့်ကိုထပ်ဆင့်မျှဝေပေးလိုက်သည်..။။
****************************

Tuesday, July 24, 2012

သူတော်စကားနေ့တိုင်းကြားလည်း


မကြာမီအချိန်ကမှ သာသနာတွင်း ဝင်ရောက်လာတဲ့ တိဿဆိုတဲ့ တောထွက် ရဟန်းကြီး တစ်ပါးဟာ မြတ်စွာဘုရားရှင်ရဲ့ ဝမ်းကွဲ ညီအကို တော်သူပါ။ မြတ်စွာဘုရားကို ဖူးမြော်ဖို့ ရောက်လာလေ့ ရှိသူတို့ရဲ့ ဆုံစည်းရာ နေရာဖြစ်တဲ့ ဇေတဝန်ကျောင်းတော် အလည်က ဇရပ်တစ်ဆောင်မှာ အနေများပါတယ်။

  မြတ်စွာဘုရားကို ပူဇော်ဆက်ကပ်ကြတဲ့ လှူဒါန်း စားသောက် ဖွယ်တွေကို မှီဝဲ စားသောက်ပြီး ဇိမ်ကျကျ စတိုင်ကျကျနဲ့ နေထိုင် လေ့ရှိပါတယ်၊ ဘုရားရှင်ကိုဖူးမြော် ကြည်ညိုဖို့ အဝေးကနေ ရောက်လာကြတဲ့ ရဟန်းတော်များက သူ့ရဲ့အခြမှန်ကို မသိတာကြောင့် သက်ကြီးဝါကြီး မထေရ်ကြီးတစ်ပါးအမှတ်နဲ့ သူ့ကိုရှိခိုးပူဇော်ကြ၊ ဝတ်ကြီးဝတ်ငယ်များကိုလည်း ပြုစုကြပါတယ်၊ ဒါကိုသူကလည်း သာယာကျေနပ်နေပါတယ်၊ တကယ်ဆို ရဟန်းတော်များဆိုတာက အချင်းချင်း သိက္ခာဝါကြီးသူ (ဉီးစွာရဟန်းဖြစ်သူ) ကို အရိုအသေပေးရရိုး အစဉ်အလာရှိပါတယ်၊ သို့ပေမယ့် ဒီတိဿရဟန်းကြီးကတော့ ဒီအစဉ်အလာကို မသိကျိုး ကျွန်ပြုပြီး ကိုယ့်ထက်သိက္ခာဝါကြီးသူများရဲ့ အရိုအသေပေးမှုကို ခံယူကျေနပ်နေခဲ့တာပါ။
   တနေ့မတော့ ရဟန်းငယ် တစ်ပါးက အရှင်ဘုရား ဝါတော် ဘယ်လောက် ရှိပါပြီလဲဘုရားလို့ စူးစမ်း မေးမြန်းခဲ့ပါတယ်၊ ဒီအခါမှာမှ တိဿရဟန်းကြီးက ငါ့မှာဝါမရှိ သေးပါလို့ပြန်ဖြေပါတယ်၊ အော် တယ်လည်းခက်တဲ့ ရဟန်းကြီးပဲ၊ ကိုယ့်ပမာဏကို ကိုယ်မသိဘူး၊ မထေရ်တွေ မြောက်များစွာ တွေ့မြင်ပါလျက်နဲ့ အရိုအသေ ပေးရကောင်းမှန်းမသိ၊ ဝတ်ကြီး ဝတ်ငယ်ပြုရကောင်းမှန်း မသိပဲ မသိသလို နေနေတယ်၊ သူတစ်ပါးတွေ အပြုအစုကို ခံယူကျေနပ် နေတယ်၊ အံ့သြစရာ ပါပဲလို့ ရဟန်းများက ကဲ့ရဲ့စကား ဆိုပါတယ်။
ဒီတော့ မင်းမျိုး မာန်တက်နေတဲ့ တောထွက်ရဟန်းကြီးက နေပါဉီး၊ ခု သင်တို့ဘယ်သူ့ထံ လာကြတာလဲ၊ ဘုရားရှင်ထံလာကြတာမဟုတ်လား၊ ငါဘယ်သူ ဆိုတာရော သိကြရရဲ့လား၊ အေးသင်တို့ ငါ့အကြောင်းသိစေရမယ်၊ သင်တို့ကို အမြစ်ပါမကျန် ဖျက်ဆီးပစ်မယ်ရယ်လို့ ကြိမ်းမောင်းပြောဆို ပါတယ်၊ နောက်ပြီး သူက ဝမ်းနည်းပက် လက်ငိုကျွေပြီး ဘုရားရှင်ထံကို သွားရောက် တိုင်ကြားပါတယ်၊ သူမျှော်လင့်တာက ဘုရားရှင်က သူ့ဆွေမျိုးမို့ မှန်မှန်မှားမှား သူ့ဖက်ကနေ ဆွေမျိုးချင်း ရိုင်းပင်း ကာကွယ် ပေးလိမ့်မယ်လို့ ယူဆဟန်ရှိ ပါတယ်။

  သို့ပေမယ့် ဘုရားရှင်တို့ ဆိုတာက အမှန်ကိုသာ လမ်းညွှန် မိန့်ကြား တတ်သလို အမှန်တရား ဖက်ကသာ အစဉ်ထာဝရ ရပ်တည်လေ့ ရှိတာပါ၊ ဆွေမျိုးဉာတကာ အမှားမို့ ဒါတော့ ထားလိုက်ပါ၊ ဒါသူ့အဆိုး မဟုတ်ပါဘူး ဆိုတာမျိုး ဘယ်မှာရှိပါ့မလဲ၊ နောက်ပြီး သူ့ဆွေမျိုးတွေရဲ့ အမှားပြုလုပ်မှု ကံတရား ဆိုးကျိုးဆက်က နည်းပါး ပေါ့လျော့စေ၊ တစိမ်းတရံ များရဲ့ အကုသိုလ်အကျိုး ဆက်ကတော့ ပိုမိုဆိုးရွားစေ၊ ကောင်းမှုကံ မကောင်းမှုကံတရားများ အကျိုးဆက်မှာ ဆွေမျိုး ဉာတကာတွေ ရရှိခံစားရမည့် ရလဒ်များနဲ့ အခြားသူများအတွက် ရလဒ် မတူခြားနားစေ ဆိုတာမျိုးလည်း ဘယ်မှာ ရှိပါ့မလဲ။ဘုရားဆိုတာ မပြောင်းလဲတဲ့ အမှန်တရားနဲ့ တစ်ထပ်တစ်သားတည်း ကျနေတဲ့ တုနှိုင်းမဲ့ အာဃအာဇာနည် လူသားမျိုးပဲ မဟုတ်လား။
  ဘုရားရှင်က အကြောင်းစုံကို မေးမြန်းခဲ့ပါတယ်၊ တိဿရဟန်းကြီးရဲ့ ဝတ္တရား ချွတ်ယွင်းမှုကြောင့် ခုလိုဖြစ်ခဲ့ရတာကို သိရတဲ့အတွက် ပြောဆိုကြတဲ့ ရဟန်းများ အပေါ်မှာ သည်းခံခွင့်လွှတ်ဖို့၊ ကိုယ့်ဝတ္တရား များကိုလည်း ကျေပွန်စွာ ပြု လုပ်ဖို့ ဗုဒြွက တိဿရဟန်းကြီးကို မိန့်ပါတယ်။ သို့ပေမယ့် တိဿရဟန်းကြီးက ဘုရားရှင်ရဲ့စကားကို နားမထောင် လက်မခံပါဘူး၊ သူ့ကိုပြောဆိုကြတဲ့ ရဟန်းများအပေါ်မှာ ဘယ်လိုမှ ခွင့်မလွှတ် နိုင်ကြောင်းကိုသာ အကြောက်အကန် ပြောဆိုခဲ့ပါ တယ်။
  ဒီတော့ ရဟန်းတော်များက အော် ဘုရားရှင်က ဆုံးမတာတောင် နားမထောင်ဘူး၊ တော်တော်လည်း ပြောရဆိုရခက် တဲ့ ရဟန်းကြီးပဲရယ် လို့ ပြောဆိုကြပါတယ်၊ ဒီတော့ ဘုရားရှင်က သူက ခုမှသာ ပြောဆိုရ ခက်ခဲတာ မဟုတ်ဘူး၊ ဟိုရှေးဘဝ ကတည်းက ခုလိုပဲ ပြောဆိုရခက်သူ တစ်ဉီးပါဆိုပြီး အဖြစ်အပျက်ဟောင်း တစ်ခုကို မိန့်တော်မူပါတယ်။
  တစ်ခါက ဒေဝီလအမည်ရှိတဲ့ ရသေ့တစ်ပါးဟာ ဟိမဝန္တာတောမှာ နေထိုင်ပါတယ်၊ အကြောင်းရှိလို့ မြို့ကိုရောက်တဲ့ အခါ အိုးထိန်းသည် တစ်ဉီးပိုင်ဆိုင်တဲ့ ဇရပ်မှာ တည်းခိုပါတယ်၊ သူ့နည်းတူ နာရဒဆိုတဲ့ အခြားရသေ့ တစ်ပါးလည်း ဟိမဝန္တာ တစ်နေရာကနေ မြို့ကို ရောက်လာတဲ့ အခါမှာ ဇရပ်ပိုင်ရှင် အိုးထိန်းသည်ရော၊ ဉီးစွာရောက်နှင့်နေတဲ့ ဒေဝီလရသေ့ရဲ့ သဘောတူခွင့်ပြုချက်နှင့်ပါ ဒီအိုးထိန်းသည်ရဲ့ ဇရပ်မှာပဲ တည်းခိုပါတယ်၊ ရသေ့နှစ်ပါးဟာ အလ္လာပ သလ္လာ ပပြောဆိုပြီး အသီးသီး အိပ်ရာဝင် ခဲ့ကြပါတယ်၊
အိပ်ရာမဝင်မီမှာ နောက်မှ ရောက်လာတဲ့ နာရဒရသေ့က ဒေဝီလ ရ သေ့ရဲ့ အိပ်ရာနေရာကို သေသေချာချာ မှတ်သားပြီးမှ အိပ်ရာဝင်ပါတယ်၊ ညမှာ အကြောင်းရှိလို့ ထသွားထလာလုပ် ခဲ့လျင် ဒေဝီလရသေ့ကို ထိမိခိုက်မိ မဖြစ်စေဖို့ပါ၊ သို့ပေမယ့် ဒေဝီလရသေ့က မူလနေရာမှာ မအိပ်ပဲ တံခါးဝမှာ ကန့် လန့် အိပ်နေတာကြောင့် ညအခါ နာရဒရသေ့ ဇရပ်အပြင်ထွက်တဲ့ အခါ သူ့ဆံကျစ်ကို နင်းမိပါတယ်၊ ဒီတော့ ဒေဝီလ ရသေ့က ကောက်ကျစ် ယုတ်မာတဲ့ရသေ့၊ ဘာကြောင့် ငါ့ဆံကျစ်ကို နင်းရတာလဲလို့ ကျိန်းမောင်း ပြစ်တင်ပါတယ်၊ နာရဒရသေ့က အော် ဆရာရသေ့၊ ဆရာရသေ့ ဒီနေရာမှာ အိပ်နေတာကို မသိတာကြောင့် ခုလိုဖြစ်ရတာပါ၊ သည်းခံ တော်မူပါလို့ တောင်းပန်စကား ဆိုပြီး ဒေဝီလရသေ့ မြည်တွန် တောက်တီး နေစဉ်မှာပဲ ဇရပ်အပြင်ကို ထွက်ခဲ့ပါတယ်။

   ဒေဝီလ ရသေ့ကလည်း ဒီရသေ့ပြန်ဝင်လျင် ခုလိုပဲ ငါ့ကို ကျော်ဝင်ရမှာ၊ ဒီတော့ ကျော်လျင်လည်း ခြေထောက်ကိုသာ ကျော်ပစေ ဆိုတဲ့အနေနဲ့ မူလခြေထားရာ အရပ်ဖက်ကို ဉီးခေါင်းထားပြီး ပြန်အိပ် နေခဲ့ပါတယ်၊ နာရဒ ရသေ့ကလည်း ပြန်ဝင်တဲ့အခါ ထွက်လာစဉ်က ဆံကျစ်ကို နင်းမိပြီး ဆရာရသေ့ကို ပြစ်မှားမိပြီ၊ ပြန်ဝင်တဲ့ အခါမတော့ ခြေရင်းဘက်က ဝင်မှလို့စိတ်ကူးပြီး ဝင်တဲ့အခါမှာ ဒေဝီလရသေ့ရဲ့ လည်ပင်းကို တက်နင်းမိပါတယ်။ အော်ရသေ့ယုတ်၊ ထွက်စဉ်ကလည်း ငါ့ဆံကျစ်ကို နင်းခဲ့ပြီ၊ ခုလည်းငါ့လည်းပင်းကို နင်းပြန်ပြီ၊ သင့်ကို ငါကျိန်ဆဲတော့ မယ်ရယ်လို့ ပြောဆိုပါတယ်၊
ဒီအခါမှာ နာရဒရသေ့က ဆရာ ဒါကျွန်ုပ် အပြစ်မဟုတ်ပါ၊ ဆရာရသေ့ ခုလို အိပ်နေမှန်း မသိတာကြောင့် တစ်ခါပြစ် မှားမိပါသည်၊ ခုနောက်တစ်ခါ မှာလည်း ခြေရင်းဘက်က ဝင်အံ့ဆိုပြီး ဝင်လာခဲ့တာပါ။ ဆရာရသေ့ သည်းခံတော်မူပါလို့ တောင်းပန်စကား ဆိုခဲ့ပါတယ်။ သို့ပေမယ့် ဘယ်လိုမှတောင်းပန် စကားဆိုလို့ မရခဲ့ပါဘူး။ ဒါကြောင့် ဒေဝီလ ရသေ့က ဓရောင်ခြည်တစ်ထောင် အလင်းဆောင်တဲ့ နေမင်းကြီးဟာ အမိုက်မှောင်ကို ပယ်ဖျောက်တတ်တယ်၊ နံနက် လင်းလို့ ဒီနေမင်းကြီး ထွန်းလင်းတောက်ပလာတဲ့ အခါမှာ ဒီရသေ့ယုတ်ရဲ့ ဉီးခေါင်း ခုနစ်စိတ်ခုနစ်ဖြာ ကွဲပါစေသားဓ ရယ်လို့ ကျိန်စာ စကားဆိုခဲ့ပါတယ်။

   နာရဒရသေ့ကလည်း ဆရာ ငါ့မှာ အပြစ်မရှိ၊ တောင်းပန်နေသည့် ကြားကပဲ သင်ကကျိန်ဆိုတယ်၊ ဒီတော့ အကျွန်ုပ် ကလည်း အပြစ်မရှိကြောင်း သက်သေထူဖို့ သင့်လိုပဲ ကျိန်စာစကား ဆိုရတော့မှာပ၊ အပြစ်ရှိသူရဲ့ ဉီးခေါင်းသာကွဲပြီး၊ အပြစ်မရှိသူဉီးခေါင်း မကွဲပါစေသတည်းလို့ ပြောဆိုပြီး တုန့်လှည့်တစ်ဖန် ဒေဝီလရသေ့နည်းတူ ကျိန်စာစကားဆိုခဲ့ပါတယ်။
    တကယ်တော့ နာရဒရသေ့က တန်ခိုးဣဒ္ဓပါဒ် နဲ့ပြည့်စုံတဲ့ ရသေ့တစ်ပါးပါ။ အတ်ိတ်ကမ္ဘာလေးဆယ်၊ အနာဂါတ်ကမ္ဘာ လေးဆယ်ကို အောက်မေ့ ဆင်ခြင်နိုင်စွမ်းရှိပါတယ်၊ သူတို့နှစ်ဉီး ကျိန်ဆိုပြီးတော့ ဘယ်သူ့ကျိန်ဆိုမှုက အလေးသာ လေမလဲလို့ ဆင်ခြင်တဲ့အခါမှာ သူကအလေးသာတာကို သိပါတယ်။ ဒါကြောင့် ဒေဝီလရသေ့အပေါ်မှာ ကျရောက်မည့် အန္တာရာယ်ကို မြော်တွေးသနားပြီး နေမင်းကြီး ထွက်ပေါ်မလာအောင် တားမြစ်ထားပါတယ်။ နေထွက်ချိန်ရောက်ပါလျက် ထွက်ပေါ်မလာနိုင်တာကြောင့် သာမန်မြို့သူမြို့သားတွေအစ ရှင်ဘုရင်အဆုံး ဒီပြဿနာရဲ့ အကြောင်းရင်းကို ရှာဖွေကြတော့ အဖြစ်မှန်ကို သိကြရပါတယ်။
   အကြောင်းစုံကို စုံစမ်းပြီးတဲ့ အခါမတော့ ဒီပြဿနာဟာ ဒေဝီလရသေ့ကနေ နာရဒရသေ့ကို တောင်းပန်စကားဆိုလျင် ပြေလည်သွားမယ်ဆိုတာ ပြည့်ရှင်မင်းကြီး သိခဲ့ပါတယ်၊ မင်းကြီးက ဒေဝီလရသေ့ကို နာရဒရသေ့အား တောင်းပန်စကားဆိုဖို့ တိုက်တွန်းခဲ့ပါတယ်။ မင်းကြီး စကားကို ဒေဝီလရသေ့ကနားမထောင် လက်မခံခဲ့ပါဘူး၊ အဆုံးမတော့ ဒေဝီလရသေ့ရဲ့ လက်ခြေတို့ကို ဖမ်းချုပ်တုတ်နှောင်ပြီး နာရဒရသေ့ရဲ့ ခြေရင်းမှာ သူ့ဆန္ဒမပါပဲ ဝပ်စင်းတောင်းပန်စေခဲ့ပါတယ်။
     နာရဒရသေ့က ခွင့်လွှတ်သည်းခံခဲ့ပေမယ့် ဒေဝီလကိုယ်တိုင် စိတ်ပါလက်ပါ တောင်းပန်ခဲ့တာ မဟုတ်လို့ သူ့အပြစ်ကတော့ လုံးဝကျွတ်လွတ် သွားခဲ့တာမဟုတ်ပါဘူး။ ဒါကြောင့်နေထွက်လာတဲ့အခါ သူ့ဉီးခေါင်းမကွဲရလေအောင် ရေကန်ထဲမှာ ဉီးခေါင်းမြုတ် ထားပြီး ဉီးခေါင်းပေါ်မှာ မြေစိုင်ခဲ တင်ကာ နေထွက်အလာကို ဒေဝီလရသေ့ စောင့်စားခဲ့ရပါတယ်။ ဒီအကြံကိုလည်း နာရဒရသေ့ကပဲပေးခဲ့တာပါ။ နေထွက်လာတဲ့ အခါမတော့ ဒေဝီလရသေ့ရဲ့ ဉီးခေါင်း ပေါ်ကမြေစိုင်ခဲဟာ ခုနစ်စိတ်ခုနစ်ဖြာ ကွဲကြေလို့သွားခဲ့ပါတယ်။ ဒေဝီလရသေ့ကတော့ အသက်မသေပဲ အန္တရာယ် ကနေလွတ် မြောက်နိုင်ခဲ့ပါတယ်။
ဒီဝတ္ထုကို မြတ်စွာဘုရားက ဟောတော်မူပြီး တစ်ဆက်တည်း
အက္ကောစ္ဆိမံ အဝဓိ မံ ၊ အဇိနိ မံ အဟာသိ မေ။
ယေ စ တံ ဉပနယှန္တိ ၊ ဝေရံ တေသံ န သမ္မတိ။ (ဓမ္မပဒ-၃)
     ဒီလူဟာ ငါ့ကိုဆဲဖူးသူ၊ ငါ့ကိုသတ်ပုတ်ဖူးသူ၊ ငါ့အပေါ် အနိုင်ယူဖူးသူ၊ ငါ့ဉစ္စာကို ခိုးဖူးသူပဲဆိုပြီး အမျက်ဒေါသပွား နေမည်ဆိုလျင်ဖြင့် ဘယ်တော့မှ ရန်မီးငြိမ်းနိုင်လ်ိမ့်မယ် မဟုတ်ပေဘူး ရယ်လို့လည်း ဆက်လက်ပြီး မိန့်တော်မူပါတယ်။ ရန်မီးတွေ မငြိမ်းစဲနိုင်တဲ့ ခုလို ကာလ သမယမှာအချင်းချင်းတွေကြား၊ ရန်မီးတွေသိမ်း၊ အေးငြိမ်းချမ်းသာစွာ နေနိုင်စေဖို့ကျိုးကြောင်းပြကာ ဆုံးမစကားဆိုတော်မူတဲ့ မြတ်ဗုဒြွရဲ့စကားတွေ ဟာ လူမျိုးဘာသာနေရာမရွေး မှတ် သားလေးစား လိုက်နာစရာ ကောင်းလှပါတယ်။
  လူတိုင်းလူတိုင်း ဘဝမှာ အနည်းနှင့်အများ ဆိုသလိုပဲ အမှားတစ်ခုခုတော့ လုပ်ခဲ့ဖူးကြမှာပါ။ သို့ပေမယ့် ကိုယ်လုပ်ခဲ့တဲ့ အမှားအပေါ်မှာ သင်္ခန်းစာ ယူပုံခြင်းတော့ တစ်ဉီးနှင့်တစ်ဉီး တူနိုင်ကြမယ် မဟုတ်ပါဘူး၊ တချို့က ကိုယ်မှားခဲ့တဲ့ အမှားကို အခြေပြုလို့ နောင်မှာဒီလို အမှားမျိုး ထပ်မကျူးလွန်မိအောင် ရှောင်ကြဉ်တာမျိုး ရှိနိုင်သလို၊ ဒီအမှားကို အခြေခံပြီး အမှန်တရား တစ်ခုခုရရှိအောင်၊ ကောင်းကျိုး တစ်ခုခုရအောင် အားထုတ်ကြ သူတွေလည်း ရှိကြမှာပါ။
    တချို့ကတော့လည်း မှားပြီးရင်းမှား၊ အမှားသံသရာ ကြားမှာ လုံးလည်းခြာလည် ဖြစ်နေသူတွေလည်း ရှိမှာပါပဲ။ လူတိုင်း မကင်းနိုင်တဲ့ အမှားကိုပဲ မှားရကောင်းလားရယ်လို့ အလွယ်တကူ အပြစ်တင်မည် ဆိုလျင်တော့ မှားသူအမှားထက် အပြစ်တင်သူရဲ့ အမှားက ပိုမို ဆိုးရွားပါလိမ့်မယ်၊ တဖက်မှာလည်း မှားသူအနေနဲ့ မမှားသင့်တဲ့ အမှားမျိုးကို ထပ်ကာထပ်ကာ မှားနေမည် ဆိုလျင်တော့ မိုက်မဲရာကျမှာပါပဲ၊ ပိုဆိုးတာကတော့ ကိုယ့်မှာ ဆင်ခြင် စဉ်းစားနိုင်စွမ်း မရှိလို့ ကိုယ့်အမှားကိုယ် မသိတာကို တတ်သိ နားလည်သူများက ဝေဖန်ထောက်ပြ ပါလျက်ကယ်နဲ့ ပြုပြင်ရမှန်းမသိ၊ လေးစား လိုက်နာရမှန်းမသိ ဖြစ်နေဉီးမည် ဆိုလျင်ဖြင့် မိုက်မဲရာပါမက ယုတ်ညံ့ရိုင်းစိုင်းရာလည်း ရောက်ပါတယ်။ မှား နေတာကို ကိုယ်တိုင်လည်း သိတယ်၊ တခြား သူများကလည်း ဝေဖန်ထောက်ပြတယ်၊ သို့ပေမယ့် ဒီအမှားကပဲ ကိုယ့် အဖို့ အကျိုးအမြတ် ဖြစ်နေတာမို့ အလားတူ အမှားမျိုးကိုပဲ ထပ်တလဲလဲ ကျူးလွန်တာမျိုး၊ အမှန်မပြုပြင်နိုင်တာမျိုး ကတော့ အဆိုးတကာ့ အဆိုးဆုံးလို့ပြောရမှာပါ။
   လောကမှာ ဒေဝီလရသေ့လိုပဲ ကိုယ့်အမှားကိုယ် မသိသူတွေ၊ ကိုယ့်အပြစ်ကို ကိုယ်မမြင် နိုင်သူတွေက အများသားပါ၊ နောက်ပြီး ကိုယ့်အပြစ်ကို သူများ အပြစ်ဖြစ်အောင် လုပ်ကြံတတ် သူတွေဆိုတာလည်း နယ်ပယ် အသီးသီးမှာ ရှိစမြဲပါပဲ၊ သူတစ်ပါးတွေ ဘယ်လိုပင် ထိခိုက်နစ်နာပစေ၊ ကိုယ်သာ အမှန်ဆိုတာကို သက်သေထူဖို့၊ ကိုယ်အသာစီး ရဖို့ဆိုလျင် ဘယ်လိုအောက်တန်းကျ ယုတ်ညံ့တဲ့နည်းကို သုံးရပစေ၊ သုံးကျသူတွေ၊ အသုံးချ သူတွေကလည်း များမှ အများသားပါ ပဲ၊ ဒီလို ကောက်ကျစ် စဉ်းလဲတဲ့ နည်းတွေကို အသုံးချပြီး အကျိုးအမြတ် ရရှိလာတဲ့ အခါမှာလည်း ငါမို့လုပ်နိုင်တာ၊ ငါတော်လို့ ရလာတာဆိုပြီးလည်း လွဲမှားစွာ ဂုဏ်ယူကျေနပ်နေသူတွေလည်း ရှိတတ်ပါသေးတယ်။ ပစ္စုန်ပ္ပန် သံသရာ နှစ်တန်ဘဝအတွက် ရင်လေးဖွယ် လူတန်းစားမျိုးတွေပ။
   တရားတော် အဆုံးမှာတော့ လူနတ်ဗြဟ္မာပေါင်းများစွာ အသိဉာဏ် အလင်းတွေပွင့်ပြီး အသိမှန် အမြင်မှန်တွေရရှိ သွားကြတယ်လို့ ဆိုပါတယ်၊ အမှန်သိမြင် သွားသူတွေထဲမှာ တိဿရဟန်းကြီးလည်း ပါဝင်ပါတယ်၊ စာရေးသူက ဓမ္မပဒလာ ဒီဇာတ်လမ်းကို ဖတ်မိပြီး အော် တိဿရဟန်းကြီးလိုပဲ မဆိုင်လှစွာ သာသနာ့နယ်ပယ် အထိတောင်မှပဲ လာလို့ ရာဇမာန် တက်နေသူတွေ၊ ကိုယ့်အမှားကို ဆင်ခြင်ရကောင်းမှန်း မသိပဲ သူတစ်ပါးအပေါ်သာ အပြစ်ပုံချတတ် သူတွေ၊ မြတ်စွာဘုရားလို အတုမရှိ အတူမမြင်နိုင်တဲ့ပုဂ္ဂိုလ်မျိုးက ဆုံးမလမ်းညွှန်စကား ဆိုတာကိုတောင် လွယ်လွယ် ကူကူ နာယူ လိုက်နာရမှန်း မသိတဲ့သူတွေ ရှိတတ်တာပါ ကလားလို့ ဆင်ခြင်စဉ်းစားရင်း ပစ္စုပ္ပန်ဖြစ်ရပ်အချို့နဲ့ ယှဉ်စပ် ပြီး သံဝေဂ အထပ်ထပ် ပွားနေမိပါတယ်။ နောက်ပြီးလည်း တရားမရှိ၊ တရားမသိ လျင်တောင်မှ၊ လောကလူအများ လက်ခံနေတဲ့ အမှားဆိုတာလောက်တော့ သိနိုင်သူများသာ ဖြစ်ကြပါစေ ရယ်လို့လည်း အားလုံးအတွက် ဆုတောင်း စကား ဆိုနေမိပါတယ်။ ။

အရှင်ညာဏိကာဘိဝံသ၏စာပေမှ                                   ချမ်းသာကိုယ်စိတ်မြဲကြပါစေ
                                                                                        ရွှေဖြူးလေး

Sunday, July 22, 2012

ကာမဂုဏ်အပြစ်များကို ဟောပြော၍ တရားရသွားတဲ့ ပုဏ္ဍားလင်မယား

မြတ်စွာဘုရားသည် ကုရုတိုင်း၌ ဒေသစာရီ ကြွချီတော်မူစဉ် မာဂဏ္ဍီယပုဏ္ဏားကြီးနှင့် တွေ့ဆုံသည်။ ထိုတွင် ပုဏ္ဏားကြီးက ဤသူသည် အလွန်ကျက်သရေရှိသည်။ ချောမောပြေပြစ်သည်။ သူ၏ အလွန်ချောမောလှပသော သမီးနှင့် ထိုက်တန်သော ယောက်ျားမြတ်ဖြစ်သည်ဟု စဉ်းစားဆုံးဖြတ်ကာ ဘုရားရှင်ထံ ချဉ်းကပ်ပြီးလျှင် သူ၏ သူမတူအောင် လှသော သမီးချောကို လက်ခံတော်မူပါဟု အပ်နှင်း၏။ ဘုရားရှင်က ငြင်းပယ်တော်မူပြီးလျှင် မာရ်နတ်မင်း၏ သမီးချောသုံးယောက် အပ်နှင်းခြင်းကိုပင် ပယ်ချခဲ့ကြောင်း ပြောပြ၏။ မာရ်နတ်သည် ဘုရားလောင်း တောထွက်စဉ်ကစ၍ နောက်တော်က တကောက်ကောက် လိုက်ပါလျက် ဘုရားရှင်၏ အပြစ်အနာအဆာများကို စောင့်ကြည့်၏။ နောက်ဆုံး အဇပါလညောင်ပင်အနီးဝယ် စံနေတော်မူစဉ် သူ အပြစ်တစုံတရာ ရှာကြံမရ၍ အရှုံးပေးရမည့်အခြေအနေကို တွေးပြီး မှိုင်တွေချနေ၏။ သူ၏ သမီးသုံးယောက် နတ်မိမယ် အချောအလှများဖြစ်သော တဏှာ, အရတီ, ရာဂါတို့သည် သူတို့ခမည်းတော်ထံလာ၍ ဖခင်-စိတ်မပျက်ပါနဲ့၊ ဤပုဂ္ဂိုလ်၏အကျင့်ကို သမီးတို့၏ ပရိယာယ်မာယာများ အမျိုးမျိုးသုံးပြီး ဖခင်ထံ ဆွဲခေါ်ခဲ့ပါမည်-ဟု အာမခံ ပြောကြားကြ၏။ ထို့နောက် နတ်သမီးသုံးယောက်သည် ယောက်ျားတို့၏ စိတ်နှလုံးကို လှုံ့ဆော်ချောက်ချားအောင် အလှအမျိုးမျိုး အရွယ်အမျိုးမျိုး မာယာအမျိုးမျိုး အသုံးပြုလျက် ဘုရားရှင်ကို နှောက်ယှက်ဖျက်ဆီးရန် ကြိုးစားကြလေသည်။ အရှင်၏ ခြေတော်ရင်းတွင် အလုပ်အကျွေးအဖြစ် ပြုစုခွင့် ပေးတော်မူပါဟု အမျိုးမျိုး မာယာသုံး၍ လျှောက်ထားကြ၏။ ဘုရားရှင်သည် ဤမာရ်နတ်နှင့် သမီးများအကြောင်းကို ပြောပြပြီးလျှင် ပုဏ္ဏားကြီး-ထိုနတ်သမီးများကို ငါပယ်ခဲ့၏။ ငါ့တွင် လိုချင်တောင်းတမှု မရှိ။ ကိလေသာကင်းစင်ပြီး ဖြစ်၏။ သင်၏ အညစ်အကြေးပြည့်နေသောသမီးကို ခြေဖျားဖြင့်ပင် မထိတို့ချင်-ဟုပြောကာ ကာမဂုဏ်အပြစ်များကို ဟောပြောတော်မူ၏။ ပုဏ္ဏားကြီး လင်မယားလည်း အနာဂါမ်တည်ပြီး နောက်ဆုံး ရဟန္တာအဖြစ် ရောက်ကြလေသည်။

( ပါဠိဂါထာ )
ယဿ ဇိတံ နာဝဇီယတိ၊ ဇိတံ ယဿ နော ယာတိ ကောစိ လောကေ။
တံ ဗုဒ္ဓမနန္တ ဂေါစရံ၊ အပဒံ ကေန ပဒေန နေဿထ။
ယဿ ဇာလိနီ ၀ိသတ္တိကာ၊ တဏှာ နတ္ထိ ကုဟိဉ္စိ နေတဝေ။
တံ ဗုဒ္ဓမနန္တ ဂေါစရံ၊ အပဒံ ကေန ပဒေန နေဿထ။

( မြန်မာပြန် )
မြတ်စွာဘုရား၏ ကိလေသာရန်အောင်ပွဲကို မည်သူမျှ မဖျက်ဆီးနိုင်။လောက၌ မည်သူမျှ မတုပနိုင်။
အပိုင်းအခြားမရှိ အလုံးစုံကို သိမြင်သည့်ဉာဏ် ရှိတော်မူသော၊ တဏှာစသည့် ခရီးလမ်းကြောင်းကို ပယ်ဖျက်တော်မူပြီးသော ထိုမြတ်စွာဘုရားကို သင်တို့သည် အဘယ်လမ်းခရီးဖြင့် ခေါ်ဆောင်ကုန်လတံ့နည်း။

မြတ်စွာဘုရားမှာ တစုံတခုသော လောကသို့ ဆောင်ခြင်းငှါ ပိုက်ကွန်ပမာ မြှေးယှက်ရစ်ပတ် ငြိကပ်တတ်သော တဏှာမရှိ။ အပိုင်းအခြား မရှိ။ အလုံးစုံကို သိမြင်နိုင်သည့်ဉာဏ် ရှိတော်မူသော တဏှာစသည့် ခရီးလမ်းကြောင်းကို ပယ်ဖျက်တော်မူပြီးသော ထိုမြတ်စွာဘုရားကို သင်တို့ အဘယ်လမ်းခရီးဖြင့် ခေါ်ဆောင်ကုန်လတံ့နည်း။

( လင်္ကာ )
မြတ်ဗုဒ္ဓ၏၊ ကိလေသာရန်၊ အောင်ပွဲမှန်ကို၊ ဖျက်ရန်ဘယ်သူ မတတ်နိုင်။
လောကဓာတ်ဆုံး၊ တခုလုံးဝယ်၊ ဖက်နှုန်းဘယ်သူ မယှဉ်နိုင်။
မြတ်ဗုဒ္ဓကား၊ တရားမှန်က၊ မကျန်ရအောင်၊ လုံးဝကုန်စင်၊ အကုန်မြင်ကာ၊ တဏှာခရီး၊ လမ်းကြောင်းကြီးကို၊ အပြီးစွန့်ထွက်၊ အကုန်ဖျက်၏။
စက်သံသရာ၊ ကျွတ်လွတ်ခွါလည်း၊ မြတ်ခေါင်ထီးကို၊ ခရီးဘယ်လမ်း ခေါ်မည်နည်း။

ဗုဒ္ဓမြတ်မွန်၊ လူ့တံခွန်တွင်၊ ပိုက်ကွန်ပမာ၊ မြှေးယှက်စွာဖြင့်၊ လောကတပါး၊ သယ်ဆောင်သွားမည့်၊ မိုက်မှားတဏှာ၊ လုံးဝကွာ၏။
ဉာဏ်လွှာအသိ၊ ဆုံးမရှိဘဲ၊ သိရန်လုံးစုံ၊ အကုန်သိတတ်၊ ရှင်တော်မြတ်သည်၊ ပယ်ဖြတ်တဏှာ၊ လမ်းမှန်မှာလျှင်၊ ချမ်းသာဖြိုးဝေ၊ တည်ရှိနေလျက်၊ ဘယ်တွက် လမ်းကြောင်း၊ ပြောင်းမည်နည်း။

( ဗုဒ္ဓ၀ဂ် မာရဓီတရ ၀တ္ထု )

Friday, July 20, 2012

ဒီပင်္ကရာမြတ်စွာဘုရား

ဒီပင်္ကရာဘုရား သည် ကကုသန်ဘုရားကောဏဂုံဘုရားဂေါတမဘုရားကဿပဘုရား စသည့် ဘုရားကြီး ငါးဆူမှ ပွင့်တော်မူပြီးသော ဘုရား ဖြစ်သည်။
ဗုဒ္ဓ၀င် ၁။ ထိုအခါ ထိုရမ္မ၀တီပြည်သူပြည်သားတို့သည် သံဃာနှင့်တကွသော မြတ်စွာ ဘုရားကို ဆွမ်းလုပ်ကျွေးပြီးလျှင် ထိုဒီပင်္ကရာမြတ်စွာဘုရားအား ကိုးကွယ်ရာဟူ၍ ဆည်းကပ်ကုန်၏။ ၂။ ဒီပင်္ကရာမြတ်စွာဘုရားသည် အချို့သော ပုဂ္ဂိုလ်ကို သရဏဂုံ၌ အချို့သော ပုဂ္ဂိုလ်ကို ငါးပါးသီလတို့၌ အချို့သော ပုဂ္ဂိုလ်ကို ဆယ်ပါးသီလ၌ တည်စေတော်မူ ၏။
၃။ ထိုမြတ်စွာဘုရားသည် အချို့သော ပုဂ္ဂိုလ်အား အရိယမဂ်ကိုလည်းကောင်း၊ မြတ်သော ဖိုလ် လေးပါးတို့ကို လည်းကောင်း ပေးတော်မူ၏။ အချို့သော ပုဂ္ဂိုလ်အား အတုမရှိသော ပဋိသမ္ဘိဒါတရား တို့ကို ပေးတော်မူ၏။
၎။ မြတ်စွာဘုရားသည် အချို့သော ပုဂ္ဂုလ်အား မြတ်သော သမာပတ် ရှစ်ပါးတို့ကို ပေးတော်မူ၏၊ အချို့သော ပုဂ္ဂိုလ်အား ၀ိဇ္ဇာသုံးပါး အဘိညာဉ်ခြောက်ပါး တို့ကို ပေးတော်မူ၏။
၅။ မြတ်စွာဘုရားသည် ထိုနည်း အစီအစဉ်အားဖြင့် လူအပေါင်းကို ဆုံးမတော်မူ၏၊ ထိုအဆုံးအမကြောင့် မြတ်စွာဘုရား၏ သာသနာတော်သည် ပျံ့နှံ့လေ၏။
၆။ ခြင်္သေ့မင်း၏ မေးနှင့်တူသော မေးရှိတော်မူ၍ နွားလားဥဿဘ၏ ပခုံးနှင့် တူသော ပခုံး ရှိတော်မူသော ဒီပင်္ကရာအမည်ရှိသော မြတ်စွာဘုရားသည် များစွာ သော လူတို့ကို ကယ်တင်တော်မူ၏၊ ဒုဂ္ဂတိ ဘ၀မှ လွတ်မြောက်စေတော်မူ၏။
၇။ မြတ်စွာဘုရားသည် သစ္စာလေးပါးကို သိစေထိုက်သော သတ္တ၀ါကို မြင်တော် မူသည် ရှိသော် ယူဇနာတစ်သိန်း ဝေးကွာသော အရပ်၌ပင် (တည်သော) ထို သတ္တ၀ါထံသို့ တစ်ခဏဖြင့် ချဉ်းကပ်၍ (သစ္စာလေးပါးတရားကို) သိစေတော်မူ၏။

၈။ မြတ်စွာဘုရားသည် ရှေးဦးစွာ သစ္စာလေးပါးကို သိစေတော်မူရာ အခါ၌ ကုဋေတစ်ရာသော လူ နတ် ဗြဟ္မာအပေါင်းကို သိစေတော်မူ၏၊ မြတ်စွာဘုရား သည် နှစ်ကြိမ်မြောက် သစ္စာလေးပါးကို သိစေတော်မူရာ အခါ၌ ကုဋေကိုးဆယ်သော လူ နတ် ဗြဟ္မာအပေါင်းကို သိစေတော်မူ၏။
၉။ အကြင်အခါ မြတ်စွာဘုရားသည် တာဝတိံသာ နတ်ပြည်၌ အဘိဓမ္မာတရားကို ဟောတော်မူ၏၊ ထိုအခါ၌လည်း ကုဋေကိုးသောင်းသော နတ် ဗြဟ္မာတို့၏ သုံးကြိမ်မြောက် သစ္စာလေးပါးကို ထိုးထွင်း၍ သိခြင်းသည် ဖြစ်၏။
၁၀။ ဒီပင်္ကရာမြတ်စွာဘုရား၏ သုံးကြိမ်သော တပည့်သာဝက အစည်းအဝေးတို့ သည် ဖြစ်ကုန်၏၊ ပထမအစည်းအဝေးသည် ကုဋေတစ်သိန်းသော တပည့်သာဝက တို့၏ အစည်းအဝေး ဖြစ်၏။
၁၁။ မြတ်စွာဘုရားသည် နာရဒကူဋတောင်၌ ဆိတ်ငြိမ်ရာသို့ ချဉ်းကပ်တော်မူ သည် ရှိသော် ကိလေသာ အညစ်အကြေး ကင်းကုန်သော ရဟန္တာကုဋေတစ်ရာ တို့သည် တစ်ဖန် စည်းဝေးကုန်၏။
၁၂။ အကြင်အခါ ကြီးသော လုံ့လ ရှိတော်မူသော မြတ်စွာဘုရားသည် သုဒဿန ကျောက်တောင်၌ ၀ါဆိုတော်မူ၏၊ ထိုအခါ မြတ်စွာဘုရားသည် ကုဋေကိုးသောင်း သော ရဟန္တာတို့နှင့် အတူပ၀ါရဏာ ပြုတော်မူ၏။
၁၃။ ဒီပင်္ကရာမြတ်စွာဘုရား တရားဟောတော်မူလတ်သော် တစ်သောင်းသော သတ္တ၀ါ၊ နှစ်သောင်းသော သတ္တ၀ါတို့၏ သစ္စာလေးပါးတရားကို သိခြင်းသည် ဖြစ်၏။ တစ်ဦးစီ၊ နှစ်ဦးစီသော သတ္တ၀ါတို့၏ တရားကို ထိုးထွင်းသိခြင်းတို့သည် ဂဏန်းသင်္ချာအားဖြင့် မရေတွက်နိုင်ကုန်။
၁၄။ ထိုအခါ ဒီပင်္ကရာမြတ်စွာဘုရား၏ သန့်ရှင်းစင်ကြယ်သော သာသနာတော် သည် ပျံ့နှံ့၏၊ လူသိများ၏၊ ပြည့်စုံ၏၊ စည်ကား၏။
၁၅။ အဘိညာဉ်ခြောက်ပါးနှင့် ပြည့်စုံသည်ဖြစ်၍ တန်ခိုးကြီးကုန်သော ရဟန္တာ လေးသိန်းတို့သည် ဒီပင်္ကရာမြတ်စွာဘုရားကို အခါခပ်သိမ်း ခြံရံကုန်၏။
၁၆။ ထိုဒီပင်္ကရာဘုရား ပွင့်တော်မူသောအခါ၌ အကြင် ရဟန်းတော်တို့သည် အရဟတ္တဖိုလ်သို့ မရောက်မူ၍ သေက္ခသာဖြစ်လျက် လူ့ဘ၀ကို စွန့်ကုန်၏၊ ထိုသေက္ခ ရဟန်းတို့သည် ကဲ့ရဲ့အပ်သူတို့သာ ဖြစ်ကုန်၏။
၁၇။ ကောင်းစွာ ပွင့်လင်းသော မြတ်စွာဘုရား သာသနာတော်သည် တာဒိဂုဏ်နှင့် ပြည့်စုံကုန်သော အာသဝေါ မရှိကုန်သော ကိလေသာ အညစ်အကြေး ကင်းကုန် သော ရဟန္တာတို့ဖြင့် အခါခပ်သိမ်း အလွန်တင့်တယ်၏။
၁၈။ ဒီပင်္ကရာမြတ်စွာဘုရား၏ ဖွားတော်မူရာမြို့သည် (ရမ္မ၀တီ) မည်၏၊ ခမည်း တော်သည် (သုဒေ၀မင်း) မည်၏၊ မယ်တော်သည် (သုမေဓာမိဖုရား) မည်၏။
၁၉။ ထိုဒီပင်္ကရာ ဘုရားလောင်းသည် အနှစ်တစ်သောင်းတို့ပတ်လုံး ထီးနန်းကို စိုးအုပ်၍ နေ၏၊ ထိုဘုရားလောင်းအား ဟံသ၊ ကောဉ္စ၊ မယူရ (ဟင်္သာကြိုးကြာဥဒေါင်း)အားဖြင့် မြတ်သော ပြာသာဒ် သုံးဆောင်တို့သည် ရှိကုန်၏။
၂၀။ ကောင်းစွာ တန်ဆာဆင်ထားသော မောင်းမသုံးသိန်းတို့သည် ခြံရံကုန်၏၊ ထိုဘုရားလောင်း၏ မိဖုရားသည် (ပဒုမ္မာ) မည်၏၊ သားတော်သည် (ဥသဘက္ခန္ဓ) မည်၏။
၂၁။ ထိုဘုရားလောင်းသည် နိမိတ်လေးပါးတို့ကို တွေ့မြင်၍ ဆင်ယာဉ်ဖြင့် တောထွက်တော်မူ၏၊ မယုတ်မလျော့သော ဆယ်လတို့ပတ်လုံး ကမ္မဋ္ဌာန်း စီးဖြန်းခြင်း လုံ့လကို အားထုတ်တော်မူ၏။
၂၂-၂၃။ မြတ်စွာဘုရားသည် ကမ္မဋ္ဌာန်း အကျင့်ကို ကျင့်၍ အရဟတ္တဖိုလ်ကို သိတော်မူ၏၊ ကြီးသောလုံ့လ ရှိတော်မူသော ဒီပင်္ကရာမြတ်စွာဘုရားသည် ဗြဟ္မာမင်း တောင်းပန်အပ်သည်ဖြစ်၍ နန္ဒာရာမတိုက် အသရေရှိသော ကျောင်း၌ ဓမ္မစကြာကို ဟောတော်မူ၏၊ ကုက္ကိုပင်ရင်း၌ တိတ္ထိတို့အား နှိမ်နင်းခြင်းကို ပြုတော် မူ၏။
၂၄။ သုမင်္ဂလသည် လည်းကောင်း၊ တိဿသည် လည်းကောင်း ဒီပင်္ကရာမြတ်စွာ ဘုရား၏ မြတ်သော တပည့် အဂ္ဂသာဝကတို့ ဖြစ်ကုန်၏။ ထိုဒီပင်္ကရာမြတ်စွာ ဘုရား၏ အလုပ်အကျွေးသည် (သာဂတ) မည်၏။
၂၅။ နန္ဒာသည် လည်းကောင်း၊ သုနန္ဒာသည် လည်းကောင်း ထိုမြတ်စွာဘုရား၏ မြတ်သော တပည့်မ အဂ္ဂသာဝိကာ တို့ ဖြစ်ကုန်၏။ ထိုမြတ်စွာဘုရား၏ ဗောဓိပင်ကို ညောင်ကြတ်ပင် ဟု ခေါ်ဆိုအပ်၏။
၂၆။ ဒီပင်္ကရာမြတ်စွာဘုရား၏ မြတ်သော အလုပ်အကျွေး ဒါယကာ တို့သည် တပုဿ၊ ဘလ္လိကာ မည်ကုန်၏။ အလုပ်အကျွေး ဒါယိကာမ တို့သည် သိရိမာ၊ ကောဏာတို့ ဖြစ်ကုန်၏။
၂၇။ ဒီပင်္ကရာမြတ်စွာဘုရားသည် အတောင်ရှစ်ဆယ် မြင့်တော်မူလျက် တန်ဆောင်တိုင်ကဲ့သို့ လည်းကောင်း၊ ပင်လုံးကျွတ်ပွင့်သော အင်ကြင်းပင်မင်းကဲ့သို့ လည်းကောင်း တင့်တယ်တော်မူ၏။
၂၈။ ထိုမြတ်စွာဘုရား၏ အသက်တမ်းသည် အနှစ်တစ်သိန်းရှိ၏၊ ထိုမြတ်စွာ ဘုရားသည် ထိုမျှလောက် တည်နေလျက် များစွာသော လူအပေါင်းကို ကယ်တင်တော်မူ၏။
၂၉။ မီးပုံကြီး တောက်ပ၍ ငြိမ်းအေးသကဲ့သို့ ထိုမြတ်စွာဘုရားသည် သူတော် ကောင်း တရားကို ထွန်းတောက်ပစေ၍ များစွာသော သတ္တ၀ါအပေါင်းကို ကယ် တင်တော်မူလျက် တပည့်သာဝကနှင့်အတူ ပရိနိဗ္ဗာန် ပြုတော်မူ၏။
၃၀။ ထိုတန်ခိုးတော်သည် လည်းကောင်း၊ ထိုအခြံအရံသည် လည်းကောင်း၊ ခြေတော်တို့၌ ထိုစက်ရတနာတို့သည် လည်းကောင်း ရှိကုန်၏။ ထိုအားလုံးသည် ပင် ကွယ်ပျောက်လေ၏၊ အလုံးစုံသော သင်္ခါရ တို့သည် အချည်းနှီးတို့သာ ဖြစ်ကုန် သည် မဟုတ်ပါလော။
၃၁။ မာရ်ငါးပါး ကို အောင်တော်မူပြီးသော ဒီပင်္ကရာမြတ်စွာဘုရားသည် နန္ဒာရာမ ကျောင်းတိုက်၌ ပရိနိဗ္ဗာန် ပြုတော်မူ၏၊ ထိုနန္ဒာရာမကျောင်းတိုက်၌ ထိုမြတ်စွာ ဘုရား၏ ပုထိုးစေတီတော်သည် သုံးဆယ့်ခြောက် ယူဇနာ မြင့်တော်မူ၏။


ဖြစ်စဉ် သရဏင်္ကရာဘုရား ပရိနိဗ္ဗာန်စံလွန်တော်မူပြီးနောက် ဘုရားလေးဆူ ပွင့်တော်မူရာ ထိုသာရမဏ္ဍကမ္ဘာ၌ပင် လူတို့၏ အသက်တမ်း၊ အနှစ်ကိုး သောင်းတမ်းမှ တဖြည်းဖြည်းဆုတ်ယုတ်၍ ဆယ်နှစ်သက်တမ်း၊ ထိုမှ တစ်ဖန် တိုးတက်ပြန်ရာ အသင်္ချေယျတမ်း၊ ထိုအသင်္ချေယျတမ်းမှ တစ်ဖန် ဆုတ်ယုတ်ပြန်ရာ အနှစ်တစ်သိန်းတမ်းသို့ ရောက်လေလျှင် ဒီပင်္ကရာ ဘုရားရှင် ပွင့်တော်မူခဲ့သည်။
ဒီပင်္ကရာဘုရားအလောင်းတော် ဖွားမြင်တော်မူခြင်း ဒီပင်္ကရာဘုရား အလောင်းတော်သည် ပါရမီတော်တို့ကို ဖြည့်ကျင့်တော် မူပြီးသည်၏ အဆုံး၌ အလောင်းတော်တို့၏ ဓမ္မတာအတိုင်း တုသိတာ နတ်ပြည်၌ စံနေတော်မူခဲ့သည်။ ထိုသို့စံနေတော်မူစဉ် နတ်ဗြဟ္မာတို့က အလောင်းတော်နတ်သားအား ဘုံသုံးပါးတွင် ဘုရားဖြစ်ရန် အချိန်တန်ပြီ ဖြစ်၍ လူ့ပြည်သို့ ဆင်းသက်ကာ ပဋိသန္ဓေ နေတော်မူပါရန် တောင်းပန်ခဲ့ကြ ကုန်၏။ အလောင်းတော်သည် နတ်ဗြဟ္မာတို့၏ တောင်းပန်မှုကို လက်ခံ တော်မူပြီးနောက် တုသိတာနတ်ပြည်မှ စုတေ၍ လူ့ပြည် ရမ္မာဝတီမြို့တော်၊ သုဒေ၀မင်းကြီး၏ တောင်ညာစံဒေ၀ီ အဂ္ဂမဟေသီ သုမေဓာမိဖုရားခေါင် ကြီး၏ သန့်ရှင်းသိုက်မြိုက် ၀မ်းကြာတိုက်၌ ပဋိသန္ဓေတည်နေတော်မူခဲ့သည်။ ဆယ်လပြည့်မြောက် အချိန်ရောက်သောအခါ မယ်တော်မိဖုရားကြီးမှ သားတော် အလောင်းမင်းသားကို ဖွားမြင်တော်မူခဲ့၏။ အလောင်းတော် မင်းသားကို “ဒီပင်္ကရာမင်းသား”ဟု အမည်မှည့်ခေါ်ခဲ့ကြကုန်၏။ ဒီပင်္ကရာ အလောင်းတော်မင်းသား ပဋိသန္ဓေနေတော်မူသောအခါ၊ ဖွားမြင်တော်မူ သောအခါတို့၌ ပုဗ္ဗနိမိတ်ကြီးများ ထင်ခဲ့သည့်အပြင် အလောင်းတော်ဟူသမျှ တို့၌ ဖြစ်ပေါ်လေ့ရှိသည့်အတိုင်း အံ့သြဖွယ်ရာများ ဖြစ်ပေါ်ခဲ့ကြကုန်၏။
ထီးနန်းစိုးစံတော်မူခြင်း ဒီပင်္ကရာ အလောင်းမင်းသားသည် အရွယ်တော်ရောက်သောအခါ ပဒုမာမင်းသမီးနှင့် ရွှေလက်ထပ်၍ နန်းရပ်ထီးဖြူ စိုးစံတော်မူခဲ့သည်။ နှစ်ပေါင်းတစ်သောင်းတို့ ပတ်လုံး ဟံသ ဟင်္သာ ရွှေနန်းဆောင်၊ ကောí္စကြိုးကြာ ရွှေနန်းဆောင်၊ မယူရ ဥဒေါင်း ရွှေနန်းဆောင်၊ နန်းပြာသာဒ်သုံးဆောင်တို့မှ မောင်းမမိဿံ သုံးသိန်းတို့၏ ဖျော်ဖြေလုပ်ကျွေးခြင်းကို ခံယူလျက် မင်း စည်းစိမ်ကို ခံစားတော်မူခဲ့သည်။ အလောင်းမင်းသား၏ သားတော်မှာ ဥသဘက္ခန္ဓမင်းသား ဖြစ်ခဲ့၏။
တောထွက်တော်မူခြင်း အလောင်းတော်ဒီပင်္ကရာမင်းသားသည် အေ>ခအရံတို့နှင့်တကွ ရွှေနန်း သုံးဆောင်တွင် မင်းစည်းစိမ်ကို ခံစားနေစဉ် ဥယျာဉ်ကစားရန် ထွက်တော် မူသောအခါ သူအို၊ သူနာ၊ သူသေ၊ ရဟန်း-ဟူသော နတ်တမန်နိမိတ်ကြီး လေးပါးတို့ကို မြင်တော်မူ၍ သံဝေဂဖြစ်ခဲ့ပြီး ရမ္မာဝတီမြို့တော်သို့ ပြန်ဝင်တော်မူခဲ့သည်။ တစ်ဖန် အလောင်းတော်မင်းသားသည် ဥယျာဉ် ကစားရန် ထွက်တော်မူလိုပြန်သည်။ ၀ိသကြုံနတ်သားသည် ဒီပင်္ကရာ အလောင်းတော်မင်းသားအား အ၀တ်တန်ဆာများကို လာရောက်ဆင်ယင် ပေးခဲ့သည်။ အလောင်းတော်မင်းသားသည် ဆင်ပေါင်း ရှစ်သောင်းလေးထောင် ခြံရံလျက် စီးတော်ဆင်၌ တက်စီး၍ များစွားသော စစ်သည်ဗိုလ်ပါ အခြံအရံ နှင့်ဥယျာဉ်တော်သို့ ထွက်ခဲ့ပြန်သည်။ ဥယျာဉ်တော်သို့ ရောက်သောအခါ စီးတော်ဆင်မှ ဆင်းသက်၍ ဥယျာဉ်တော်အတွင်း လှည့်လည်ရှုစားပြီးနောက် အေးမြနှစ်သက်ဖွယ်ကောင်းသော ကျောက်ဖျာထက်၌ ထိုင်တော်မူခဲ့သည်။ အလောင်းတော်မင်းသားသည် ကျောက်ဖျာထက်၌ ထိုင်နေစဉ် ရဟန်းပြုရန် စိတ်အကြံဖြစ်ခဲ့၏။
ဘုရားဖြစ်တော်မူခြင်း ထိုအခါ သုဒ္ဓါဝါသဘုံမှ ရဟန္တာဗြဟ္မာကြီးသည် ပရိက္ခရာရှစ်ပါးကို ဆောင်ယူခဲ့၍ အလောင်းတော်၏ မျက်မှောက် မြင်လောက်ရာအရပ်၌ ထားလေလျှင် ရဟန်း၏ အသုံးအဆောင်များဖြစ်ကြောင်း သိခဲ့ရ၏။ ပရိက္ခရာ ရှစ်ပါးကို ယူလျက် မင်းဝတ်တန်ဆာတို့ကို ချွတ်ကာ လက်သုံးတော် သန်လျက်ဖြင့် ဆံတော်ကိုပယ်ပြီး ရဟန်းပြုခဲ့လေသည်။ အလောင်းတော် မင်းသား ရဟန်းပြုတော်မူကြောင်း သတင်းစကား ကြားသိကုန်သော လူအပေါင်းတို့သည် အလောင်းတော်မင်းသားကို အတုလိုက်ကာ ရဟန်းပြု ခဲ့ကြကုန်၏။ အလောင်းတော်သည် ထိုရဟန်းများနှင့်အတူ တောတွင်း၌ ဆယ်လတို့ပတ်လုံး ဒုက္ကရစရိယာခေါ် ပြုနိုင်ခဲသော အကျင့်တော်မြတ်ကို ကျင့်တော်မူ၍ ညောင်ကြတ်ပင်ရင်း၌ ငါးဆယ့်သုံးတောင်ပမာဏရှိသော အပရာဇိတပလ’င်တော်ဝယ် လောကသုံးပါး၌ အတုမရှိသော ဘုရားအဖြစ်သိူ့ ရောက်တော်မူခဲ့သည်။
ဓမ္မစကြာတရားဦး ဟောတော်မူခြင်း ဒီပင်္ကရာဘုရားရှင်သည် ဘုရားဖြစ်တော်မူပြီးနောက် မဟာဗောဓိ ညောင်ကြတ်ပင်အနီးမှာပင် သတ္တသတ္တာဟ-လေးဆယ့်ကိုးရက် စံနေတော် မူခဲ့သည်။ အဋ္ဌမသတ္တာဟသို့ ရောက်သောအခါ တရားဟောရန် ဗြဟ္မာမင်း၏ တောင်းပန်မှုကို ၀န်ခံတော်မူပြီး၍ သုနန္ဒာရာမအရပ် အသရေရှိသော ကျောင်းတော်၌ ဓမ္မစကြာတရားဦးကို ဟောတော်မူခဲ့သည်။ ကုဋေတစ်ရာသော လူနတ်ဗြဟ္မာသတ္တ၀ါတို့ သစ္စာလေးပါးကို ထိုးထွင်းသိမြင်ခဲ့ကြကုန်၏။
ဒေသစာရီ လှည့်လည်တော်မူခြင်း ဒီပင်္ကရာ ဘုရားရှင်သည် ဓမ္မစကြာတရားဦး ဟောတော်မူပြီးနောက် သတ္တ၀ါတို့၏အကျိုးငှာ ဒေသစာရီ လှည့်လည်တော်မူလျက် ရမ္မာဝတီပြည်သို့ ရောက်ကာ သုဒဿနကျောင်းတော်၌ သီတင်းသုံးနေတော်မူခဲ့၏။ ရမ္မာဝတီ ပြည်သူပြည်သားတို့က နောက်ပါသံဃာများနှင့်တကွသော ဘုရားရှင်ကို ဆွမ်းလုပ်ကျွေးပြီးလျှင် ထိုဒီပင်္ကရာ ဘုရားရှင်အား ကိုးကွယ်ရာဟု ဆည်းကပ် ခဲ့ကြကုန်၏။ ဘုရားရှင်သည် အချုိ့သော ပုဂ္ဂိုလ်ကို သရဏဂုံ၌ တည်စေခဲ့၏။ အချို့သော ပုဂ္ဂိုလ်ကို ငါးပါးသီလတို့၌ မြဲစေခဲ့၏။ အချို့သော ပုဂ္ဂိုလ်ကို ဆယ်ပါးသီလ ဆောက်တည်စေခဲ့၏။ အချုိ့သောပုဂ္ဂိုလ်အား အရိယမဂ် လေးပါး၊ ဖိုလ်လေးပါးတို့ကို ပေးတော်မူခဲ့၏။ အချုိ့သော ပုဂ္ဂိုလ်တို့အား အတုမရှိသော ပဋိသမ္ဘိဒါတရား လေးပါးတို့ကိုလည်းကောင်း၊ မြတ်သော သမာပတ်ရှစ်ပါးတို့ကိုလည်းကောင်း၊ ၀ိဇ္ဇာသုံးပါး၊ အဘိညာဉ်ခြောက်ပါးတို့ ကိုလည်းကောင်း ပေးတော်မူကာ လူအပေါင်းကို ချီးမြှောက်တော်မူခဲ့၏။ ဘုရားရှင်သည် ထိုနည်း အစီအစဉ်အားဖြင့် လူအပေါင်းကို ဆုံးမတော်မူကာ ဘုရားရှင်၏ အဆုံးအမကြောင့် ဘုရားရှင်၏ သာသနာတော်သည် ပွင့်လင်း ထွန်းကားလာခဲ့သည်။
ခြင်္သေ့မင်း၏ မေးနှင့်တူသော မေးရှိတော်မူ၍ နွားလားဥသဘ၏ ပခုံးနှင့် တူသော ပခုံးရှိတော်မူသော ဒီပင်္ကရာဘုရားရှင်သည် များစွာသော သတ္တ၀ါ တို့ကို ကယ်တင်တော်မူကာ ဒုဂ္ဂတိဘုံဘ၀မှ လွတ်မြောက်စေတော်မူခဲ့သည်။ ဘုရားရှင်သည် သစ္စာလေးပါးကို သိစေထိုက်သော သတ္တ၀ါကို ရွှေóဏ်တော် ကွန်ရက်တွင် ထင်တော်မူလာက ယူဇနာတစ်သိန်း ကွာဝေးသော အရပ်၌ တည်သော ထိုသတ္တ၀ါထံသို့ တစ်ခဏချင်းဖြင့် ချဉ်းကပ်၍ ကယ်မ စောင့်ရှောက်တော်မူခဲ့သည်။
ဂေါတမဘုရားအလောင်း ဗျာဒိတ်ခံခြင်း တစ်နေ့တွင် ဒီပင်္ကရာ ဘုရားရှင်သည် နောက်ပါရဟန္တာ လေးသိန်း ခြံရံလျက် ရမ္မာဝတီပြည်သို့ <ကတော်မူလာခဲ့ရာ လမ်းခရီးတွင် ဂေါတမဘုရား အလောင်းသုမေဓာ ရှင်ရသေ့အား “နောက်လာမည့် ဘဒ္ဒကမ္ဘာတွင် ဂေါတမမည်သော ဘုရားဖြစ်လတံ့”ဟု ဗျာဒိတ်စကား >မက်ကြားတော် မူခဲ့သည်။ ဒီပင်္ကရာဘုရာရှင်သည် ဗျာဒိတ်စကား >မက်ကြားတော်မူပြီးနောက် ဆွမ်းပင့်ရာ ဌာနသို့ <ကတော်မူပြီးလျှင် ရမ္မာဝတီပြည်သူတို့၏ ဆွမ်းကို ဘုဉ်းပေး သုံးဆောင်တော်မူနေသောအခါ သုမေဓာရှင်ရသေ့သည် ပါရမီတော် တို့ကို ဆင်ခြင်တော်မူခဲ့သဖြင့် တရား၏တန်ခိုး အာနုဘော်အားဖြင့် မြေကြီးသည် ပြင်းထန်စွာ တုန်လှုပ်ခဲ့လေသည်။ ထိုသို့မြေလှုပ်သဖြင့် ဆွမ်းကျွေးမွေးနေသူ လူအပေါင်းတို့သည် ကြောက်ရွံ့ကြ၍ ဒီပင်္ကရာဘုရားရှင်အား လျှောက်ထား ကြရာ “ကြောက်ရွံ့ဖွယ်မရှိ၊ သုမေဓာရှင်ရသေ့၏ တရားတော်ကို ဆင်ခြင်ခြင်းအတွက် မြေလှုပ်ခြင်း ဖြစ်သည်”ဟု ဟောတော်မူခဲ့၏။ လူအများတို့သည် သုမေဓာရှင်ရသေ့ထံသို့ သွားကာ ကောင်းချီးပေးကြကုန်၏။
ဒီပင်္ကရာဘုရားရှင်၏ တပည့်သာဝကများ ဒီပင်္ကရာမြတ်စွာဘုရား၏ (အဂ္ဂသာဝက) မြတ်သောတပည့် အစုံတို့ကား အရှင်သုမင်္ဂလမထေရ်နှင့် အရှင်တိဿမထေရ်တို့ ဖြစ်ကြကုန်ပြီး အရှင်သာဂတ မထေရ်ကား ဘုရားရှင်၏ အလုပ်အကျွေးပင်ဖြစ်ခဲ့သည်။ အရှင်မ နန္ဒာထေရီနှင့် အရှင်မ သုနန္ဒာထေရီတို့သည် ဘုရားရှင်၏ (အဂ္ဂသာဝိကာ) မြတ်သော တပည့်မ အစုံတို့ဖြစ်ကြကုန်၍ ဘုရားရှင်ပွင့်တော်မူရာ ဗောဓိပင်ကား ညောင်ကြတ်ပင်ဖြစ်ခဲ့၏။ အလုပ်အကျွေးဒါယကာ (အဂ္ဂ ဥပဋ္ဌာက)တို့ကား တပုဿနှင့် ဘလ’ိကတို့ဖြစ်ကုန်၍ အလုပ်အကျွေး ဒါယိကာမ(အဂ္ဂဥပဋ္ဌိကာ)တို့သည် သိရိမာနှင့် ကောဏာတို့ ဖြစ်ခဲ့ကြသည်။ ဒီပင်္ကရာ ဘုရားရှင်၏ အရပ်တော်မှာ အတောင်ရှစ်ဆယ် မြင့်တော်မူ၍ အလျှံတ၀င်းဝင်း ထွန်းလင်းတောက်ပသော ဆီမီးတိုင်ကြီးကဲ့သို့ လည်းကောင်း၊ ပင်လုံးကျွတ်ပွင့်သော အင်ကြင်းပင်ကြီးကဲ့သို့လည်းကောင်း တင့်တယ်တော်မူလှဘိ၏။ ဒီပင်္ကရာ မြတ်စွာဘုရား၏ ရောင်ခြည်တော်သည် ထက်ဝန်းကျင် တစ်ဆယ့်နှစ်ယူဇနာတိုင်အောင် ပကတိ အလိုလိုပျံ့နှံ့၍ ထွန်းလင်း၏။ ထိုရောင်ခြည်တော်ကို တန်ခိုးတော်ဖြင့် အထူးဖန်ဆင်းရခြင်း မရှိခဲ့ပေ။
(ဓမ္မာဘိသမယ) တရားပွဲကြီးများ ဒီပင်္ကရာ ဘုရားရှင်သည် ဘုရားဖြစ်တော်မူပြီးနောက် သုနန္ဒာရာမအရပ် မြတ်သောကျောင်းတော်၌ ဓမ္မစကြာတရားဦးကို ဟောတော်မူသော တရားပွဲ သည် ရှေးဦးစွာသော (ဓမ္မာဘိသမယ) တရားပွဲကြီး ဖြစ်ခဲ့သည်။ ထိုတရား ပွဲကြီး၌ ကုဋေတစ်ရာသော လူနတ်ဗြဟ္မာ သတ္တ၀ါတို့ သစ္စာလေးပါး တရား သိမြင် ကျွတ်တမ်းဝင်ခဲ့ကြကုန်၏။ တစ်ဖန် ဒီပင်္ကရာ ဘုရားရှင်သည် သားတော် ဥသဘက္ခန္ဓမင်းသား၏ óဏ်ရင့်ကျက်ချိန်ကို သိတော်မူ၍ သားတော်ကိုအမှူးထားကာ တရားနာရန် ရောက်လာကြကုန်သော သတ္တ၀ါတို့အား ဆုံးမဟောကြားတော်မူခဲ့သော တရားပွဲသည် ဒုတိယအကြိမ်မြောက် (ဓမ္မာဘိသမယ) တရားပွဲကြီး ဖြစ်ခဲ့သည်။ ထိုတရားပွဲကြီး၌ ကုဋေကိုးဆယ်သော လူနတ်ဗြဟ္မာသတ္တ၀ါတို့ သစ္စာ လေးပါး တရားသိမြင် ကျွတ်တမ်းဝင်ခဲ့ကြကုန်၏။ ထို့နောက်တစ်ဖန် ဒီပင်္ကရာ ဘုရားရှင်သည် အမရ၀တီမြို့တော် တံခါးဝ၌ ပေါက်ရောက်နေသော ကုက္ကိုပင်ကြီးအရင်း၌ ရေမီးအစုံအစုံသော တန်ခိုး ပြာဋိဟာတို့ကို ပြတော်မူကာ တိတ္ထိတို့ကို နှိမ်နှင်းတော်မူပြီးနောက် တာဝတိံသာနတ်ပြည်သို့ <ကသွားတော်မူခဲ့၏။ တာဝတိံသာနတ်ပြည် ပင်လယ်ကသစ်ပင်ရင်း၌ ခင်းထားအပ်သော ပဏ္ဍုကမ္ဗလာ မြကျောက်ဖျာ ထက်၌ သီတင်းသုံးတော်မူကာ မယ်တော်ဖြစ်ခဲ့ဖူးသော နတ်သားကို အမှူးထား၍ အဘိဓမ္မာတရား ဟောကြားတော်မူသော တရားပွဲသည် တတိယအကြိမ်မြောက် (ဓမ္မာဘိသမယ) တရားပွဲကြီး ဖြစ်ခဲ့သည်။ ထိုတရား ပွဲကြီး၌ ကုဋေကိုးဆယ်သော နတ်ဗြဟ္မာတို့ သစ္စာလေးပါး တရားသိမြင် ကျွတ်တမ်းဝင်ခဲ့ကြကုန်၏။
သာဝက (သန္နိပါတ) အစည်းအဝေးကြီးများ ဒီပင်္ကရာ ဘုရားရှင် လက်ထက်တော်၌ တပည့်သာဝက အစည်းအဝေးကြီး သုံးကြိမ်ဖြစ်ခဲ့သည်။ သုနန္ဒာရာမအရပ်၌ အရပ်ထက်ဝန်းကျင်မှ ကုဋေ တစ်သိန်းသော ရဟန္တာအရှင်မြတ်ကြီးများ အထူးလာရောက် စည်းဝေးခဲ့ကြသည်။ ထိုအစည်းအဝေးသည် ရှေးဦးစွာသော တပည့်သာဝက (သန္နိပါတ) အစည်း အဝေးကြီးပင် ဖြစ်ခဲ့သည်။ ဒီပင်္ကရာ ဘုရားရှင်သည် လေးသိန်းသော ရဟန်းတို့ ခြံရံလျက် ဒေသစာရီ လှည့်လည်တော်မူခဲ့ရာ နှလုံးမွေ့လျော် ပျော်ဖွယ်ရာရှိသော နာရဒကူဋ တောင်သို့ ရောက်တော်မူခဲ့၏။ ထိုတောင်ကို နရဒေ၀နတ်ဘီလူးသည် အပိုင်စား ရထား၍ ထိုတောင်၌နေ၏။ ထိုတောင်ပတ်ဝန်းကျင်ရှိ လူအပေါင်းတို့သည် ဗလိနတ်စာအလို့ငှာ လူကိုပင်ဆောင်ယူ၍ ထိုနတ်ဘီလူးကို နှစ်စဉ် မပြတ် ပူဇော်ခဲ့ကြရ၏။ ဒီပင်္ကရာဘုရားရှင်သည် ထိုလူအပေါင်းတို့၏ ရှေးကောင်းမှုကို မြင်တော်မူ၍ ကယ်တင်စောင့်ရှောက်ရန်အတွက် ရဟန်းသံဃာတို့ကို ခေါ်ဆောင်တော်မမူဘဲ တစ်ပါးတည်းသာ နာရဒကူဋတောင်ထိပ်သို့ တက်တော်မူခဲ့၏။ ထိုအခါ ဘီလူးသည် ပြင်းစွာအမျက်ထွက်၍ တောင်ကြီးကို တုန်လှုပ်စေကာ ဘုရားရှင်ကို ခြောက်လှန့်ထွက်ပြေးစေခဲ့သည်။ သို့သော် ဘုရားရှင်က လုံးဝကြောက်ရွံ့ခြင်းမရှိဘဲ ပကတိကြည်လင်စွာ သီတင်းသုံး နေတော်မူသည်ကို ဘီလူးကြီးမြင်ရသည်ရှိသော် “ဤရဟန်းကြီးကား အံ့သြဖွယ်ရှိပေစွ။ တန်ခိုးအာနုဘော် ကြီးပေစွ။ ငါပြုခဲ့သောအမှုသည် ငါ့အပေါ်သာ ကျရောက်ခဲ့ပေပြီ။ ဤရဟန်းကြီးမှတစ်ပါး ငါ့အား ကိုးကွယ်ရာ မရှိပြီ။ ဤရဟန်းကြီးကိုပင် ကိုးကွယ်ဆည်းကပ်တော့အံ့”ဟု အကြံဖြစ်ခဲ့ လေသည်။ နရဒေ၀နတ်ဘီလူးသည် တစ်ရာ့ရှစ်ကွက် စက်လက္ခဏာတို့ဖြင့် တန်ဆာဆင် တင့်တယ်တော်မူသော ဘုရားရှင်၏ ခြေတော်အစုံ၌ ဦးတိုက်ကာ လွန်ကျူးခဲ့သော အပြစ်ကို ၀န်ချတောင်းပန်၍ ဘုရားရှင်အား ဆည်းကပ် ကိုးကွယ်ခဲ့လေသည်။ ဒီပင်္ကရာဘုရားရှင်သည် နတ်ဘီလူးအား တရားဟောတော်မူခဲ့ရာ တရားတော်၏အဆုံး၌ အခြံအရံ နတ်ဘီလူးတစ်သောင်းနှင့်တကွ နတ်ဘီလူး ကြီးသည် သောတာပတ္တိဖိုလ်၌ တည်ခဲ့၏။ ထိုနရဒေ၀နတ်ဘီလူး သောတာပန် တည်သော နေ့၌ကား ဇမ္ဗူဒိပ်ကျွန်းအလုံး၌ နေကုန်သော လူတို့သည် နရဒေ၀နတ်ဘီလူးအား ပူဇော်ပွဲပြုလုပ်ရန် တစ်ရွာ တစ်ရွာမှ တစ်ယောက် တစ်ယောက်သော လူကိုလည်းကောင်း၊ ပူဇော်ဖွယ်ပစ္စည်း ၀တ္ထုတို့ကို လည်းကောင်း ဆောင်ယူခဲ့ကြကုန်၏။ နရဒေ၀နတ်ဘီလူးသည် ထိုလူတိုို့ ယူဆောင်ခဲ့သော ပူဇော်ဖွယ်ဝတ္ထုပစ္စည်းတို့ကို လူတို့အား ပြန်ပေးကာ ဗလိနတ်စာပြုရန် ဆောင်ယူခဲ့သော လူတို့ကိုကား ဘုရားရှင်အား အပ်နှင်း တော်မူခဲ့လေသည်။ ဘုရားရှင်သည် ထိုလူတို့ကို ဧဟိဘိက္ခုခေါ်တော်မူ၍ ရဟန်းပြုပေးခဲ့၏။ ထိုရဟန်းတို့ကား ခုနစ်ရက်အတွင်း၌ပင် အရဟတ္တဖိုလ်သို့ ဆိုက်ရောက်ခဲ့ကြကုန်၏။ ဒီပင်္ကရာ ဘုရားရှင်သည် နာရဒကူဋတောင်၌ပင် ရဟန္တာကုဋေတစ်ရာတို့၏ အလယ်၌ နေတော်မူကာ တပို့တွဲလပြည့်နေ့၌ အင်္ဂါလေးပါးနှင့်ပြည့်စုံသော သာဝက အစည်းအဝေးကြီးတွင် သြ၀ါဒ ပါတိမောက်ကို ပြတော်မူခဲ့သည်။ ထိုအစည်းအဝေးကြီးကား ဒီပင်္ကရာ ဘုရားရှင်၏ နှစ်ကြိမ်မြောက် သာဝက(သန္နိပါတ)အစည်းအဝေးပင် ဖြစ်ခဲ့သည်။
အခါတစ်ပါး၌ ဒီပင်္ကရာ မြတ်စွာဘုရားသည် သုဒဿနတောင်ထိပ်၌ ၀ါကပ်တော်မူခဲ့၏။ ထိုအခါ ဇမ္ဗူဒိပ်ကျွန်းနေကုန်သော လူတို့သည် နှစ်စဉ် နှစ်တိုင်း သီတင်းကျွတ်လ၌ တောင်ထိပ်ပွဲသဘင် ဆင်ယင်ကျင်းပမြဲဖြစ်ရာ သုဒဿနတောင်ထိပ်သို့ ရောက်လာခဲ့ကြကုန်၏။ ထိုလူတို့ကို တရားဟောတော်မူခဲ့၏။ ထိုလူတို့သည် ဘုရားရှင်၏ တရားတော်ကို နာရ၍ ရဟန်းပြုခဲ့ကြလေသည်။ ဘုရားရှင်သည် (မဟာပ၀ါရဏာနေ့)သီတင်းကျွတ် လပြည့်နေ့၌ ထိုရဟန်းတို့အား တရားဟောပြန်ရာ တရားတော်၏ အဆုံး၌ အရဟတ္တဖိုလ်သို့ ဆိုက်ရောက်ခဲ့ကြလေသည်။ ထိုအခါ ဒီပင်္ကရာ ဘုရားရှင်သည် ကုဋေကိုးသောင်းသော ရဟန္တာတို့နှင့်အတူ ပ၀ါရဏာ ပြုတော်မူခဲ့၏။ ထိုအစည်းအဝေးကြီးကား ဒီပင်္ကရာ ဘုရားရှင်၏ သုံးကြိမ်မြောက် သာဝက (သန္နိပါတ) အစည်းအဝေးကြီးပင် ဖြစ်ခဲ့သည်။ ဒီပင်္ကရာ ဘုရာရှင်သည် (ဓမ္မာဘိသမယ) တရားပွဲကြီး သုံးကြိမ်၊ သာဝက (သန္နိပါတ)အစည်းအဝေးကြီး သုံးကြိမ်တို့မှတစ်ပါး ရိုးရိုးတရား ဟောတော်မူရာ တစ်သောင်းသော သတ္တ၀ါ၊ နှစ်သောင်းသော သတ္တ၀ါတို့ သစ္စာလေးပါးတရားကို သိကာ ကျွတ်တမ်းဝင်ခဲ့ကြသည့်အပြင် တစ်ဦးစီ နှစ်ဦးစီသော ကျွတ်တမ်းဝင်ခဲ့ကြသည့် သတ္တ၀ါတို့ကား အမှန်းအဆ ဂဏန်း ပြ၍ မရနိုင်အောင်ပင် ဖြစ်ခဲ့လေသည်။ ဒီပင်္ကရာ ဘုရားရှင်၏ သန့်ရှင်း စင်ကြယ်သော သာသနာတော်သည် ပျံ့နှံ့၏။ လူသိများ၏။ ပြည့်စုံ၏။ စည်ကား၏။ ကောင်းစွာပွင့်လင်းသော သာသနာတော်သည် တာဒိဂုဏ်နှင့် ပြည့်စုံကာ အာသဝေါကင်းကုန်၍ ကိလေသာအညစ်အကြေး မရှိကုန်သော ရဟန္တာတို့ဖြင့် အခါခပ်သိမ်း အလွန်တင့်တယ်လျက် ရှိခဲ့လေသည်။
ပရိနိဗ္ဗာန် စံတော်မူခြင်း ဒီပင်္ကရာဘုရားရှင်သည် အနှစ်တစ်သိန်းသော ကာလပတ်လုံး တည်နေလျက် များစွာသော သတ္တ၀ါအပေါင်းတို့ကို ကယ်တင်တော်မူခဲ့၏။ မီးပုံကြီးသည် အလျှံတပြောင်ပြောင် ထွန်းပပြီး ငြိမ်းသွားသကဲ့သို့ တပည့် သာဝကများနှင့် အတူ ပရိနိဗ္ဗာန်ပြုတော်မူခဲ့သည်။ “ဒီပင်္ကရာ ဘုရာရှင်၏ တန်ခိုးတော်သည်လည်းကောင်း၊ တပည့် သာဝက လေးသိန်းစသော အခြံအရံအပေါင်းတို့သည်လည်းကောင်း၊ ခြေတော် အစုံတို့၌ပါရှိသော စက်လက္ခဏာတို့သည်လည်းကောင်း ချုပ်ဆုံး ကွယ်ပျောက် သွားခဲ့လေပြီ။ အလုံးစုံသော သင်္ခါရတရား တို့သည် ခိုင်မြဲသော အနှစ်မရှိကုန်။ အချည်းအနှီးသာ ဖြစ်ကုန်စွ တကား”
စေတီတော် တည်ထားကိုးကွယ်ခြင်း မာရ်ငါးပါးကို အောင်မြင်တော်မူသော ဒီပင်္ကရာဘုရားရှင်သည် နန္ဒာရာမ ကျောင်းတိုက်၌ ပရိနိဗ္ဗာန်ပြုတော်မူခဲ့၏။ ထိုကျောင်းတိုက်အတွင်း၌ပင် ဘုရားရှင်၏ စေတီတော်ကို တည်ထားကိုးကွယ်ခဲ့ကြရာ စေတီတော်၏ အမြင့်သည် သုံးဆယ့်ခြောက်ယူဇနာ ရှိခဲ့သည်။ သက်တော်ရှည်ကြာသော မြတ်စွာဘုရားရှင်တို့၏ ဓမ္မတာအရ အစိတ်စိတ်မကွဲ တစ်လုံးတစ်ခဲတည်း တည်ရှိသော (အသမ္ဘိန္န)ဓာတ်တော်ကို ထိုစေတီတော်ကြီးအတွင်း၌ ဌာပနာ သွင်းခဲ့ကြကုန်၏။ ဇမ္ဗူဒိပ်ကျွန်းနေကုန်သော လူတို့သည် အညီအညွတ် လာကုန်၍ ရတနာခုနစ်ပါးတို့ဖြင့် မွမ်းမံခြယ်လှယ်ကာ စေတီတော်ကြီးကို ပြီးဆုံးစေခဲ့ကြကုန်သတည်း။

Thursday, July 19, 2012

မြတ်ဗုဒ္ဓပွင့်ထွန်းခြင်း၏ ကျေးဇူးတော်အနန္တ


Bahubali ji ဘုရားရုပ်ထုတော်
 
ဗုဒ္ဓမြတ်စွာဘုရားရှင် ပွင့်ထွန်းပေါ်ပေါက်စဉ်ကာလ ဘီစီ ၆-ရာစုမှ ၅-ရာစုအတွင်း မဟာသက္ကရာဇ် ၁၀၃-ခုနှစ် ၀န်းကျင်၌ အိန္ဒိယပြည် မဇ္ဈိမဒေသတွင် အ၀တ်မ၀တ်ဘဲ နေလေ့ရှိသော တိတ္တိ တက္ကတွန်းများ ရှိကြ၏၊ သူတို့သည် ၀တ္ထုပစဏည်းများနှင့် အ၀တ်အစားများအပေါ်မှာလည်း ခင်မင်မှု, သံယောဇဉ်တွယ်တာမှု မထား ဟူသော တဖက်စွန်းအယူအဆများဖြင့် အ၀တ်မ၀တ်ကြခြင်းလည်း ဖြစ်ပေသည်။
တိတ္တိ တက္ကတွန်းတို့သည် အို, နာ, သေ, မရှိရာ အမတနိဗ္ဗာန်ကို ကိုယ့်နည်းကိုယ့်ဟန်တို့ဖြင့် အသီးသီး ရှာဖွေနေကျချိန်လည်း ဖြစ်ပေသည်၊ အချို့က အစာအငတ်ခံပြီး ကျင့်၏၊ မိမိတို့ ခန္ဓာကိုယ်ကို ပင်ပန်းဆင်းရဲအောင် ညှဉ်းဆဲခြင်းဖြင့်ကျင့်၏၊ အညစ်အကြေးများ ကုန်ခန်းသည်ဟု ယူဆသော အတ္တကိလမထ လမ်းစဉ်ဖြင့်လည်းကျင့်၏၊ အချို့မှာ ကာမဂုဏ်ကိုခံစားပြီး စိတ်အလိုလိုက်ကာကျင့်သော ကာမသုခလ္လိက လမ်းစဉ်ဖြင့်လည်း ကျင့်၏၊ ထိုစဉ် ဗုဒ္ဓဘုရားရှင်က အလယ်အလတ်လမ်းစဉ် မဇ္ဈိမပဋိပဒါ (မဂ္ဂင်ရှစ်ပါး) လမ်းစဉ်ဖြင့် အစွန်းရောက်ကျင့်စဉ် နှစ်ခုကိုပယ်ပြီး ကျင့်ပေသည်၊ ထိုခေတ်တွင် ဗုဒ္ဓနှင့်အပြိုင် ထင်ရှားသော ဂိုဏ်းဆရာကြီး ၆-ဦးတို့ ပေါ်ပေါက်ခဲ့၏၊
ထို ၆-ဦးတို့မှာ---၁။ ပုရာဏကဿပ
အမည်ရင်းမြှ ပုရာဏဖြစ်ပြီး ကဿပ-မှာ အမျိုးအနွယ်ဖြစ်သည်၊
သူသည် ကျွန်မျိုးကျွန်နွယ်ဖြစ်ပြီး ကျွန်ပိုင်ရှင်တဦး၏အိမ်တွင် နေထိုင်သော ကျွန်မတဦးက ပေါက်ဖွားလာသူ တဦးဖြစ်ပေသည်၊ ကျွန်ပိုင်ရှင်အိမ်၌ ကျွန်တရာပြည့်ရန် တယောက်လိုနေချိန်တွင်မှ မွေးဖွားလာသူ ဖြစ်ပေသည်၊ ကဿပ-ကို မွေးဖွားလာ၍ ကျွန်တရာပြည့်သွားသောကြောင့် ပုရာဏ (ရာပြည့်)ဟု အမည်တခု ထပ်မံတွင်သွား ပြန်သည်။
ကျွန်ပေါင်းတရာပြည့်တွင် ထူးထူးခြားခြား မွေးဖွားလာသောကြောင့် မင်္ဂလာရှိသောကျွန်အဖြစ် သတ်မှတ်ကာ အခိုင်းအစေမခံရပဲ ချမ်းချမ်းသာသာထားခြင်းကို ခံရပေသည်၊ သို့သော် သူသည် ကျွန်ပိုင်ရှင်အိမ်တွင် မနေလို၍ ထွကင်ပြေးရာ လမ်းတွင် ခိုးသားဓားပြများနှင့်တွေ့သည်၊ ပါလာသော အ၀တ်အစားများနှင့် ပစ္စည်းများ အလုခံ လိုက်ရ၏၊ ထို့ကြောင့် ပုရာဏကဿပသည် အ၀တ်မပါ ၀တ်လစ်စလစ်ဖြင့် သွားလာနေရာမှ ရွာတရွာအရောက်တွင် ရွာသူရွာသားများက ရဟန္တာအမှတ်ဖြင့် ပူဇော်ခြင်းကိုခံရဟည်၊ ထိုမှစ၍ အ၀တ်မ၀တ်တော့ပဲ ဂိုဏ်းဆရားကြီးတဦးအဖြစ် ဘ၀ကို ရပ်တည်လာသူဖြစ်သည်။
သူ၏အယူဝါဒမှာ အကိရိယ၀ါဒ-အကြောင်းကံကိုပယ်သော အယူဖြစ်သည်။
ဤအယူဝါဒသည် မည်သည့် ကာယက့, ၀စီကံ, မနောကံဖြစ်စေ၊ ကုသိုလ်ကံဖြစ်စေ၊ အကုသိုလ်ကံဖြစ်စေ၊ မြတ်သောကံဖြစ်စေ၊ ယုတ်သောကံဖြစ်စေ၊ ကောင်းမှု မကောင်းမှုပြုသော်လည်း ပြုသည်မမည်၊ ပြုရာမရောက် ဟု ယူသောအယူဖြစ်သည်။ ကံသီး, ကံပွင့်, ကံကျိုးမည်သည် မရှိဆိုသော အယူဝါဒဖြစ်သည်၊ ကုသိုလ်လည်း မဖြစ်, အကုသိုလ်လည်းမဖြစ်သော အယူကို စွဲကိုင်ထားသည်။
၂။ မက္ခလိဂေါသာလ
နွားခြံတွင်း၌ မွေးဖွားလာသူဖြစ်၍ ဂေါသာလ-ဟု အမည်တွင်သည်၊
သူလည်း ကျွန်မျိုးကျွန်နွယ်ပင် ဖြစ်သည်၊ သူသည် ချောသောမြေပြင်မှ ဆီအိုးကိုယူလာစဉ် သခင်ဖြစ်သူက `ချော်မလဲစေနဲ့´(မာခလိ)`ု သတိပေးနေစဉ်မှာပင် ဆီအိုးကျ၍ ကွဲသွား၏၊ ထို့ကြောင့် သခင်ရိုက်မည်စိုး၍ ထွက်ပြေးရာ သခင်က ပုဆိုးစကို ဆွဲထားသဖြင့် ပုဆိုးကိုချွတ်၍ ထွက်ပြေးရင် အောက်ပိုင်းဗလာဖြင့် ရွာတရွာသို့ ရောက်သွားသည်၊ သူ့ကို ရွာသူရွာသားတို့က ရဟန္တအမှတ်ဖြင့် ကိုးကွယ်ရာမှ ဂိုဏ်းဆရာကြီးတဦး ဖြစ်လာပြန်သည်။
သူ၏အယူဝါဒမှာ အဟေတုက၀ါဒ-သူ့အချိန်ကျလျှင် ချမ်းသာကြ, ဆင်းရဲကြရသော အယူဖြစ်သည်။
ဤအယူဝါဒသည် ကြောင်းကျိုးနိယာမကို လုံးဝငြင်းပယ်သော မိစ္ဆာဒိဋ္ဌိအယူဖြစ်သည်၊ သက်ရှိ်သက်မဲ့ ဖြစ်ရပ် အားလုံးတို့သည် အကြောင်းအကျိုးဘေကာင့် ဖြစ်နေကြသည်မဟုတ်၊ ကြုံကြိုက်သလိုတိုက်ဆိုင်၍သာ ဖြစ်နေကြသည်၊ ကောင်းမှုကံ မကောင်းမှုကံမရှိ-ဟူသော အယူဝါဒဖြစ်သည်။ ရုပ်နာမ်တရားတို့သည် အကြောင်းမရှိဘဲ ဘာသိဘာသာ ဖြစ်ပေါ်လာသည်ဟူသော အယူမှားမျိုးပင် ဖြစ်သည်။
၃။ အဇိတကေသကမ္ဗလ
အမည်ရင်းမှာ အဇိတ ဖြစ်သည်၊ သူသည် လောဘအလိုနည်းသူ, လေဘမရှိသူဖြစ်ကြောင်း လူအများထင်ရန် အတွက် လူတို့၏ဆံပင်ကို ကမ္ဗလာသဖွယ် ၀တ်ရုံလုပ်၍ ၀တ်သောကြောင့် ကေသကမ္ဗလဟုခေါ်ရာမှ အမည်ဟောင်းပါ ပေါင်းစပ်ပြီး အဇိတကေသကမ္ဗလ-ဟု အမည်တွင်သော ဂိုဏ်းဆရာကြီးဖြစ်လာသည်။
သူ၏အယူဝါဒမှာ နတ္ထိက၀ါဒ-အကျိုးဝိပါက်ကို ပယ်သောအယူဖြစ်သည်။
ကောင်းမှုကံလည်း အကျိုးမရှိ၊ မကောင်းမှုကံလည်း အကျိုးမရှိ၊ အကြောင်းအကျိုးကိုငြင်းပယ်သော အယူဝါဒ ဖြစ်သည်၊ ကောင်းသောကံ ဖြစ်ဖြစ်၊ မကောင်းသောကံ ဖြစ်ဖြစ်၊ ဘာအဓိပ္ပါယ်မှ မရှိ၊ ဘာမျှလည်း ဖြစ်စရာမရှိ-ဟု ယူဆသည်၊ အကြောင်းအကျိုးဆက်ကိုလည်း ငြင်းပယ်ရာကျသည်၊ ဤမိစ္ဆာဒိဋ္ဌိကံသည် ပဉ္စာနန္တရိယကံကြီး ထိုက်သူထက် ဆိုး၏။
၎။ ပကုဓကစ္စာယန
အမည်ရင်းမှာ ပကုဓဖြစ်သည်။
စိတ်ဆိုးလွယ်သူ ဒေါသကြီးသူ-ဟု အဓိပ္ပါယ်ရသော အမည်ပင်ဖြစ်သည်။
ကစ္စာယနမှာ သူ၏အမျိုးအနွယ်ဖြစ်၏၊
သူ၏အယူဝါဒမှာ သတ္တကာယ၀ါဒဖြစ်၍ ပထ၀ီ, အာပေါ, တေဇော, ၀ါယော, သုခ, ဒုက္ခ,နှင့်ဇီဝဟူသောကာယ ခုနစ်ပါးအယူကို ဟေပြောသည်။
၅။ သဉ္စယဗေလဋ္ဌပုတ္တ
အမည်ရင်းမှာ သဉ္စယဖြစ်သည်။ စုဝေးရာဟု အဓိပ္ပါယ်ရသဖြင့်အတတ်ပညာပေါင်းစုံ စုဝေးရာ, အတတ်ပညာများ ပြာ့်စုံသောဆရာကြီးဟု ဆိုလိုသည်။ဖခင်မှာ ဗေလဋ္ဌဖြစ်၍ သူ့အား ဗေလဋ္ဌပုတ္တ-ဟု ခေါ်ဝေါ်ကြ၏၊ သဉ္စယ အမည်ရင်းနှင့်ပေါင်းကာ သဉ္စယဗေလဋ္ဌပုတ္တ-ဟု အမည်တွင်သူဖြစ်ပေသည်၊ သဉ္စယမှ သိဉ္စည်းအမည်နှင့် ထင်ရှားသူလည်းဖြစ်ပေသည်၊ အစဦးပိုင်းတွင် အရှင်သာရိပုတ္တရာ အရှင်မောဂ္ဂလ္လာန် အပါအ၀င် တပည့်ငါးရာ တို့၏ ဆရာကြီးလည်းဖြစ်သည်။
သူ၏အယူဝါဒမှာ အမရာဝိက္ခေပ၀ါဒ-ငါးရှဉ့်ကဲ့သို့ အဖမ်းရခက်သော (၀ါ) မည်သည့်အယူဟု ဖော်ပြရန် ခက်ခဲသောအယူ
(က) မုသားကြောက်၍ စကားကို ရှောင်လွှဲပြောဆိုခြင်း။
(ခ) စွဲလမ်းမှု ဥပါဒါန်ကြောက်၍ လွှဲပြောခြင်း။
(ဂ) ပညာရှိများ စစ်မေးမည်ကိုကြောက်၍ လွှဲပြောခြင်း။
(ဃ) ညံ့ဖျင်းထုံအခြင်း အကြောင်းကြောင့် စကားကို ရှောင်လွှဲတိမ်းရှောင်ခြင်းတို့ဖြစ်သည်။
အမရာဝိက္ခေပ လေးမျိုးလုံး၌ သူတပါးက မေးမည်ကို မသိ၍ ရှောင်လွှဲနေခြင်းသာ ဖြစ်သည်။
ရှောင်နေရုံမျှတော့ မိစ္ဆာဒိဋ္ဌိအယူတော့ မဖြစ်ပေ၊ ငါ့မှာ မုသားဖြစ်လိမ့်မည်၊ ငါ့မှာ ဥပါဒ်ဖြစ်လိမ့်မည်၊ ငါ့ကို စစ်ကြော စစ်မေးကြလိမ့်မည်ဟု ငါဟူသောအတ္တစွဲ ရှီနေ၏၊ ထိုအတ္တစွဲကြောင့် မိစ္ဆာဒိဋ္ဌိအယူရှိသည်ဟု ဆိုရပေသည်၊ မသိသည်ကို မသိဟု ရိုးရိုးမနေပဲ ရှောင်လွှဲ၍ ဖြေဆိုမှုကိုပင် အကောင်းဟု စွဲစွဲမြဲမြဲ သဘောကျနေသောအယူတမျိုးဖြစ်သည်။
၆။ နိဂဏ္ဍနာဋပုတ္တ
ဂျိန်ဘုရားတဦး ဖြစ်သည်။
သူ၏ဂိုဏ်းသည် ပိဋကတ်တွင် နိဂဏ္ဍဂိုဏ်းဟု ထင်ရှားသည်၊ ကိလေသာအနှောင်အဖွဲ့ မရှိ-ဟု အဓိပ္ပါယ်ရသည်၊ ထိုဂိုဏ်းဝင်သူတိုင်း နိဂဏ္ဍဟု အမည်ရကြ၏၊ နာတိကရွာကို အပိုင်စားရသော နာဋ၏သားဖြစ်၍ နိဂဏ္ဍနာဋပုတ္တ-ဟု ခေါ်ဝေါ်ကြ၏။
သူ၏အယူဝါဒမှာ ကြမ္မာဝါဒ-ကံဟောသ်းကုန်က မောက္ခရနိုင်သည်ဟူသော အယူဝါဒကို ဟောပြော၏၊ ကံဟောင်းကုန်ပါက ဘ၀မှလွတ်မြောက်ခြင်းပင် ဖြစ်ပေသည်၊ ယခုအချိန်အထိ အိန္ဒိယပြည်တွင် ဂျိန်ဘာသာအဖြစ်ဖြင့် ထင်ရှားနေသေးသည်၊ အ၀တ်မ၀တ်ဂိုဏ်းနှင့် အ၀တ်ဖြူဝတ်ဂိုဏ်းဟူ၍ ဂိုဏ်၂-ဂိုဏ်း ရှိသည်။
သိဒ္ဓတ္ထမင်းသား-
အမည်ရင်း သိဒ္ဓတ္ထ-အမျိုးအနွယ်မှာ သာကီဝင် မင်းမျိုးမင်းနွယ်၊ မာဂဓတိုင်း ကပ်လ၀တ်ပြည်၌ သုဒ္ဓေါဒနဘုရင်မင်းမြတ်၏ တောင်ညာစံဒေ၀ီ မဟေသီ မာယာဒေ၀ီ မိဖုယားမှ မဟာသက္ကရာဇ် ၆၈၊ ကဆုန်လပြည့် သောကြာနေ့တွင် ဖွားမြင်တော်မူသည်၊ ၆-နှစ်တိုင် တရားကျင့်ပြီးနောက် သဗ္ဗညုတဉာဏ်တော်ကို ရရှိကာ ဘုရားဖြစ်လာတော်မူခဲ့သည်။
ဖော်ပြပါဂိုဏ်ဒဆရာကြီး ၆-ဦးတို့သည် မိမိကိုယ်ကို မိမိတို့ သဗ္ဗညုဘုရားဟု ၀န်ခံပြီးဟောပြောနေခဲ့ကြသည်၊ မဟာသက္ကရာဇ် ၁၀၃-ခုနှစ် ကဆုန်လပြည့် ဗုဒ္ဓဟူနေ့တွင် ဗုဒ္ဓဂေါတမဘုရား ပွင့်ထွန်းပေါ်ပေါက်လာသည်။ ထိုအခါတွင်မှ ဂိုဏ်းဆရာကြီး ၆-ဦးသည် ဗုဒ္ဓမြတ်စွာဘုရားရှင်၏ သီလ သမာဓိ ပညာများကို မယှဉ်ပြိုင်နိုင်ကြပဲ တဖြည်းဖြည်းနဲ့ မှေးမှိန်သွားတော့သည်။ ဗုဒ္ဓ၏အယူဝါဒမှာ အနိစ္စ ဒုက္ခ အနတ္တတရားနှင့် အကြောင်းအကျိုးဆက် တရားတော်များ ဖြစ်သည်၊ အကြင်သာသနာတော်၌ အရိယာအဖြစ်ကို ပြုနိုင်သော မဂ္ဂင်ရှစ်ပါး အကျင့်တရားရှိ၏၊ ထိုသာသနာတော်၌ သောတာပန် သကဒါဂါမ် အနာဂါမ် ရဟန္တာဟူသော ပုဂ္ဂိုလ်လေးမျိုးကို ရနိုင်သည်၊ တိတ္တိတို့ ဟောပြောသောတရားတို့သည် မဂ္ဂင်ရှစ်ပါးလမ်းစဉ် မရှိ၊ အရိယာအဖြစ်ကို ပြုတတ်သောတရားမရှိ၊ သစ္စာလေးပါးတရားကို သိနိုင်သော ရဟန္တာမျိုးတို့မှ ကင်းဆိတ်ကြကုန်၏။
ဤငါဘုရားသာသနာတော်၌ ဘိက္ခုအမည်ခံသော ပုဂ္ဂိုလ်တို့သည် မဂ္ဂင်ရှစ်ပါး အကျင့်တရားကိုကျင့်၍ ကောင်းစွာအားထုတ်လျှင် ဤကမ္ဘာလောကကြီးသည် ရဟန္တာများကို အမြဲပင် မြင်တွေ့နိုင်သည်ဟု မဟာသက္ကရာဇ် ၁၄၈-ခုနှစ် ကဆုန်လပြည့် အင်္ဂါနေ့ သန်းခေါင်ယံ အရုဏ်မတက်မီ ပရိနိဗ္ဗာန်စံဝင်ခါနီး၌ သုဘဒ္ဒပရိဗိုဇ်အား ဟောကြားသွားတော်မူခဲ့သည်။

Monday, July 16, 2012

ချမ်းသာလိုက နှလုံးသွင်းမှန်ကြ

အားလုံးသိကြတဲ့အတိုင်း ကြည့်ရှုခံစားစရာ အဆင်းတကာတို့ထဲတွင် ယောက်ျားတို့၏ စိတ်ကို သိမ်းပိုက် ယူငင် စိုးမိုးနိုင်ဆုံးသော အဆင်းမှာ မိန်းမတို့၏ အဆင်းဖြစ်တယ်။ မိန်းမတို့၏ စိတ်ကို သိမ်းပိုက် ယူငင် စိုးမိုးနိုင်ဆုံးသော အဆင်းမှာ ယောက်ျားတို့၏ အဆင်းသာလျှင်ဖြစ်တယ်။

အသက်အရွယ်အားဖြင့် နုပျို၊ ကျန်းးမာရေးအားဖြင့် ကောင်းမွန်သော ယောက်ျားတို့ဟာ နုပျိုလှပ ချစ်စဖွယ်ကောင်းသော မိန်းမတို့၏ အဆင်းကို ကြည့်ရှုရသော အခါ ကာမဂုဏ်ကို ခံစားလိုတဲ့ ဆန္ဒတို့ဖြစ်ပေါ်တတ်ပါတယ်။ မိန်းမတို့ အနေနဲ့လည်း ထို့နည်းတူ ခံစားမှုတို့ ဖြစ်ပေါ်ကြမှာပါပဲ။ ကိလေသာအားဖြင့်တော့ ရာဂ ကိလေသာတို့ ဖြစ်ပေါ်တယ်၊ နီဝရဏ အားဖြင့်တော့ ကာမစ္ဆန္ဒနိဝရဏတို့ ဖြစ်ပေါ်တယ်- လို့ဆိုရပါမယ်။

အဲဒီဖြစ်စဉ်တွေကနေ အကြောင်းအကျိုးဆက်နွယ်လို့ တခါတရံမှာ ကျော်မကောင်းကြားမကောင်းတဲ့ အမှု အခင်းတို့ ဖြစ်ပွားတတ်တယ်။ သဘာဝတရားရဲ့ မျက်နှာသာပေးမှုကြောင့် အဲဒီဖြစ်စဉ်မှာ ယောက်ျားတို့က မိန်းမတို့ကို အနိုင်ကျင့်မှုတွေ ပြုတတ်ကြပါတယ်။ မိန်းမတို့က ယောက်ျားကို အနိုင်ကျင့်ခြင်းဆိုတာကတော့ ရှိချင်လည်း ရှိပါလိမ္မယ်။ ဒါပေမဲ့ မရှိသလောက်ရှားပါတယ်။

ခေတ်အဆက်ဆက် လူသားတွေဟာ အဲဒီဖြစ်စဉ်ရဲ့ အကျည်းတန်မှုကို နားလည်ကြတယ်။ ဒါဟာ မကောင်းမှုကြီးဖြစ်တယ်၊ တားမြစ်ဖို့လိုအပ်တယ်လို့ အများအားဖြင့် သဘောပေါက်ကြတယ်။ ဒါပေမဲ့ သင့်တင့် မှန်ကန်တဲ့ နည်းလမ်းကို မသိသူက များတယ်။

အချို့က အဲလိုဖြစ်စဉ်တွေဖြစ်ပေါ်မှုကို ဝေဖန်သုံးသပ်ရာမှာ နှစ်လိုဖွယ်ကောင်းသော မိန်းမတို့၏ အဆင်း၌သာ အပြစ်ရှိတယ်လို့ ယူဆကြတယ်။ အဲဒါကြောင့် မိန်းမတွေကို အလွန်အမင်း လုံခြုံစွာဝတ်ဆင်စေရမယ်လို့ ပညတ်တယ်။ ပြဿနာက အေးသွားသလား ဆိုတော့ မအေးပါဘူး။ အကြောင်းကြောင်းကြောင့် လုံခြုံစွာ ဖုံးအုပ်မထားတဲ့ မိန်းမတို့ရဲ့ အဆင်းကိုတွေ့ရရင် ယောက်ျားတို့က ငါတို့မှာ ဘာမှ အပြစ်မရှိဘူး။ လုံခြုံစွာဖုံးအုပ်မထားတဲ့ အဆင်းမှာသာလျှင် အပြစ်ရှိတယ်ဆိုပြီး ရဲရဲဝံ့ဝံ့ အနိုင်ကျင့်ဖို့ဖြစ်လာတယ်။ သဘာဝတရားက မျက်နှာသာပေးထားတဲ့ ယောက်ျားတို့ကို လွဲမှာတဲ့ သုံးသပ်ချက်က ထပ်ပြီး မျက်နှာသာပေးလိုက်ပြန်တယ်။ မိန်းမတို့ရဲ့ ဘဝဟာ ပိုပြီး လုံခြုံမှုနည်းသွားတယ်။

အချို့ကတော့ မြင်တတ်တဲ့ မျက်လုံးမှာသာ အပြစ်ရှိတယ်လို့ မှတ်ယူကြတယ်။ အဲဒါကြောင့် ယောက်ျားတွေကို ထွေရာလေးပါး လျှောက်မကြည့်ဖို့ ပညတ်တယ်။ အမှန်တကယ် ကင်းအောင် နေနိုင်ရင်တော့လည်း ဒီနည်းက မဆိုးပါဘူး။ ဒါပေမဲ့ ယောက်ျားများနှင့် မိန်းမများ ဘယ်လိုမှ ကင်းရှင်းအောင် နေလို့မရတဲ့ လူ့လောကဆိုတော့ မတွေ့မြင်အောင် ထိန်းသိမ်းထားရာကနေ အထောက်အပံ့ အကြောင်းတရားတွေ အစစအရာရာ ညီညွတ်လို့ တွေ့မြင်လိုက်ရရင်တော့ အထူးအဆန်း အာရုံဖြစ်လို့မို့ ထိမ်းမနိုင်သိမ်းမရ ဖြစ်သွားတတ်ပါတယ်။

ဗုဒ္ဓဝါဒအရတော့ အဲဒီတရားတွေနဲ့ ပတ်သက်လို့ သင့်တင့်သော နှလုံးသွင်းမှု ရှိဖို့သာ လိုတယ်လို့ ပြောရမယ်။ ကြည့်ရှုခံရသူရဲ့ အဆင်းအာရုံမှာလည်း အပြစ်မရှိဘူး၊ ကြည့်မြင်သူရဲ့ မျက်လုံးမှာလည်း အပြစ်မရှိဘူး။ မှန်ကန်စွာ နှလုံးသွင်းတတ်ဖို့သာလိုတယ်။ မှန်ကန်စွာ နှလုံးမသွင်းတတ်လို့သာ သူတော်ကောင်းတို့ ကဲ့ရဲ့အပ်သော၊ ကျော်မကောင်းကြားမကောင်းသော ဖြစ်စဉ်တွေဖြစ်ပွားရတယ် လို့ဆိုတယ်။

မှန်ကန်စွား နှလုံးသွင်းနည်းကို ကျွန်တော်နားလည်ထားသလို ရှင်းကြည့်ပါဦးမယ်။ (နားလည်တတ်ကျွမ်းသူများ စာရေးသူ့ စကားက ဗုဒ္ဓဝါဒကို ဆန့်ကျင်နေရင် တိမ်းစောင်းနေရင် ပြုပြင်တည့်မတ်ပေးကြပါ။)

ကမ္မဋ္ဌာန်းနည်းအရတော့ ရာဂကိလေသာကို ကောင်းစွာနှိမ်နှင်းနိုင်တာ အသုဘ ကမ္မဋ္ဌာန်းဖြစ်တယ်။ လွန်စွာတင့်တယ် ရှုချင်ဖွယ်ကောင်းတဲ့ မိန်းမတို့ရဲ့ အဆင်းကို အသုဘ ကမ္မဋ္ဌာန်းအဖြစ် ပြောင်လဲ ရှုမြင်ရမယ်ဆိုတော့ တော်တော်လေးတော့ ခက်ခဲသလိုဖြစ်သွားမယ်။ တကယ်တော့ ဗုဒ္ဓစာပေထွန်းကားရာ မြန်မာပြည်က လာသူမှန်ရင် အပုပ်ကောင်ရုပ်ဆောင်ထားတယ် ဆိုတဲ့ စကားကို ရင်းနှီးကြမှာပါ။ ၃၂-ကောဋ္ဌာသသော ရွံစဖွယ် တွေကို တွေးတော ဆင်ခြင်လိုက်ပါ။ ဘယ်လောက်ပဲ ချစ်စရာကောင်းတဲ့ မိန်းမဖြစ်ပါစေ၊ ၃၂-ကောဋ္ဌာသသော တရားတို့နဲ့ မကင်းကြပါ။ အပုပ်ကောင် ရုပ်ဆောင်ထားတာဖြစ်ကြောင်းကို ပေါ်လွင်အောင် ရှုမြင်ဆင်ခြင်လိုက်ပါ။ ဘယ်လို ရာဂကိလေသာမျိုးမှ ဝင်နိုင်မှာ မဟုတ်တော့ပါဘူး။

ဝိပဿနာနည်းအရ ဆိုရင်တော့ မိန်းမတို့ရဲ့ အဆင်းကို ရူပါရုံ ကြည့်ရှုစရာ အာရုံဖြစ်တယ်လို့ပဲမြင်လိုက်ပါ။ အဲဒီနောက်မှ ဆက်ပြီး ဗုဒ္ဓရှင်တော် ဓာတ်ခွဲပြခဲ့သလို၊ ဘယ်လောက်ပဲ တင့်တယ် နေသော်လည်း ရုပ်နာမ်တရားတို့သာဖြစ်တယ်၊ ခန္ဓာ ၅-ပါးတို့သာဖြစ်တယ်၊ ဓါတ်ကြီးလေးပါးတို့သာဖြစ်တယ်၊ ခဏဖြစ်လျက်, ခဏတွင်းပျက်နေကြတဲ့ မက်မောစရာ လုံးဝမရှိသော ဒုက္ခသစ္စာသဘောသာလျှင်ဖြစ်တယ် ဆိုတာကို နားလည်အောင် ရှုပွားဆင်ခြင်လိုက်ပါ။ ဘယ်လို တဏှာ၊ ဘယ်လိုရာဂမှ ဝင်လာမှာ မဟုတ်တော့ပါဘူး။

အထက်က ၂-နည်းကတော့ နှလုံးသွင်းမှန်ခြင်း တည်းဟူသော အတွေးအခေါ် ဉာဏ်ပညာ နဲ့ ထိန်းသိမ်းစောင့်ရှောက်တဲ့၊ လွန်စွာ စိတ်၏ချမ်းသာခြင်း ကိုယ်၏ချမ်းသာခြင်းကို ဖြစ်စေတဲ့ နည်းလမ်းဖြစ်ပါတယ်။ အတိုင်းအတာတစ်ခု အနေနဲ့ သိလွယ် မြင်လွယ်တဲ့ ထက်မြက်တဲ့ ဉာဏ်အမြင်တော့ ရှိဖို့လိုပါတယ်။

အဲဒီလို ဉာဏ်အမြင်မရှိသူများအတွက်လည်း သင့်တင့်လျောက်ပတ်တဲ့ ထိန်းသိမ်းနည်းက ဗုဒ္ဓဝါဒမှာ ရှိပါသေးတယ်။ မိမိနဲ့ တရားဝင် လက်ထပ်ထိမ်းမြားထားသူ ဇနီးမယား မဟုတ်ပါက ကာမဂုဏ်မှု မကျူးလွန်သင့်ကြောင်းကို ဒုစရိုက်တရား ၁၀-ပါးနဲ့၊ ၅-ပါးသီလတို့မှာ ဖော်ပြထားပါတယ်။ ဒီအမှုဟာ ဒုစရိုက်ဖြစ်တယ်၊ သူတော်ကောင်းတို့ ကဲ့ရဲ့အပ်တယ်၊ လက်တွေ့အကျို, သံသရာ အကျိုးကို ထိခိုက်စေနိုင်တယ်ဆိုတာ တွေကို သဘောပေါက်ပြီး အကုသိုလ်ဒုစရိုက်အမှုတို့ကို ပြုလုပ်ရန် ရှက်ခြင်း၊ ကြောက်ခြင်း ဆိုတဲ့ လောကစောင့်တရား ၂-ပါးကို ကောင်းစွာ ထိန်းသိမ်းခြင်းဖြင့်လည်း ကာကွယ်နိုင်ပါတယ်။ ဒီနည်းကတော့ ရှက်လို့၊ ကြောက်လို့သာ မကျူးလွန်ရတယ် လိုချင်ခြင်း တဏှာ နဲ့ ရာဂ ကိလေသာ တန်းလန်းကြီး ကျန်နေတာကြောင့် အလိုမပြည့်ခြင်းဆိုတဲ့ စိတ်ဆင်းရဲခြင်းတော့ ခံစားရနိုင်ပါတယ်။ လူကြားမကောင်းသော ဖြစ်စဉ်တို့မှ ကင်းဝေးသည်မှန်သော်လည်း မှန်ကန်စွာ နှလုံးသွင်းပြီး ကိလေသာ ပါးအောင် ကျင့်တဲ့နည်းလောက်တော့ ချမ်းသာနိုင်မှာ မဟုတ်ပါဘူး။

ဖော်ပြပါ ပြဿနာမှာ…
၁) လှပတင့်တယ်သော မိန်းမတို့၏ အဆင်း၌သာ အပြစ်ရှိတယ်၊ မိန်းမတွေ အထူးလုံခြုံစွာ ဝတ်ဆင်ရမယ်ဟု ဆိုခြင်း
၂) ထွေရာလေးပါး မျက်လုံးကစားတတ်သော ယောက်ျားတို့၌သာ အပြစ်ရှိတယ်၊ ယောက်ျားတွေ မျက်လုံးအိနြေ္ဒကို ထိန်းသိမ်းရမယ်ဟု ဆိုခြင်းတို့ဟာ

အတွေးအခေါ် ဉာဏ်အမြင် အလွန်နည်းပါးသူတို့ရဲ့ အဆိုများသာဖြစ်ပါတယ်။

ဖြစ်စဉ်ပေါ်မှာ အကျိုးတရား၏ အဆိုးကိုသာမြင်တယ်။ အကြောင်းတရားက ဘာလဲဆိုတာကို မှန်မှန်ကန်ကန် မသုံးသတ်နိုင်လို့ တောင်တောင်အီအီ ထင်ရာတွေး၊ ထင်ရာပြောခဲ့ခြင်းမျှသာ ဖြစ်ပါတယ်။ အစစ်အမှန် ကြောင်းတရားကို မမြင်တော့ မိမိမြင်သော အကျိုးတရားကိုသာ အတင်းချိုးနှိမ်ဖို့ အားထုတ်ခြင်းမျှသာဖြစ်တယ်။ ဘာနဲ့တူသလဲ ဆိုရင် နံရံထောင့်ကွေးတစ်နေရာမှာ လှောင်ပိတ်ပီး တုတ်ချောင်းလေးနဲ့ ထိုးဆွခံနေရတဲ့ ခွေးသူငယ်နဲ့တူပါတယ်။ ခွေးငယ်လေးခမျာ အဓိကအကြောင်းတရားဖြစ်သော ထိုးဆွနေသူကို သတိမမူမိ၊ တုတ်ချောင်းထိပ်ဖျားလေးကိုသာ အဓိက အကြောင်းထင်ပြီး ဒေါသတကြီး ကိုက်ခဲနေမိတဲ့ အဖြစ်မျိုးနဲ့ ဆင်တူနေပါတယ်။

လှပတင့်တယ်သော အဆင်းကြောင့် ဖြစ်ပေါ်လာသော မက်မောခြင်း ရာဂကိလေသာကို အပြစ်အဖြစ် မြင်သော်လည်း၊ အကျည်းတန်လှသော ရွံစဖွယ်၊ ကြောက်စဖွယ် အဆင်းတို့ကြောင့် ဖြစ်ပေါ်လာတတ်သော စိတ်ဆိုးခြင်း၊ ကြောက်ရွံ့ခြင်း ဒေါသကိလေသာကို ဖြေရှင်းရန်နည်းလမ်း မပါလာပါ။ လှပတင့်တယ်သော အဆင်းကြောင့် ဖြစ်ပေါ်တတ်သော ရာဂကို နှိမ်နှင်းရန် နည်းလမ်းကို ရှာကြံထားသော်လည်း၊ သာယာနာပျော်ဖွယ် အသံကြောင့် ဖြစ်ပေါ်တတ်သော ရာဂကိလေသာကို ကာကွယ်ရန်နည်းလမ်းမရှိပါ။ ထို့ကြောင့် အထက်ဖော်ပြပါ နည်း လမ်းများဖြင့် ပြဿနာကို ဖြေရှင်းရန်အားထုတ်ခြင်းမှာ အင်္ဂါမစုံသော နည်းလမ်းများသာ ဖြစ်ပါတယ်- လို့ဆိုရပါမယ်။

ဗုဒ္ဓဝါဒကတော့ ပြည့်စုံပါတယ်။ ပညာသားပါသော ဖြေရှင်းနည်းလို့လည်း ဆိုရပါမယ်။

အလွန်တရာ ဆူးငြောင့်ခလုပ် ပေါများတဲ့ ယာကွင်းပြင်ကြီးတစ်ခုမှာ အလုပ်လုပ်ဖို့လိုအပ်တဲ့ ယောက်ျားတစ်ယောက်ဟာ ဆူးတစ်ချောင်းချင်းကို သားရေပြားလိုက်အုပ်ပေးထားမှ လုပ်ငန်းခွင်ဝင်မယ်ဆိုရင် လူရယ်ချင်စရာ အတွေးအခေါ်သာဖြစ်ပါလိမ္မယ်။ မိမိချေထောက်မှာ ဆူးမဖောက်နိုင်သော လုံခြုံတဲ့ ခိုင်မာတဲ့ ဖိနပ်ကို စီးပြီး လုပ်ငန်းခွင်ဝင်ခြင်းသာ ပြုလုပ်သင့်ပါတယ်။ လုံခြုံတဲ့ ခိုင်မာတဲ့ ဖိနပ်ကိုစီးထားလိုက်တော့ ဆူးငြောင့်ခလုပ်သာမက၊ မစင်ပုံများ၊ မြွေများကင်းများရဲ့ အန္တရာယ်မှလည်းကာကွယ်ပြီးဖြစ်သွားပါတယ်။

ထို့နည်းတူ တင့်တယ်သောအဆင်းအပေါ် မှန်ကန်စွာ နှလုံးသွင်းတတ်ဖို့ လေ့ကျင့်ထားသူဟာ မတင့်တယ်သော အဆင်းနဲ့ တွေ့လျှင်လည်းကာကွယ်ပြီးဖြစ်ပါတယ်။ သာယာဖွယ်အသံ၊ ကောင်းမွန်သော အနံ့၊ နူးညံ့သော အထိအတွေ့တို့ကိုလည်း အစရှိသဖြင့် အခြားအခြားသော အာရုံအမျိုးမျိုးကိုလည်း မှန်ကန်စွာ နှလုံးသွင်းတတ်လို့မို့ ဘယ်လိုနည်းနဲ့မှ အကုသိုလ်တရားတွေ ဝင်လာနိုင်မှာ မဟုတ်တော့ပါဘူး။

နေ့စဉ်နှင့်အမျှ တွေ့ကြုံနေရသော အရုံအမျိုးမျိုးပေါ် သင့်တော်မှန်ကန်အောင် နှလုံးသွင်းဆင်ခြင်နိုင်ကြပါစေ။
အကုသိုလ်တွေဝေးလို့၊ ကုသိုလ်တရား အမျိုးမျိုးမွေးမြူနိုင်ကြပါစေ။

အင်္ဂုတ္တရ နိကာယ၊ ဧကက နိပါတ်၊ ဝီရိယာ ရမ္ဘာဒိဝဂ် မှ မှန်ကန်စွာ နှလုံးသွင်းခြင်းနှင့်ဆိုင်သော တရား တစ်ပိုဒ်ကို ကူးယူဝေမျှလိုက်ပါတယ်။


ရဟန်းတို့ ဤသင့်လျော်သော အကြောင်းအားဖြင့် နှလုံးသွင်းခြင်း ‘ယောနိသော မနသိကာရ’ တရားသည် မဖြစ်ပေါ်သေးသော ကုသိုလ်တရားတို့၏လည်း ဖြစ်ပေါ်ကြောင်း၊ ဖြစ်ပေါ်ပြီးသော အကုသိုလ်တရားတို့၏လည်း ဆုတ်ယုတ်ကြောင်း ဖြစ်သကဲ့သို့၊
ဤအတူ မဖြစ်ပေါ်သေးသော ကုသိုလ်တရားတို့၏လည်း ဖြစ်ပေါ်ကြောင်း၊ ဖြစ်ပေါ်ပြီးသော အကုသိုလ်တရား တို့၏လည်း ဆုတ်ယုတ်ကြောင်း ဖြစ်သော အခြားတစ်ခုသော တရားကို ငါမမြင်။ ရဟန်းတို့ သင့်လျော်သော အကြောင်းအားဖြင့် နှလုံးသွင်းသော သူအား မဖြစ်ပေါ်သေးသော ကုသိုလ်တရားတို့သည်လည်း ဖြစ်ပေါ်ကုန်၏။ ဖြစ်ပေါ်ပြီးသော အကုသိုလ်တရားတို့သည်လည်း ဆုတ်ယုတ်ကုန်၏။ ဟု (မိန့်တော်မူ၏)။

Friday, July 13, 2012

ဗုဒ္ဓအလိုကျ ဥပုသ်စောင့်ခြင်း

ကမ္ဘာပေါ်ရှိ လူမျိုးတိုင်းလိုလိုပင် ယခုအခါတွင် ခုနစ်ရက်တပတ်လျှင် တရက်သက်သက်ကို နေ့အားအဖြစ် သတ်မှတ်ထားလေ့ရှိကြသည်။ ထိုသို့သတ်မှတ်ချက်သည် ရှေးခေတ် အီဂျစ်လူမျိုး၊ ဗက်ဗီလုံးနီးယန်းလူမျိုး၊ ဟိန္ဒူလူမျိုး၊ ပါးရှင်းလူမျိုး၊ ရောမလူမျိုး စသည်တို့ လက်ထက်ကပင် ပေါ်ထွန်းခဲ့သည်။

ထိုသို့ နေ့အား သတ်မှတ်ထားရာတွင် အချို့လူမျိုးများအဖို့ ထိုနေ့သည် အားလပ်ရက်မျှသာမဟုတ်ဘဲ လောကုတ္တရာလမ်းစဉ်ဖြစ်သော အယူဝါဒဆိုင်ရာ ကိစ္စများကို ဆောင်ရွက်ရသော နေ့ထူးနေ့မြတ် ဖြစ်ပေသည်။ ထို့ကြောင့် ထိုကဲ့သို့သောနေ့မျိုးကို သီတင်းနေ့ သို့မဟုတ်-ဥပုသ်နေ့ ဟု ခေါ်ဆိုကြသည်။

အင်္ဂလိပ်၊ အမေရိကန် စသော ခရစ်ယာန် အယူဝါဒီများ၏ ဥပုသ်နေ့မှာ တနင်္ဂနွေနေ့ဖြစ်၏။ ခရစ်ယာန်ဘာသာဝင်များအဖို့ တနင်္ဂနွေနေ့ကို ဥပုသ်နေ့အဖြစ် သတ်မှတ်ရခြင်းမှာ အကြောင်းထူးရှိသည်။ အခြားမဟုတ်၊ ထိုနေ့တွင် ခရစ်တော် ရှင်ပြန်ထမြောက်လာသည်ဟု ခံယူထားသောကြောင့် ဖြစ်သည်။ ထို့ကြောင့် ရက်သတ္တတပတ်၏ ပထမနေ့ဖြစ်သော တနင်္ဂနွေနေ့တိုင်းတွင် ခရစ်ယာန်ဘာသာဝင်များသည် ခရစ်ယာန် ဘုရားရှိခိုးကျောင်းများသို့ သွားရောက်၍ ၀တ်တက်ကြလေသည်။

ဗုဒ္ဓဘာသာဝင်များ၌လည်း ဥပုသ်နေ့ဟူ၍ သတ်မှတ်ထားခြင်း ရှိလေသည်။ မြန်မာလဖြစ်သော လပြည့်နေ့၊ လကွယ်နေ့၊ လဆန်း ၈-ရက်၊ လဆုတ် ၈-ရက်နေ့များကို ဗုဒ္ဓဘာသာဝင် မြန်မာလူမျိုးတို့က ဥပုသ်နေ့ဟူ၍ သတ်မှတ်ကာ ဥပုသ်စောင့်ထိန်းကြလေသည်။

ဘုရားဟော တိကနိပါတ် အင်္ဂုတ္တိုရ်အရ ဥပုသ် သုံးမျိုး ရှိသည်။ ယင်းတို့မှာ-
(၁) ဂေါပါလဥပုသ်
(၂) နိဂဏ္ဍဥပုသ်
(၃) အရိယာဥပုသ် ဟူ၍ ဖြစ်သည်။

(၁) ဂေါပါလ ဥပုသ်-ဆိုသည်မှာ ဥပုသ်သီလကို ဆောက်တည်ပြီးနောက် ရတနာသုံးပါး၏ ဂုဏ်တော်၊ ကျေးဇူးတော်တို့ကို မအောက်မေ့ မပွားများဘဲ ၀တ်ရေးစားမှု အစုစုတို့ကိုသာ ကြံစည်အောက်မေ့နေသော ဥပုသ်မျိုးဖြစ်သည်။ ထိုဥပုသ်မျိုးသည် အကျိုးပေးနည်းသည်။

(၂) နိဂဏ္ဍ ဥပုသ်-ဆိုသည်မှာ တိတ္ထိတို့ဆောင်သော ဥပုသ်မျိုး ဖြစ်သည်။
ပမာအားဖြင့် မိုင်တရာအတွင်း၌ရှိသော သတ္တ၀ါကိုသာ သတ်ပါမည်-စသည့် သိက္ခာပုဒ်မျိုးကို ဆောက်တည်ခြင်းဖြစ်၏။ ထိုဥပုသ်မျိုးသည် အကျိုးမရှိပေ။

(၃) အရိယာ ဥပုသ်-ဆိုသည်မှာ ဥပုသ်လီလ ခံယူဆောက်တည်ပြီးနောက် နေ့စဉ်ပြုလုပ်နေကျဖြစ်သော အိမ်မှုကိစ္စ၊ အလုပ်တာဝန်များနှင့် အခြားလောကီရေးရာ လုပ်ငန်းဆောင်တာများကို မလုပ်ကြရ။ အနိစ္စ၊ ဒုက္ခ၊ အနတ္တ တရားတို့ကို နှလုံးသွင်းခြင်း၊ ရတနာသုံးပါးတို့၏ ဂုဏ်တော်ကျေးဇူးတော်များကို အောက်မေ့ပွားများခြင်း၊ ဘုရားတရားတော်များကို ဖတ်ကြားခြင်း၊ နာယူခြင်း၊ ပုတီးစိပ်ခြင်း၊ ကမ္မဋ္ဌာန်းဘာဝနာ စီးဖြန်းခြင်း၊ မေတ္တာပွားများခြင်း အစရှိသော လောကုတ္တရာကျင့်စဉ်များကို အားထုတ်ကြရပေသည်။

ထိုအရိယာဥပုသ်မျိုးသည်သာ ဘုရားရှင်အလိုတော်ကျ ဖြစ်သည်။ လွန်စွာ အကျိုးရှိသည်။ ထို့ကြောင့် စာချစ်သူတို့သည် ရှစ်ပါးသီလ၊ ကိုးပါးသီလ၊ ၁၀-ပါးသီလဖြစ်သော ဥပုသ်တို့ကို ဆောက်တည်ရာတွင် ဘုရားရှင်၏ အလိုတော်ကျ ဆောက်တည်သင့်ကြောင်း၊ သို့မှသာလျှင် အကျိုးထူးကို အပြည့်အ၀ ခံစားနိုင်မည်ဖြစ်ကြောင်း တင်ပြအပ်ပါသည်။

Wednesday, July 11, 2012

အရှင်သမိဒ္ဓိနှင့် မာနတ်အကြံ

 မြတ်စွာဘုရားသည် အခါတစ်ပါး၌ သက္ကတိုင်း ကျောက်တံတိုင်းအကာအရံရှိသော ကျောင်း၌့ (သီတင်းသုံး) နေတော်မူ၏၊ ထိုအခါ၌ အသျှင်သမိဒ္ဓိသည် မြတ်စွာဘုရား၏ မနီးမဝေး၌ မမေ့မလျော့ ပြင်းစွာ အားထုတ်လျက် နိဗ္ဗာန်သို့ စေလွှတ်အပ်သော စိတ်ရှိသည် ဖြစ်၍ နေ၏၊ ထိုအခါ ဆိတ်ငြိမ်ရာ အရပ်သို့ ကပ်လျက် တစ်ပါးတည်း ကိန်းအောင်းနေသော အရှင်သမိဒ္ဓိအား- ''အကြင်ငါ၏ ဆရာဖြစ်တော်မူသော မြတ်စွာဘုရားသည် ပူဇော်အထူးကို ခံတော်မူထိုက်၏၊ (အလုံးစုံသော တရားတို့ကို) ကိုယ်တိုင် မှန်စွာ သိတော်မူ၏၊ ငါ့အား အရတော်လေစွတကား၊ ငါသည် ကောင်းစွာ ရအပ်ပေစွတကား။ ဤသို့ ကောင်းစွာ ဟောတော်မူအပ်သော သာသနာတော်၌ ရဟန်းပြုရသော ငါ့အား အရတော်လေစွတကား၊ ငါ့အား ကောင်းစွာ ရအပ်ပေစွတကား။ ငါ၏ သီတင်းသုံးဖော်တို့သည် သီလရှိကုန်၏၊ ကောင်းသော သဘောရှိကုန်၏၊ ငါ့အား အရတော်လေစွတကား၊ ငါ့အား ကောင်းစွာ ရအပ်ပေစွတကား''ဟု စိတ်အကြံ ဖြစ်၏၊ ထိုအခါ ယုတ်မာသော မာရ်နတ်သည် အရှင်သမိဒ္ဓိ၏ စိတ်အကြံကို မိမိစိတ်ဖြင့် သိ၍ အရှင်သမိဒ္ဓိ ထံသို့ ချဉ်းကပ်လျက် အရှင်သမိဒ္ဓိ၏ မနီးမဝေး၌ မြေပြိုသကဲ့သို့ ကြောက်မက်ဖွယ် အသံကြီးကို ပြု၏။
ထိုအခါ၌ အရှင်သမိဒ္ဓိသည် မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးလျက် တစ်ခုသော နေရာ၌ ထိုင်နေပြီးသော် မြတ်စွာဘုရားအား ဤစကားကို လျှောက်၏ - ''အသျှင်ဘုရား အကျွန်ုပ်သည် မြတ်စွာဘုရား၏ မနီးမဝေးသောအရပ်၌ မမေ့မလျော့ ပြင်းစွာ အားထုတ်လျက် နိဗ္ဗာန်သို့ စေလွှတ် အပ်သော စိတ်ရှိသည် ဖြစ်၍ နေပါ၏၊ အသျှင်ဘုရား ဆိတ်ငြိမ်ရာအရပ်သို့ ကပ်၍ တစ်ယောက်တည်း ကိန်းအောင်းနေသော အကျွန်ုပ်အား- 'အကြင်ငါ၏ ဆရာဖြစ်တော်မူသော မြတ်စွာဘုရားသည် ပူဇော်အထူး ကို ခံတော်မူထိုက်၏၊ (အလုံးစုံသော တရားတို့ကို) ကိုယ်တိုင်မှန်စွာ သိတော်မူ၏၊ ငါ့အား အရတော်စွ တကား၊ ငါ့အား ကောင်းစွာ ရအပ်ပေစွတကား၊၊ ဤသို့ ကောင်းစွာ ဟောတော်မူအပ်သော သာသနာ တော်၌ ရဟန်းပြုရသော ငါ့အား အရတော်စွတကား၊ ငါ့အား ကောင်းစွာ ရအပ်ပေစွတကား။ ငါ၏ သီတင်းသုံးဖော်တို့သည် သီလရှိကုန်၏၊ ကောင်းသော သဘောရှိကုန်၏၊ ငါ့အား အရတော်စွတကား၊ ငါ့အား ကောင်းစွာ ရအပ်ပေစွတကား'ဟု စိတ်အကြံ ဖြစ်ပါ၏၊ အသျှင်ဘုရား ထိုအကျွန်ုပ်အနီး၌ မြေပြို သကဲ့သို့ ကြောက်မက်ဖွယ်ရှိသော အသံကြီးသည် ဖြစ်ပါသည်''ဟု လျှောက်၏။
သမိဒ္ဓိ ဤသည်ကား မြေပြိုသည် မဟုတ်၊ ဤသည်ကား ယုတ်မာသော မာရ်နတ်တည်း၊ သင်၏ ပညာမျက်စိကို ဖျက်ဆီးခြင်းငှါ လာ၏၊ သမိဒ္ဓိ သင်သည် သွားလေ၊ ထိုအရပ်၌ပင်လျှင် မမေ့မလျော့ ပြင်းစွာ အားထုတ်လျက် နိဗ္ဗာန်သို့ စေလွှတ်အပ်သော စိတ်ရှိသည် ဖြစ်၍ နေလော့ဟု (မိန့်တော်မူ၏)၊ ''အသျှင်ဘုရား ကောင်းပါပြီ''ဟု အရှင်သမိဒ္ဓိသည် မြတ်စွာဘုရားအား ဝန်ခံ၍ နေရာမှ ထကာ မြတ်စွာဘုရားကို ရှိခိုးပြီးလျှင် အရိုအသေ ပြု၍ ဖဲသွားလေ၏၊ နှစ်ကြိမ်မြောက်လည်း အရှင်သမိဒ္ဓိသည် ထိုအရပ်၌ ပင်လျှင် မမေ့မလျော့ ပြင်းစွာ အားထုတ်လျက် နိဗ္ဗာန်သို့ စေလွှတ်အပ်သော စိတ်ရှိသည် ဖြစ်၍နေ၏၊ နှစ်ကြိမ်မြောက်လည်း ဆိတ်ငြိမ်ရာ အရပ်သို့ ကပ်သည် ဖြစ်၍ တစ်ပါးတည်း ကိန်းအောင်းနေသော အရှင်သမိဒ္ဓိအား''အကြင်ငါ၏ ဆရာဖြစ်တော်မူသော မြတ်စွာဘုရားသည် ပူဇော်အထူးကို ခံတော်မူထိုက်၏၊ (အလုံးစုံသော တရားတို့ကို) ကိုယ်တိုင် မှန်စွာ သိတော်မူ၏၊ ငါ့အား အရတော်လေစွတကား၊ ငါသည် ကောင်းစွာ ရအပ်ပေစွတကား။ ဤသို့ ကောင်းစွာ ဟောတော်မူအပ်သော သာသနာတော်၌ ရဟန်းပြုရသော ငါ့အား အရတော်လေစွတကား၊ ငါ့အား ကောင်းစွာ ရအပ်ပေစွတကား။ ငါ၏ သီတင်းသုံးဖော်တို့သည် သီလရှိကုန်၏၊ ကောင်းသော သဘောရှိကုန်၏၊ ငါ့အား အရတော်လေစွတကား၊ ငါ့အား ကောင်းစွာ ရအပ်ပေစွတကား''ဟု စိတ်အကြံ ဖြစ်၏။ထိုအခါ နှစ်ကြိမ်မြောက်လည်း ယုတ်မာသော မာရ်နတ်သည် အရှင်သမိဒ္ဓိ၏ စိတ်အကြံကို မိမိ စိတ်ဖြင့် သိ၍ အရှင်သမိဒ္ဓိ ထံသို့ ချဉ်းကပ်လျက် အရှင်သမိဒ္ဓိ၏ မနီးမဝေး၌ မြေပြိုသကဲ့သို့ ကြောက်မက်ဖွယ် အသံကြီးကို ပြု၏။။ မြေပြိုသကဲ့သို့ ကြောက်မက်ဖွယ် အသံကြီး ဖြစ်၏၊ ထိုအခါ အရှင်သမိဒ္ဓိသည် ယုတ်မာ သော မာရ်နတ်ကို ဂါထာဖြင့် ရွတ်ဆို၏-
''ငါသည် လူ့ဘောင်မှ ရဟန်းဘောင်သို့ သဒ္ဓါတရားဖြင့် ဝင်ရောက် (ရဟန်းပြု)၏။ ငါသည် သတိကိုလည်းကောင်း၊ ပညာကိုလည်းကောင်း သိအပ်၏။ စိတ်ကိုလည်းကောင်းစွာ ဆောက်တည်အပ်၏၊ (ကြောက်မက်ဖွယ်သော) ရုပ်အဆင်းတို့ကို အလိုရှိတိုင်း ပြုလော့၊ ငါ့ကို တုန်လှုပ်စေနိုင်လိမ့်မည် မဟုတ်''ဟု ရွတ်ဆို၏။
ထိုအခါ၌ ယုတ်မာသော မာရ်နတ်သည် ''သမိဒ္ဓိရဟန်းသည် ငါ့ကို သိ၏''ဟု ဆင်းရဲခြင်း နှလုံး မသာခြင်း ရှိသည် ဖြစ်၍ ထိုအရပ်၌ပင်လျှင် ကွယ်ပျောက်လေ၏။

                                                                                                 
                                                       (သံယုတ္တနိကာယ်.မာရသံယုတ် သမိဒ္ဓိသုတ်)

Monday, July 9, 2012

ပမာဒ အကြောင်းသိကောင်းစရာ

(ယထာ အဂါရံ ဒုစ္ဆန္နံ၊ ၀ုဋ္ဌီ သမတိဝိဇ္ဈတိ။
ဧ၀ံ အဘာဝိတံ စိတ္တံ၊ ရာဂေါ သမတိဝိဇ္ဈတိ။
 ယထာ အဂါရံ သုဆန္နံ၊ ၀ုဋ္ဌီ န သမတိဝိဇ္ဈတိ။
ဧ၀ံ သုဘာဝိတံ စိတ္တံ၊ ရာဂေါ န သမတိဝိဇ္ဈတိ။)
 အိမ်ကို မကောင်းသဖြင့် မိုးအပ်သည်ရှိသော် မိုးရေသည် ဖောက်ဝင်နိုင်သကဲ့သို့ စိတ်ကို (သမထ၊           ၀ိပ ဿနာတို့ဖြင့်) ကောင်းစွာ မပွားထုံအပ်သည်ရှိသော် ရာဂသည် ဖောက်ဝင်နိုင်၏။
အိမ်ကို ကောင်းစွာမိုးအပ်သည်ရှိသော် မိုးရေသည် မဖောက်ဝင်နိုင်သကဲ့သို့ စိတ်ကို (သမထ၊       ၀ိပ ဿနာတို့ဖြင့်) ကောင်းစွာ ပွားထုံအပ်သည်ရှိသော် ရာဂသည် မဖောက်ဝင်နိုင်။ (ဓမ္မပဒ၊ယမကဝဂ်)

"ပမာဒ" မေ့လျော့ခြင်းလို့ အဓိပ္ပါယ်ရှိတယ်။ကောင်းတဲ့လုပ်ငန်းမှန်သမျှကို မေ့လျော့အားနည်းပြီမလုပ်ဖြစ်တော့ဘဲ မကောင်းတဲ့လုပ်ငန်းမှန်သမျှသာ လုပ်ဖြစ်တယ်။အဲ့ဒါကို 'ပမာဒ' မေ့လျော့ခြင်းလို့ ခေါ်တယ် ။ "ပမာဒ" မေ့လျော့ဆိုတာသတိမရှိတာ၊ မရှိတာဆိုတာ ကင်းနေတာ၊ကင်းဆိုတာဟာလည်း ဟာလာဟင်းလင်းကွင်းပြင်ဖြစ်နေတာ။ကွင်းပြင်ဆိုတာကလည်းအမိုးအကာ အရံမရှိတာ၊အကာအရံမရှိယင်လည်း မလုံခြုံဘူး။မလုံခြုံတဲ့နေရာနေမိရင် မိုးရေ မိုးပေါက် မှတ် ခြင်ယင်မြွေ ကင်းခွေးကြက်ငှက်စတဲ့ သဘာဝအန္တရာယ်မျိုးစုံအလွယ်တကူ ဝင်ရောက်လာပြီး ဖျက်ဆီးခံရရင် ဆင်းရဲပင်ပန်းစွာနဲ့ ပျက်စီးရတယ်။လူဆိုး သူခိုး ဓာပြစတဲ့ ဝန်းကျင်အန္တရာယ်ကြောင့်လည်း ပျက်စီးကြရပါတယ် ။

အရှက်လုံခြုံမှု အသက်လုံခြုံမှု ကျမ္မာရေးလုံခြုံမှု ပစ္စည်းလုံခြုံမှု မိသားစုလုံခြုံမှု ဘာမျှလုံခြုံမှု မရှိတော့ဘူး။ ဒါတွေက ဗဟိန္ဒ ခေါ်တဲ့ အပြင်ပိုင်း သုံးသပ်ပြတာပါ ။သတိဆိုတဲ့ အကာအရံ မရှိရင် အဇ္ဈတ္တ ခေါ်တဲ့ အတွင်းစိတ်ပိုင်းဆိုင်ရာမှာလည်း ထို့ အတူပါပဲ ။စိတ်ရဲ့ အကာအရံ  တံခါး အစောင့်အရှောက်ဆိုတာ သတိကိုပြောတာပါ၊စိတ်မှာသတိဆိုတဲ့ အကာအရံ အစောင်အရှောက်မရှိ ရင် ကိလေသာဆိုတဲ့မိုးရေ မိုးပေါက်၊သူခိုး ဓားပြလူဆိုးတွေ ဝင်ရောက်လာပြီး မိမိရဲ့ မကောင်းစိတ်တွေကို ဖျက်ဆီး၍ မကောင်းတဲ့စိတ်တွေက နေရာယူပြီးအုပ်စိုးလွှမ်းမိုးသွားတယ် ။ စိတ်မှာ ကိလေသာတွေင်ဝင်လာရင် မအေးချမ်းတော့ဘူးပူလောင်လာတယ်၊ဆင်းရဲ့လာတယ်၊ မဖြူစင်ဘဲ ညစ်နွမ်းသွားတယ် ။ "စိတ္တ သံကိလေသ သတ္တာ သံကိလိဿန္တိ" စိတ်တွေ ပူလောင်ညစ်နွမ်းရင် သတ္တဝါတွေလည်း ပူလောင်ညစ်နွမ်း သွားတယ်ဆို တဲ့ ဘုရားရှင်စကားနဲ့ လည်း မှန်နေတယ် ။သတ္တဝါတွေ ကိုယ်စိတ် ပူလောင် ညစ်နွမ်း ပင်ပန်း ဆင်းရဲနေရင် ကုသိုလ်ကို သတိမရတော့ဘဲ မေ့လျော့ပြီးအကုသိုလ်တွေသာ ပြုလုပ်ပြီး အချိန်ကုန်သွားတယ် ။အဲ့ဒါကိုပဲ "ပမာဒ" မေ့လျော့တယ် ကုသိုလ်တွေ မေ့နေတယ်၊အကုသိုလ်တွေဖြစ်တယ်လို့ ဆိုပါတယ်။

တစ်ချို့ ကပြောကြတယ် တပည့်တော်တို့ သတ်သတ် ခိုးမှု ကာမေသုလည်း ကင်းရှင်းတယ် လိမ်ညာခြင်း သောက်စားခြင်းလည်းမလုပ်ဘူး ။မှန်ကန်မျှတစွာ နဲ့  စီးပွားရှာတယ်  အများအပေါ်မေတ္တာထားတယ် အယူမှန်တယ်ဘုရားတဲ့ ။တိုတိုပြောရရင် ဒုစရိုက်(၁၀)ပါးကင်းတယ်။စွမ်းနိုင်သမျှကူညီတယ် ။ထောက်ပံ့တယ်(ဒါန)ငါးပါးသီလ(သီလ)မြဲတယ်။ဒါကြောင့် တပည့်တော်များ" ပမာဒ" မေ့လျော့ခြင်းကင်းတယ် မဟုတ်လားတဲ့ ။မဃဒေဝလင်္ကာသစ်မှာ " ကောင်းမှုကိုပင် မလိုစအား၊ သားမယားနှင့် ပျော်ပါလေ့ကျက်၊ ဆောင်းတွင်းကြက်သို့  နံနက်ညနေ၊မြဲမသွေလျှင် အသေနီးစွာ၊တစ်သက်လျှာမျှ ပျော်ရာမှီလျက် ခဏတွက်ကို တမက်တမော၊မေ့လျော့ပျော်၏ "။လို့ ဆုံးမထားတာကို သွားသတိရမိတယ်။ချုပ်ပြောရရင် ရေပွတ်ပမာ ခဏတာအသက်ရှင်ရတာကို  မသေတော့ဘူထင်ပြီး သေခြင်းတရားမေ့ပြီး သားမယားတွေနဲ့ ပျော်နေတာလည်း "ပမာဒ" မေ့လျော့နေ တယ်လို့ ဆိုခြင်းဖြစ်ပါတယ် ။ ကိုယ့်ဇနီးနှင့် အတူနေတာ (ယဉ်ကျေးအောင် သုံးနှုံးထား၏)ကာမေသုမိစ္ဆာရာ သီလမပျက်စီးပေမယ့် အဗြဟ္မစာရီ ခေါ်တဲ့ သူတော်ကောင်းတရား များ မမြတ်နိုးတဲ့ အမှုကို  မိမိက မြတ်နိုးနေတာလည်း" ပမာဒ" မေ့လျော့ခြင်းဖြစ်ပါတယ် ။နောက်ပြီး ပမာဒ- မေ့လျော့မှုတွေ ဖြစ်စေနိုင်တဲ့ အင်္ဂါတွေထဲမှာ ကာမဂုဏ်အာရုံတွေမှာ ခံစားနေတာလည်း အဓိက ပါဝင်နေတာ စာပေမှာတွေ့ ရတယ် ။

ကာမဂုဏ်အာရုံလို့ ပြောလိုက်ရင် အများစုက တစ်မျိုးထင်နေကြတာ မဟုတ်ပါဘူး ။အများကြီးရှိပါတယ် ကာမဂုဏ်၌ ကာမ က ဝတ္ထုကာမ၊ ကိလေသာကာမဆို ပြီးနှစ်မျိုးရှိတယ် ။ရူပါရုံအဆင်း သဒ္ဒါရုံ အသံစတဲ့အာရုံငါးပါးက ဝတ္ထုကာမလို့ ခေါ်တယ်။လောဘ၊ ဒေါသစတဲ့ ကိလေသသာဆယ်ပါးက ကိလေသာကာမလို့ ခေါ်တယ် ။ ရူပါရုံ အဆင်းမှာ လောဘစတဲ့ ကိလေသာဆယ်ပါးဖြစ်နိုင်သလို့  ကျန်တဲ့ အသံ အနံ့ ၊အရသာ အတွေ အထိ အာရုံတွေမှာလည်း၊ ကိလေသာဆယ်ပါးလုံးဖြစ်နိုင်ပါတယ် ။စာကျယ်မှာစိုး၍  ဆယ်ပါးလုံးမရှင်ပြတော့ပါ ။ရူပါရုံစည်မှာ လောဘကိလေသာဖြစ်၍ ပမာဒ-မေ့လျော့ပုံကိုလည်း နမူနာသာဓကလေးတွေ ထုပ်ပြပါမယ် ။

ဥပမာ-ဥမ္မန္တီအလှကိုမြင်၍ အရူးကဲ့သို့ ဖြစ်ရတဲ့ သိဝိမင်း၊ သီရိမာရဲ့အဆင်းကိုမြင်၍ နှစ်ရက် သုံးရက် ဘာမျှလည်းမလုပ် ဆွမ်းလည်းမစားတော့ဘဲ အိပ်ရာပေါ်ခွေပြီး အိပ်နေတဲ့ရဟန်းငယ်။ဆွမ်းခံကိုယ်တောလေးမြင်မိ၍ မရရင်သေပါ့မယ်၊ မရလို့ သေသွားတဲ့ သီဟိုဠ်က အမျိုးသမီးငယ် စတာတွေဟာ အဆင်းရူပါရုံကို အကြောင်ပြု၍ လောဘဖြစ်ပြီး ပမာဒ-မေ့လျော့ခြင်းပဲ။ဘုရားအလောင်း ဥဒေါင်းမင်း ဥဒေါင်းမရဲ့ တွန်သံကြားရ၍ ညွတ်ကွင်းမိခြင်း  မောင်တော်မြန်မြန် ပြန်လာခဲ့ပါလို့  မှာလိုက်တဲ့ ဇနပဒကလျာဏီရဲ့ အသံကို ကြားနေရ၍ တရားအားထုပ်လို့ မရတဲ့ ညီတော်နန္ဒ စတာတွေကလည်း  အသံသဒ္ဒါရုံကို အကြောင်းပြုပြီး လောဘတဏှာဖြစ်၍ ပမာဒ-မေ့လျော့ခြင်းဖြစ်တယ် ။ အသားကင်မပါရင်မစားနိုင်၍ တစ်စတစ်စနဲ့  လူရဲ့အသားကိုပါ မစားဘဲ မနေနိုင်လို့  မင်းအဖြစ်မှ ဖြုတ်ချပြီး ပြည်နှင်ဒဏ်ပေးခံလိုက်ရတဲ့ ပေါဒိသာဒမင်းဟာ အရသာကို အကြောင်းပြု၍  ရသာတဏှာဖြစ်လို့  ပမာဒ-မေ့လျော့ခြင်းပဲ။ ဒီခေတ်မှာ နွား ဝက် ဆိတ် ကြက် ငါး ပုစွန် စတဲ့သတ္တဝါများရဲ့ အသက်ပေါင်းများစွာ ပေးဆပ်နေရခြင်းဖြစ်ပါတယ် ။ဗောဌဗ္ဗာရုံ ကိုယ်အတွေ့ အထိကြောင့် ကိလေသာဖြစ်လို့ ပမာဒ-မေ့လျော့ပုံကတော့ ယခုခေတ်ကမ္ဘာသူ ကမ္ဘာသားတွေ အိမ်ကမခွာနိုင်ဘဲ တရားအားမထုပ်နိုင်လောက်အောင် မေ့လျော့နေခြင်း ဖြစ်ပါတယ် ။ကမ္ဘာကိုမဆိုထားဘိ ယခု သာသနာထွန်းကားရာ ထွန်းကားဆုံး မြန်မာပြည်မှာ လူဦးရေ သန်း(၅၀)ကျော်ခန့် ရှိပါတယ် ။

ဗုဒ္ဓဘာသာခံယူသူက (၄၅)သန်းခန့် ရှိမယ်ထင်တယ် ။အဲ့ဒီ (၄၅)သန်းထဲမှာ ဗုဒ္ဓဘာသာဝင်မှာ အထွတ်မြတ်ဆုံးအကျင့် ဖြစ်တဲ့ သတိပဌာန်တရားကို ရက်ရှည် လများစွာ မိမိကိုယ်ကို အားရကျေနပ်လောက်တဲ့အထိ အားထုပ်ဖူးသူ ဦးရေမည်မျှရှိပြီလဲလို့  ဦးဇင်းက စပြီး ကိုယ့်ကိုပြန်၍ မေးသင့်ပါတယ် ။ဦးဇင်းထင်တယ် (၄၅)သန်းလောက်မှာ (၁၀)သန်းခန့် သာ (ဒါကခန့် မှန်းတာပါ)။ဒီထက်နည်းဖို့ က ပိုသေချာပါတယ် ။တရားကိုရက်ရှည်လများစွာ အားထုပ်ကြဖူးမည်လို့ ထင်မိပါတယ် ။ဒါဟာဘာဖြစ်လို့ လည်းလို့ မေးရင် အာရုံငါးပါးကို အကြောင်းပြုပြီး လောဘ ဒေါသစတဲ့ ကိလေသာတွေဖြစ်နေကြ၍ ပမာဒ-မေ့လျော့ခြင်း မေ့လျော့နေကြတယ်လို့  ဆိုလိုရင်းဖြစ်ပါတယ်။ ဒါကြောင့် ဦးဇင်းတို့ တစ်တွေ မေ့လျော့နေတဲ့ ပမာဒ ကို မမေ့မလျော့ အမြဲသတိရှိတဲ့ အပ္ပမာဒ ဖြင့် အစားထိုးပြီးတရားတွေအားထုပ်နိုင်ကြပါစေ.....။

                                                          စေတနာဖြင့်--ချမ်းသာကိုယ်စိတ်မြဲကြပါစေ.ရွှေဖြူးလေး